ప్రమాదం జరిగినా పర్లేదు..రూ.10లక్షల్లోపు 5స్టార్ రేటింగ్ కారు..మీ ఫ్యామిలీకి ఇంతకు మించిన సేఫ్టీ ఇంకేముంటుంది

దేశవ్యాప్తంగా పండుగ సందడి నెలకొంది. ఈ తరుణంలో కొత్త కారు కొనాలనుకునే వాళ్లకు శుభవార్త. సిట్రోయెన్ ఎయిర్‌క్రాస్ (Citroen Aircross) కారు Bharat NCAP క్రాష్ టెస్ట్‌లో పెద్దల భద్రత విషయంలో ఏకంగా 5 స్టార్ రేటింగ్‌ను సాధించింది. ఈ పరీక్షలలో ఎయిర్‌క్రాస్ కారు 5S వేరియంట్‌ను ఉపయోగించారు.

భారతదేశ మార్కెట్లో అమ్మకాల్లో పెద్దగా దూసుకుపోలేకపోయినా, సేఫ్టీ విషయంలో మాత్రం సిట్రోయెన్ ఎయిర్‌క్రాస్ తనకు తిరుగులేదని నిరూపించుకుంది. ఈ అద్భుతమైన విజయం సిట్రోయెన్ సంస్థ భద్రతా ప్రమాణాలకు నిదర్శనం. దీనికి సంబంధించిన మరిన్ని వివరాలు ఈ కథనంలో చూద్దాం.

ఇటీవల భారత మార్కెట్లోకి అడుగుపెట్టిన సిట్రోయెన్ ఎయిర్‌క్రాస్ కారు, Bharat NCAP క్రాష్ టెస్ట్‌లో భద్రత విషయంలో అద్భుతమైన ప్రదర్శన కనబరిచి, పెద్దల భద్రత విభాగంలో 5-స్టార్ రేటింగ్‌ను సాధించింది. ఈ పరీక్షలలో ఎయిర్‌క్రాస్ కారు 5S వేరియంట్‌ను ఉపయోగించారు. అమ్మకాల పరంగా పెద్దగా ప్రభావం చూపలేకపోయినా, భద్రత విషయంలో మాత్రం ఈ కారు తన సత్తా చాటింది.

భారతీయ రహదారులకు అనుగుణంగా, స్మార్ట్, సురక్షితమైన ప్రయాణ అనుభవాన్ని అందించాలనే లక్ష్యంతో సిట్రోయెన్ సంస్థ పని చేస్తోంది. ఈ 5-స్టార్ రేటింగ్ సిట్రోయెన్ ప్రయాణంలో ఒక ముఖ్యమైన మైలురాయి. సిట్రోయెన్ 2.0 (Citroën 2.0) వ్యూహంలో భాగంగా కంపెనీ తన ఉత్పత్తి తత్వంలో తీసుకువచ్చిన మార్పులకు ఈ విజయం నిదర్శనం.

ఆకర్షణీయమైన డిజైన్‌తో పాటు, అడ్వాన్సుడ్ సేఫ్టీ, సౌకర్యాన్ని అందించే వాహనాలను రూపొందించడంపై సిట్రోయెన్ దృష్టి సారించిందని ఈ రేటింగ్ నిరూపించింది. 2024లో భారతదేశంలో విడుదలైన ఎయిర్‌క్రాస్ కారు, దాని రైడింగ్ క్వాలిటీ, సౌకర్యం కోసం వినియోగదారుల ప్రశంసలు అందుకుంటోంది.

సిట్రోయెన్ ఎయిర్‌క్రాస్ కారు అత్యున్నత భద్రతా ప్రమాణాలతో పాటు, సౌకర్యవంతమైన ప్రయాణానికి అనుగుణంగా రూపొందించబడింది. ఇది పెద్దల భద్రత, పిల్లల భద్రత, భద్రతా సహాయక సాంకేతికతలు (SAT) సహా అన్ని క్రాష్ టెస్ట్‌లలోనూ అత్యుత్తమ పనితీరును ప్రదర్శించింది. ఫలితంగా భారత్ NCAP క్రాష్ టెస్ట్‌లో 5కి 5 పూర్తి స్టార్ రేటింగ్ లభించింది.

