చిన్న కార్ల రారాజు.. 8ఏళ్లుగా మార్కెట్లో దీనిదే హవా..రూ.7.99లక్షలకే ఫీచర్లు వింటే కళ్లు బైర్లు కమ్మడం పక్కా

టాటా మోటార్స్ కంపెనీ కార్ల మార్కెట్లో ఒక కొత్త ట్రెండ్‌ను తీసుకొచ్చింది. 8 సంవత్సరాల క్రితం అంటే 2017లో మార్కెట్లోకి వచ్చిన టాటా నెక్సాన్ ఇప్పుడు యువతలో బాగా పాపులర్ అయిన ఎస్‌యూవీ. ఈ కారు తన ప్రయాణాన్ని విజయవంతంగా ఎనిమిది సంవత్సరాలు పూర్తి చేసుకుంది.

భారత మార్కెట్లో ఎనిమిది సంవత్సరాల క్రితం టాటా మోటార్స్ ఒక అద్భుతమైన ఎస్‌యూవీని విడుదల చేసింది. అదే నెక్సాన్. ఈ కారు 8 ఏళ్లు పూర్తి చేసుకుని మార్కెట్లో దూసుకుపోతోంది. ఆగస్టు 2025 చివరి వరకు, ఈ కారు మొత్తం 887,607 యూనిట్లను విక్రయించింది. త్వరలో 9 లక్షల యూనిట్ల మైలురాయిని దాటవచ్చని కంపెనీ ఆశాభావం వ్యక్తం చేసింది. నెక్సాన్ ప్రజాదరణకు దాని ఇంజన్ ఆప్షన్లే ప్రధాన కారణం. గత నెలలో ఈ ఎస్‌యూవీకి చెందిన 14,004 యూనిట్లు రోడ్డుపైకి వచ్చాయి.

నెక్సాన్ బేస్ మోడల్స్‌లో 1.2 లీటర్ రెవోట్రాన్ టర్బో-పెట్రోల్ ఇంజన్ ఉంది. ఇది 120 బీహెచ్‌పీ పవర్, 170 ఎన్ఎమ్ టార్క్‌ను ఉత్పత్తి చేస్తుంది. ఈ ఇంజన్ 5-స్పీడ్ మాన్యువల్, 6-స్పీడ్ మాన్యువల్, 6-స్పీడ్ ఏఎమ్‌టీ, 7-స్పీడ్ డీసీఏ ట్రాన్స్‌మిషన్ ఆప్షన్‌లలో లభిస్తుంది. దీనితో పాటు, 1.5 లీటర్ రెవోటార్క్ డీజిల్ ఇంజన్ కూడా అందుబాటులో ఉంది. ఇది 115 బీహెచ్‌పీ పవర్, 260 ఎన్ఎమ్ టార్క్‌ను అందిస్తుంది. ఈ డీజిల్ ఇంజన్ 6-స్పీడ్ మాన్యువల్, 6-స్పీడ్ ఏఎమ్‌టీ గేర్‌బాక్స్ ఆప్షన్‌లలో లభిస్తుంది.

నెక్సాన్ ఆదరణను మరింత పెంచడానికి, టాటా మోటార్స్ సీఎన్‌జీ వేరియంట్‌ను కూడా విడుదల చేసింది. ఇది 100 బీహెచ్‌పీ పవర్, 170 ఎన్ఎమ్ టార్క్‌ను ఇస్తుంది. ఇది డ్యూయల్ సిలిండర్ వ్యవస్థతో వస్తుంది. ఇంటర్నల్ కంబషన్, సీఎన్‌జీ ఎంపికలతో పాటు, నెక్సాన్ ఎలక్ట్రిక్ వేరియంట్‌లో కూడా లభిస్తుంది.

నెక్సాన్ ఈవీ రెండు బ్యాటరీ ఆప్షన్లలో వస్తుంది. 30kWh, 45kWh. పెద్ద బ్యాటరీ ప్యాక్ ఏఆర్‌ఏఐ సర్టిఫికేట్ ప్రకారం 489 కి.మీ.ల రేంజ్ ఇస్తుంది. ఈ వైవిధ్యం నెక్సాన్‌ను భారత మార్కెట్లో ప్రత్యేకమైన ఎస్‌యూవీగా మార్చింది.

నెక్సాన్ ఎక్స్-షోరూమ్ ధర ప్రస్తుతం రూ. 7.99 లక్షల నుండి రూ. 15.59 లక్షల వరకు ఉంది. నెక్సాన్ ఈవీ ధర రూ. 12.49 లక్షల నుండి రూ. 17.49 లక్షల వరకు ఉంది. జిఎస్‌టి తగ్గడం వల్ల ఈ ధరలు మరింత తగ్గే అవకాశం ఉంది. సేఫ్టీ విషయంలో నెక్సాన్ చాలా ప్రత్యేకమైనది. క్రాష్ టెస్ట్‌లో 5-స్టార్ రేటింగ్‌తో పాటు, అడ్వాన్స్డ్ డ్రైవర్ అసిస్టెన్స్ సిస్టమ్స్ (ఏడీఏఎస్) వంటి ఫీచర్లు కూడా నెక్సాన్ ఈవీలో ఉన్నాయి.

నెక్సాన్ ఈవీలోని ఏడీఏఎస్ టెక్నాలజీ ట్రాఫిక్ సైన్ రికగ్నిషన్, లేన్ సెంటరింగ్, లేన్ డిపార్చర్ వార్నింగ్, లేన్ కీప్ అసిస్ట్, ఫార్వర్డ్ కొలిషన్ వార్నింగ్, అటానమస్ ఎమర్జెన్సీ బ్రేకింగ్, హై బీమ్ అసిస్ట్ వంటి ఫీచర్లను అందిస్తుంది. భారత రోడ్లపై ఈ వ్యవస్థలు సురక్షితమైన ప్రయాణాన్ని అందిస్తాయి. ఈ భద్రతా ఫీచర్లు వినియోగదారులను ఆకర్షిస్తున్నాయి.