పరిస్థితి దారుణంగా ఉంది.. ఈ కారును 107 మంది మాత్రమే కొన్నారు! పట్టించుకోని కస్టమర్లు

ఎంజీ మోటార్ (MG Motor) కంపెనీ భారతీయ మార్కెట్లో ఎలక్ట్రిక్ వాహనాల విభాగంలో మంచి గుర్తింపును సంపాదిస్తోంది. ముఖ్యంగా విండ్సర్ ఈవీ, కామెట్ ఈవీ వంటి మోడళ్లతో యువతతో పాటు నగర వినియోగదారులను బాగా ఆకర్షిస్తోంది. తక్కువ రన్నింగ్ ఖర్చు, ఆధునిక ఫీచర్లు, ఆకర్షణీయమైన డిజైన్ కారణంగా ఈ ఎలక్ట్రిక్ కార్లకు మంచి ఆదరణ లభిస్తోంది. దీంతో ఎంజీ పేరు ఇప్పుడు ప్రధానంగా ఈవీ మార్కెట్లో ఎక్కువగా వినిపిస్తోంది. అయితే ఐసీఈ కార్ల విభాగంలో మాత్రం కంపెనీకి ఆశించిన స్థాయిలో ఫలితాలు రావడం లేదు. ముఖ్యంగా ఎంజీ ఆస్టర్ (MG Astor) అమ్మకాల గణాంకాలు చూస్తే ఈ విషయం స్పష్టంగా అర్థమవుతోంది.

ఒకప్పుడు ఫీచర్ల పరంగా మంచి చర్చకు వచ్చిన ఈ ఎస్‌యూవీ ప్రస్తుతం మార్కెట్లో పోటీని తట్టుకోవడంలో ఇబ్బందులు ఎదుర్కొంటున్నట్లు కనిపిస్తోంది. సెగ్మెంట్‌లో భారీ పోటీ, వినియోగదారుల అభిరుచుల మార్పు, హైబ్రిడ్, ఎలక్ట్రిక్ వాహనాలపై పెరుగుతున్న ఆసక్తి వంటి అంశాలు ఆస్టర్ అమ్మకాలపై ప్రభావం చూపుతున్నాయని మార్కెట్ వర్గాలు భావిస్తున్నాయి. 2026 ఏప్రిల్ నెలలో కూడా ఎంజీ ఆస్టర్ అమ్మకాలలో ఎటువంటి పెద్ద మార్పు కనిపించలేదు.

గత నెలలో 107 యూనిట్లు మాత్రమే అమ్ముడయ్యాయి. గత ఏడాది ఇదే నెలలో నమోదైన 133 యూనిట్లతో పోలిస్తే ఈసారి అమ్మకాలు మరింత తగ్గిపోయాయి. సంవత్సర ప్రాతిపదికన చూస్తే దాదాపు 20 శాతం అమ్మకాల పడిపోయినట్లు గణాంకాలు చెబుతున్నాయి. ఈ సంఖ్యలు చూస్తే ప్రస్తుతం వినియోగదారులు ఎక్కువగా ఎలక్ట్రిక్ మోడళ్ల వైపు మొగ్గు చూపుతున్నారని అర్థమవుతోంది. ఐసీఈ సెగ్మెంట్‌లో పోటీ మరింత తీవ్రమవుతుండటంతో ఆస్టర్ వంటి మోడళ్లకు కష్టంగా మారింది.

ఎంజీ ఆస్టర్ ధర విషయానికి వస్తే, భారతీయ మార్కెట్లో రూ. 9.79 లక్షల నుండి రూ. 15.50 లక్షల ఎక్స్-షోరూమ్ ధర మధ్య అందుబాటులో ఉంది. ఈ ధర పరిధిలోనే కంపెనీ స్ప్రింట్, షైన్, సెలెక్ట్, షార్ప్ ప్రో, సావీ ప్రో వంటి పలు వేరియంట్లను మార్కెట్లోకి తీసుకువచ్చింది. ముఖ్యంగా ఫీచర్ల పరంగా చూస్తే, ఇదే సెగ్మెంట్‌లో ఉన్న అనేక పోటీ SUVల కంటే ఆస్టర్ మంచి విలువను అందిస్తోంది.

అయినప్పటికీ, ఆశించిన స్థాయిలో స్పందన రాకపోవడం ప్రస్తుతం MG Motor కంపెనీకి పెద్ద సవాలుగా మారింది. సాధారణంగా భారతీయ మార్కెట్లో ధర తక్కువగా ఉండి, ఫీచర్లు ఎక్కువగా ఉంటే కార్లకు మంచి డిమాండ్ ఏర్పడుతుంది. కానీ ఆస్టర్ విషయంలో మాత్రం పరిస్థితి పూర్తిగా భిన్నంగా కనిపిస్తోంది. ఆకర్షణీయమైన డిజైన్, ప్రీమియం ఇంటీరియర్, అడ్వాన్స్‌డ్ టెక్నాలజీ వంటి అంశాలు ఉన్నప్పటికీ అమ్మకాల పరంగా ఈ SUV ఇంకా వెనుకబడినట్టే కనిపిస్తోంది.

ఇంజన్ విషయానికి వస్తే, ప్రస్తుతం ఈ SUV 1.5-లీటర్ నాచురల్లీ ఆస్పిరేటెడ్ పెట్రోల్ ఇంజన్‌తో అందుబాటులో ఉంది. పనితీరు పరంగా కూడా నిరాశపరచదని చెప్పాలి. 6-స్పీడ్ ఆటోమేటిక్ ట్రాన్స్‌మిషన్‌తో జతచేసిన టర్బో యూనిట్ 138 bhp పవర్‌తో పాటు 220 Nm పీక్ టార్క్‌ను ఉత్పత్తి చేసే సామర్థ్యాన్ని కలిగి ఉంది. నగర రోడ్లపై మాత్రమే కాదు, హైవే డ్రైవింగ్‌లో కూడా మంచి అనుభూతిని అందించే SUVగా ఆస్టర్ నిలుస్తోంది.

ఫీచర్ల పరంగా చూస్తే, ఈ SUVలో కంపెనీ అనేక ప్రీమియం టెక్నాలజీలను అందించింది. పనోరమిక్ సన్‌రూఫ్, లెవెల్-2 ADAS సేఫ్టీ టెక్నాలజీ, వైర్‌లెస్ ఆపిల్ కార్‌ప్లే, ఆండ్రాయిడ్ ఆటో, కనెక్టెడ్ కార్ టెక్నాలజీ, ఎలక్ట్రిక్‌గా సర్దుబాటు చేసుకునే డ్రైవర్ సీటుతో పాటు వెంటిలేటెడ్ ఫ్రంట్ సీట్లు, అంతేకాకుండా ఎంట్రీ లెవల్ స్ప్రింట్, షైన్ వేరియంట్లలో కూడా పనోరమిక్ సన్‌రూఫ్, 6-స్పీకర్ సౌండ్ సిస్టమ్ వంటి ఫీచర్లను అందించారు.