ముందు వైపు, పక్క వైపు నుండి జరిగే ప్రమాదాలను సమర్థవంతంగా తట్టుకునేలా, ప్రమాదం జరిగినప్పుడు క్యాబిన్ దెబ్బతినకుండా తగ్గించడానికి అడ్వాన్సుడ్ హై స్ట్రెంత్ స్టీల్, అల్ట్రా హై స్ట్రెంత్ స్టీల్ వంటి వాటిని ఉపయోగించి ఎయిర్‌క్రాస్‌ను తయారు చేశారు.

సిట్రోయెన్ ఎయిర్‌క్రాస్‌లో ప్రయాణీకుల భద్రత కోసం 40కి పైగా సేఫ్టీ టెక్నికల్ ఫీచర్లు అందించారు. ముఖ్యమైన సేఫ్టీ ఫీచర్లలో ఆరు ఎయిర్‌బ్యాగ్‌లు, పిల్లల సీట్లను సురక్షితంగా అమర్చడానికి ISOFIX యాంకర్లు, వెహికల్ కంట్రోల్‎ను మెరుగుపరిచే ఎలక్ట్రానిక్ స్టెబిలిటీ కంట్రోల్ (ESC), టైర్లలో గాలి ఒత్తిడిని పర్యవేక్షించే TPMS (టైర్ ప్రెషర్ మానిటరింగ్ సిస్టమ్), ఎత్తుపై వాహనం ఆగినప్పుడు వెనక్కి జారకుండా ఆదుకునే హిల్-హోల్డ్ అసిస్ట్ వంటివి ఉన్నాయి. ఈ ఫీచర్లు కారు భద్రతను మరింత పెంచుతాయి.

భద్రతతో పాటు, ఎయిర్‌క్రాస్ కారు సౌకర్యం, డ్రైవింగ్ అనుభవాన్ని మెరుగుపరిచే ఫీచర్లను కూడా అందిస్తుంది. ఇందులో మెరుగైన విజిబిలిటీ కోసం LED ప్రొజెక్టర్ హెడ్‌ల్యాంప్‌లు, క్లైమేట్ కంట్రోల్‌తో కూడిన ఆటోమేటిక్ ఏసీ, ఎలక్ట్రిక్ పవర్ ద్వారా మడవగలిగే ORVMలు (సైడ్ మిర్రర్‌లు) ఉన్నాయి. కారు లోపలి భాగంలో సాఫ్ట్-టచ్ ఇన్‌స్ట్రుమెంట్ ప్యానెల్, వెనుక AC వెంట్స్, డోర్‌లలో సులభంగా యాక్సెస్ చేయడానికి వీలుగా పవర్ విండో స్విచ్‌లను రీడిజైన్ చేశారు.

ఈ ఎయిర్‌క్రాస్ SUV రెండు ఇంజిన్ ఆప్షన్‌లలో లభిస్తుంది. అవి 1.2 లీటర్ జెన్ 3 ప్యూర్‌టెక్ 110 టర్బో, ప్యూర్‌టెక్ 82 ఇంజిన్లు. గేర్‌బాక్స్ ఆప్షన్ల విషయానికి వస్తే, 5-స్పీడ్ మాన్యువల్, 6-స్పీడ్ మాన్యువల్ లేదా 6-స్పీడ్ ఆటోమేటిక్ ఆప్షన్‌లలో ఒకదాన్ని ఎంచుకోవచ్చు. ఇది 5-సీటర్ మరియు 5+2 సీటర్ వేరియంట్లలో లభిస్తుంది.

రాబోయే పండుగల సీజన్‌ను పురస్కరించుకుని సిట్రోయెన్, కొత్తగా ఎయిర్‌క్రాస్ X (AIRCROSS X) కారును కూడా మార్కెట్లో పరిచయం చేయనుంది.

కారు కొనేవారు భద్రతా స్కోర్‌లను చాలా జాగ్రత్తగా చూస్తున్న ఈ రోజుల్లో, ఎయిర్‌క్రాస్ సాధించిన ఈ ఉన్నత రేటింగ్ వల్ల రాబోయే నెలల్లో దీని అమ్మకాలు పెరుగుతాయని మార్కెట్ వర్గాలు భావిస్తున్నాయి. నేడు కారు కొనేవారు భద్రతా స్కోర్‌లను చాలా జాగ్రత్తగా చూస్తున్నందున, రాబోయే నెలల్లో సిట్రోయెన్ ఎయిర్‌క్రాస్ అమ్మకాలు పెరుగుతాయని ఆశిస్తున్నారు.