నిస్సాన్ బంపర్ ఆఫర్..కేవలం రూ.12కే ఈ కారుకు 10ఏళ్ల వారంటీ.. త్వరపడండి

నిస్సాన్ ఇండియా తమ పాపులర్ ఎస్‌యూవీ కారు మాగ్నైట్ కోసం ఒక స్పెషల్ వారంటీ ప్రోగ్రామ్‌ను ప్రారంభించింది. ఈ కొత్త స్కీమ్ ప్రకారం కారు యజమానులు తమ వాహనాన్ని ఎలాంటి టెన్షన్ లేకుండా 10 సంవత్సరాలు లేదా 2 లక్షల కిలోమీటర్ల వరకు నడపవచ్చు. ఈ పొడిగించిన వారంటీ కోసం రోజుకు కేవలం రూ. 12 లేదా కిలోమీటరుకు 22 పైసల ఖర్చుతో పొందవచ్చని కంపెనీ ప్రకటించింది. ఈ అద్భుతమైన ఆఫర్ గురించి వివరాలు తెలుసుకుందాం.

నిస్సాన్ మాగ్నైట్‌పై సాధారణంగా 3 సంవత్సరాల స్టాండర్డ్ వారంటీ లభిస్తుంది. అయితే, ఈ కొత్త స్కీమ్ ద్వారా ఆ వారంటీని ఏకంగా 10 ఏళ్లు లేదా 2 లక్షల కిలోమీటర్ల వరకు పెంచుకోవచ్చు. కస్టమర్ల అవసరాలకు తగ్గట్టుగా 3+7, 3+4, 3+3, 3+2 లేదా 3+1 సంవత్సరాలు అనే కాంబినేషన్లలో వారంటీని సెలక్ట్ చేసుకునే సౌలభ్యం ఉంది.

ఈ వారంటీ ప్లాన్ రోజుకు కేవలం రూ.12 నుంచి లేదా కిలోమీటరుకు రూ.0.22 నుంచి ప్రారంభం అవుతుందని కంపెనీ తెలిపింది. ఈ ఎక్స్‎టెండెడ్ వారంటీలో భాగంగా, మొదటి 7 సంవత్సరాల వరకు కారులోని చాలా పార్టులు, రిపేర్లు కవర్ అవుతాయి. 8వ, 9వ, 10వ సంవత్సరాలలో ఇంజిన్, ట్రాన్స్‌మిషన్‌కు స్పెషల్ సేఫ్టీ ఉంటుంది.

ఈ వారంటీ కింద క్లెయిమ్‌లు, వాటి సంఖ్య లేదా విలువపై ఎలాంటి పరిమితులు ఉండవు. దేశవ్యాప్తంగా ఉన్న ఏదైనా అధీకృత నిస్సాన్ సర్వీస్ సెంటర్‌లో రిపేర్లు చేయించుకోవచ్చు. దీనిలో ఒరిజినల్ నిస్సాన్ పార్టులు, క్యాష్‌లెస్ సర్వీస్ వంటి సౌకర్యాలు కూడా లభిస్తాయి.

ఈ పొడిగించిన వారంటీ స్కీమ్ అక్టోబర్ 2024 తర్వాత కొనుగోలు చేసిన నిస్సాన్ మాగ్నైట్ ప్రైవేట్ వాహన యజమానులకు మాత్రమే వర్తిస్తుంది. ఎందుకంటే, ఈ కొత్త మోడల్స్‌కు 3 సంవత్సరాల స్టాండర్డ్ వారంటీ లభిస్తుంది. పాత మాగ్నైట్ మోడల్స్‌కు ఈ ఆఫర్ వర్తించదు. వారంటీని పొడిగించుకోవాలనుకునే యజమానులు తమ స్టాండర్డ్ వారంటీ ముగియడానికి ముందే దరఖాస్తు చేసుకోవాలి.

భారత మార్కెట్లో నిస్సాన్ మాగ్నైట్ ఎక్స్-షోరూమ్ ధర రూ. 6.14 లక్షల నుంచి ప్రారంభమై టాప్ మోడల్‌కు రూ. 11.76 లక్షల వరకు ఉంటుంది. ఇది దేశంలో లభించే అత్యంత సురక్షితమైన కాంపాక్ట్ ఎస్‌యూవీలలో ఒకటి. ప్రస్తుతం మాగ్నైట్ CNG వెర్షన్‌లో కూడా అందుబాటులో ఉంది. CNGతో ఈ కారు లీటర్‌కు 24 కి.మీ. వరకు మైలేజ్ ఇస్తుంది. టాప్ మోడల్స్‌లో ఆధునిక అవసరాలకు సరిపడా అన్ని ఫీచర్లు లభిస్తాయి.

డ్రైవ్‌స్పార్క్‌ తెలుగు వెబ్‌సైట్ ఆటోమొబైల్‌కి సంబంధించిన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా కార్ల వార్తలు, బైక్ వార్తలు, టెస్ట్ డ్రైవ్ రివ్యూల వీడియోల కోసం మా Facebook, Instagram, YouTube పేజీలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు. ధన్యవాదాలు.