టాటాకు ఉచ్చు బిగిస్తున్న ఎంజీ, మహీంద్రా..ఎలక్ట్రిక్ కార్ల మార్కెట్‌లో భారీ మార్పులు

ఇతర ప్రపంచ దేశాల మాదిరిగానే భారతదేశంలో కూడా ఎలక్ట్రిక్ వాహనాలను కొనుగోలు చేసే వారి సంఖ్య నిరంతరం పెరుగుతోంది. అయితే, ఎలక్ట్రిక్ టూ-వీలర్ల లెవల్‎కు చేరకపోయినా, ఎలక్ట్రిక్ కార్ల అమ్మకాలు మాత్రం కొంచెం నెమ్మదిగా పెరుగుతున్నాయి. ఈ విషయాన్ని స్పష్టం చేస్తూ గత జూన్ 2025 నెలలో భారతదేశంలో అమ్ముడుపోయిన ఎలక్ట్రిక్ కార్ల వివరాలు అందుబాటులోకి వచ్చాయి.

భారతదేశంలో జూన్ 2025 నెలలో మొత్తం 13,178ఎలక్ట్రిక్ కార్లు అమ్ముడయ్యాయి. అంతకుముందు మే నెలలో కేవలం 12,304ఎలక్ట్రిక్ కార్లు మాత్రమే అమ్ముడయ్యాయి. అంటే, మే నెలతో పోలిస్తే జూన్‌లో 874 ఎలక్ట్రిక్ కార్లు ఎక్కువగా అమ్ముడయ్యాయి. గత సంవత్సరం (2024) జూన్ నెలతో పోలిస్తే, ఈ సంవత్సరం జూన్‌లో దాదాపు రెట్టింపు సంఖ్యలో ఎలక్ట్రిక్ కార్లు అమ్ముడయ్యాయి. 2024 జూన్‌లో భారతదేశంలో మొత్తం 7,323 ఎలక్ట్రిక్ కార్లు మాత్రమే విక్రయించబడ్డాయి.

గత ఏడాది జూన్‌తో పోలిస్తే, ఈ ఏడాది జూన్‌లో 5,855 ఎలక్ట్రిక్ కార్లు అదనంగా అమ్ముడయ్యాయి. యథావిధిగా, గత జూన్ నెలలో కూడా టాటా మోటార్స్ అత్యధిక సంఖ్యలో ఎలక్ట్రిక్ కార్లను విక్రయించి మొదటి స్థానంలో నిలిచింది. అయితే, ఎంజీ మోటార్ కంపెనీ టాటాను చాలా దగ్గరగా చేరుకుంది.

2020 నుంచే ఎలక్ట్రిక్ కార్లను విక్రయించడం ప్రారంభించిన టాటా మోటార్స్ కంపెనీ, ప్రతి సంవత్సరం ఇతర కార్ల కంపెనీలు వందల సంఖ్యలో ఎలక్ట్రిక్ కార్లను విక్రయిస్తే, టాటా మోటార్స్ మాత్రం వేల సంఖ్యలో ఎలక్ట్రిక్ కార్లను విక్రయిస్తోంది.

ప్రస్తుతం కూడా ఇదే పరిస్థితి కొనసాగుతున్నప్పటికీ, టాటా మోటార్స్ వృద్ధి నెమ్మదించింది. 2024 జూన్ నెలలో 4,594 ఎలక్ట్రిక్ కార్లను విక్రయించిన టాటా మోటార్స్, ఈ 2025 జూన్ నెలలో కేవలం 114 ఎలక్ట్రిక్ కార్లు మాత్రమే అధికంగా, మొత్తం 4,708 ఎలక్ట్రిక్ కార్లను విక్రయించింది.

2025 మే నెలలో 4,351 ఎలక్ట్రిక్ కార్లను మాత్రమే టాటా మోటార్స్ కంపెనీ విక్రయించగలిగింది. ఇలా టాటా వృద్ధి నెమ్మదించడానికి జేఎస్‌డబ్ల్యూ ఎంజీ మోటార్, మహీంద్రా కంపెనీలు ముఖ్య కారణాలు. ఎంజీ మోటార్ నుంచి గత జూన్ నెలలో 3,972 ఎలక్ట్రిక్ కార్లు విక్రయించబడ్డాయి.

టాటాకు, ఎంజీకి మధ్య కేవలం 736 కార్ల తేడా మాత్రమే ఉంది. 2024 జూన్ నెలలో ఎంజీ మోటార్ కేవలం 1,480 ఎలక్ట్రిక్ కార్లను మాత్రమే విక్రయించింది. ఇదే విధంగా, 2024 జూన్‌లో కేవలం 486 ఎలక్ట్రిక్ కార్లను మాత్రమే విక్రయించిన మహీంద్రా కంపెనీ, 2025 జూన్‌లో ఏకంగా 3,029 ఎలక్ట్రిక్ కార్లను విక్రయించింది.

డ్రైవ్‌స్పార్క్ అభిప్రాయం: ఈ పోటీలో మొదటి రెండు స్థానాల్లో ఉన్న టాటా మోటార్స్, జేఎస్‌డబ్ల్యూ ఎంజీ మోటార్ కంపెనీలనే గమనిస్తున్నాం. కానీ, వీటికి తర్వాతి స్థానంలో 3వ స్థానంలో ఉన్న మహీంద్రా కంపెనీకి రాబోయే రోజుల్లో ఎక్కువ ఎలక్ట్రిక్ కార్లను విక్రయించేందుకు అవకాశం ఉన్నట్లు కనిపిస్తోంది. అందుకే, ఈ జాబితాలో మహీంద్రా మొదటి స్థానాన్ని సంపాదించుకునే రోజు ఎంతో దూరంలో లేదని భావిస్తున్నాం.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.