బాగా డిమాండ్ ఉన్న ఈ కారు కొనాలనుకుంటున్నారా? అయితే ఈ విషయం తెలుసుకోకపోతే తల పట్టుకుంటారు!

భారతదేశ EV మార్కెట్‌లో సంచలనం సృష్టించిన మోడల్స్‌లో MG విండ్సర్ EV ఇప్పుడు మరింత ఆసక్తికర మలుపు తిరిగింది. ఇప్పటి వరకు టాటా నెక్సాన్ EVనే ఎక్కువగా అమ్ముడయ్యే ఎలక్ట్రిక్ కారు అని భావించబడింది. కానీ, దాన్ని మించిపోయిన తొలి మోడల్‌గా MG విండ్సర్ నిలవడం నిజంగా ఓ టర్నింగ్ పాయింట్. దీనికి ప్రధాన కారణం, విస్తృతమైన ఇంటీరియర్ స్థలం, విమానం లాంటి సౌకర్యవంతమైన ప్రయాణ అనుభవం. MG విండ్సర్ EV‌ను ఎంతో మంది కుటుంబాలు స్మార్ట్, కంఫర్టబుల్ EVగా ఎంచుకున్నారు.

ఇది ఒకవైపు స్టైలిష్ లుక్‌‌తో జనాధారణ పొందిన మోడల్‌గా నిలిపింది. కానీ, ఇటీవలి అప్‌డేట్ ప్రకారం, కంపెనీ దీని ధరను పెంచింది. అంటే, ముందుగా అందుబాటులో ఉన్న విండ్సర్ EV మునుపటి ధరకు ఇకపై లభించదు. ఇది కొత్తగా EV కొనాలనుకుంటున్నవారికి కొంత నిరాశ కలిగించే విషయం కావొచ్చు. అయితే, మార్కెట్ డిమాండ్, ప్రీమియం ఫీచర్లతో పాటు టెక్నాలజీ అభివృద్ధిని దృష్టిలో ఉంచుకుని కంపెనీ ఈ నిర్ణయం తీసుకున్నట్టు తెలుస్తోంది.

ఈ ధరల పెంపు తర్వాత కూడా, విండ్సర్ EV ఆఫర్ చేస్తున్న వాల్యూ, ఫీచర్లు, విశ్వసనీయత దృష్ట్యా, ఇప్పటికీ ఇది చాలా మందికి బెస్ట్ ఛాయిస్ గా మిగిలే అవకాశం ఉంది. ఎలక్ట్రిక్ వాహనాల మార్కెట్లో వేగంగా అభివృద్ధి చెందుతున్న MG విండ్సర్ EVకు సంబంధించిన సమాచారం ప్రకారం, ఈ ఎలక్ట్రిక్ SUV లోని టాప్-ఎండ్ వేరియంట్ ఎసెన్స్ ప్రో (Essense Pro) మోడల్ ధరను రూ.21,200 పెంచింది.

దీంతో ఇది ఇప్పుడు రూ.18.31 లక్షల ఎక్స్-షోరూమ్ ధరకు అందుబాటులో ఉంది. అయితే, మిగతా వేరియంట్లు అయిన ఎక్సైట్, ఎక్స్‌క్లూజివ్, ఎసెన్స్ మోడళ్ల ధరల్లో ఎలాంటి మార్పు లేదు. అవన్నీ పాత ధరలకే లభ్యమవుతాయి. ప్రస్తుతం MG విండ్సర్ EV ధర శ్రేణి రూ.14 లక్షల నుండి రూ.18.31 లక్షల వరకు ఉంది. ఇది భారీ 52.9kWh బ్యాటరీ ప్యాక్‌ను కలిగి ఉంది. ఒకే ఛార్జ్‌తో ఎక్కువ రేంజ్ అందించగలదు.

ఒకేసారి పూర్తిగా ఛార్జ్ చేస్తే, ఇది సుమారు 449 కిలోమీటర్ల వరకు ప్రయాణించగలదని కంపెనీ హామీ ఇస్తోంది. దీనిలో అమర్చిన ఎలక్ట్రిక్ మోటార్ 134 bhp పవర్, 200 Nm టార్కును ఉత్పత్తి చేస్తుంది. ఛార్జింగ్ విషయానికి వస్తే, ఈ కారుకు 7.4kW AC హోం ఛార్జర్‌‌ను కంపెనీ అందిస్తోంది. దీంతో బ్యాటరీని పూర్తిగా ఛార్జ్ చేయడానికి సుమారు 9.5 గంటలు పడుతుంది. ఇది ఓవర్‌నైట్ ఛార్జింగ్‌కు అనువైనదిగా మారుతుంది.

అంతేకాదు, విండ్సర్ EV ప్రో 60kW DC ఫాస్ట్ ఛార్జింగ్‌కు కూడా సపోర్ట్ చేస్తుంది. దీని ద్వారా కేవలం 50 నిమిషాల్లో 20 శాతం నుంచి 80 శాతం వరకు ఛార్జ్ చేయవచ్చు. ఇది ఆటోమెటిక్ ట్రాన్స్‌మిషన్‌ను కలిగి ఉంటుంది. ఈ కారులో డజన్ల కొద్ది ఫీచర్స్ ఉన్నాయి. 5.6-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, 8.8-అంగుళాల డిజిటల్ డ్రైవర్ డిస్‌ప్లే మొదలగునవి ఉన్నాయి.

అలాగే ఇంకా, వైర్‌లెస్ ఫోన్ ఛార్జింగ్, పనోరమిక్ గ్లాస్ రూఫ్, 9-స్పీకర్ ఇన్ఫినిటీ సౌండ్ సిస్టమ్, ఎలక్ట్రానిక్ పార్కింగ్ బ్రేక్, 6 ఎయిర్‌బ్యాగ్‌లు, లెవల్ 2 అటానమస్ డ్రైవింగ్ అసిస్టెన్స్ సిస్టమ్ (ADAS), 360-డిగ్రీ కెమెరా, ఫార్వర్డ్ కొలిషన్ అలర్ట్ వంటి కొత్త ఫీచర్లు దీనిలో ఉన్నాయి.