మహీంద్రా విజన్ టీ కాన్సెప్ట్ ఆవిష్కరణ..థార్ కొత్త లుక్ చూస్తే పిచ్చెక్కిపోవాల్సిందే

భారతదేశ ఆటోమొబైల్ పరిశ్రమలో మహీంద్రా తనకంటూ ఒక ప్రత్యేక గుర్తింపు తెచ్చుకుంది. ముఖ్యంగా ఆఫ్-రోడ్ ఎస్‌యూవీలకు పేరుగాంచిన ఈ సంస్థ, స్వాతంత్ర్య దినోత్సవం సందర్భంగా జరిగిన ఫ్రీడమ్ నూ ఈవెంట్‌లో విజన్ టీ అనే ఒక కొత్త కాన్సెప్ట్ ఎస్‌యూవీని ఆవిష్కరించింది. ఈ వాహనం భవిష్యత్తులో రాబోయే మహీంద్రా థార్ మోడల్స్‌కు ఒక సూచనగా కనిపిస్తోంది.

మహీంద్రా సంస్థ ఆవిష్కరించిన విజన్ టీ అనేది 2023లో చూసిన థార్.ఇ ప్రోటోటైప్‌కు మెరుగైన వెర్షన్. ఇది కంపెనీ ఫ్లెక్సిబుల్ నూ.ఐక్యూ ప్లాట్‌ఫారమ్‌పై రూపొందించబడింది. ఇది థార్ సాంప్రదాయ బాక్సీ రూపాన్ని నిలుపుకుంది. కానీ ఒక లేటెస్ట్, రోడ్-రెడీ లుక్‌తో కనిపిస్తుంది. ఈ కాన్సెప్ట్ ప్రస్తుతానికి ఉత్పత్తిలోకి వచ్చే అవకాశం లేదు, కానీ భవిష్యత్తులో థార్ మోడల్స్ ఎలా ఉండబోతున్నాయో ఇది సూచిస్తుంది.

విజన్ టీ డిజైన్‌లో థార్‌తో పోలికలు చాలా ఉన్నాయి, కానీ కొత్త టచ్‌తో మరింత ఆకర్షణీయంగా ఉంది. స్క్వేర్-ఆకారంలో ఉన్న హెడ్‌లైట్లు, వాటి పక్కన నిలువుగా ఉన్న ఎల్ఈడీ డీఆర్ఎల్ లైట్లు దీనికి ఒక ప్రత్యేకమైన లుక్ ఇస్తాయి. పసుపు రంగు టో-హుక్ లాచ్‌తో కూడిన రగ్గెడ్ నల్ల బంపర్ దీనిని మరింత ఆఫ్‌రోడ్ ఎస్‌యూవీలా కనిపించేలా చేస్తుంది. ఫ్లాట్ బోనెట్ మరియు ఆరు స్లాట్‌ల గ్రిల్ థార్ రాక్స్‎ను గుర్తుచేస్తాయి.

పొడవాటి,స్ట్రైట్-ఎడ్జ్ ప్రొఫైల్‌, పెద్ద ఆఫ్-రోడ్ టైర్లు, స్క్వేర్-ఆకారంలో ఉన్న వీల్ ఆర్చెస్ దీనిని చాలా స్ట్రాంగ్ ఎస్‌యూవీగా చూపిస్తాయి. వెనుక క్వార్టర్ గ్లాస్‌కు స్మోక్డ్ ఫినిష్ ఇవ్వబడింది. డోర్ హ్యాండిల్స్ సి-పిల్లర్‌లో దాచడం వల్ల క్లీన్ లుక్ లభిస్తుంది.

వెనుక భాగంలో థార్‌కి ఉన్నట్లుగానే దీనికి కూడా టెయిల్‌గేట్‌పై స్పేర్ వీల్ ఉంది. సన్నని, స్క్వేర్-ఆకారంలో ఉన్న టెయిల్‌ ల్యాంప్స్‌లో కూడా నిలువుగా ఉన్న ఎల్ఈడీ లైట్లు ముందు భాగంలోని డీఆర్ఎల్స్‌తో సరిపోలుతాయి.

మహీంద్రా విజన్ టీ పవర్‌ట్రైన్ వివరాలు ఇంకా వెల్లడించలేదు. ఇది నూ.ఐక్యూ ప్లాట్‌ఫారమ్‌పై ఆధారపడి ఉంది కాబట్టి, ఇది భవిష్యత్తులో పెట్రోల్, డీజిల్, హైబ్రిడ్ లేదా పూర్తిగా ఎలక్ట్రిక్ వేరియంట్లలో కూడా రావడానికి అవకాశం ఉంది. ఇది వివిధ మార్కెట్ల అవసరాలకు అనుగుణంగా మారగలదు.

డ్రైవ్‌స్పార్క్ అభిప్రాయం : మహీంద్రా విజన్ టీ కాన్సెప్ట్ అనేది కేవలం ఒక డిజైన్ గ్లింప్స్ మాత్రమే. ఇది ప్రొడక్షన్ మోడల్‌గా మార్కెట్‌లోకి వస్తుందో లేదో ఇంకా స్పష్టంగా తెలియలేదు. కానీ, ఒకవేళ ప్రొడక్షన్ వెర్షన్ వస్తే ఇది ఇప్పటికే ఉన్న థార్, రాక్స్ లతో పాటుగా అందుబాటులోకి రావచ్చు.

ఇది థార్ రగ్గెడ్ హెరిటేజ్‌ను నిలుపుకుంటూనే, ఆధునిక డిజైన్, ఎలక్ట్రిక్ కార్ల వైపు మొగ్గు చూపుతున్న వినియోగదారులకు అనుగుణంగా ఉంటుందని నిపుణులు భావిస్తున్నారు. విజన్ టీ కాన్సెప్ట్, భవిష్యత్తులో మహీంద్రా కార్లు ఎంత ఆధునికంగా ఉంటాయో తెలియజేస్తుంది.

విజన్ టీ ఉత్పత్తిలోకి వస్తే, ఇది ప్రస్తుత థార్, థార్ రాక్స్ మోడల్స్‌తో పాటు అందుబాటులో ఉంటుంది. ఇది థార్ వారసత్వాన్ని, భవిష్యత్తు ఎలక్ట్రిక్ టెక్నాలజీతో కలిపి ఒక లేటెైస్ట్ ఎస్‌యూవీ కాన్సెప్ట్‌ను సూచిస్తుంది. భవిష్యత్తులో రోడ్లపై ఈ కొత్త ఎస్‌యూవీని చూడాలని థార్ అభిమానులు ఆసక్తిగా ఎదురుచూస్తున్నారు.