గోల్డెన్ ఛాన్స్.. EV నుంచి SUV వరకు భారీ ఆఫర్లు! డిమాండ్ పెరగకముందే షోరూమ్‌కు పరిగెత్తండి

2026 ఆర్థిక సంవత్సరం ముగింపు సమయం దగ్గరపడుతున్న కొద్దీ, జేఎస్‌డబ్ల్యూ ఎంజీ మోటార్ (Jsw Mg Motor) ఇండియా తమ వ్యాపార వ్యూహాన్ని మరింత దూకుడుగా మార్చుకుంది. మార్కెట్లో అమ్మకాలను గరిష్ట స్థాయికి తీసుకెళ్లాలన్న లక్ష్యంతో, వినియోగదారులను ఆకట్టుకునేలా ఒక భారీ డిస్కౌంట్ క్యాంపెయిన్‌ను ప్రారంభించింది. ఈసారి ప్రత్యేకత ఏమిటంటే, కేవలం సాధారణ పెట్రోల్, డీజిల్ కార్లకే కాకుండా, ఎలక్ట్రిక్ వాహనాలపైనా కంపెనీ గట్టిగా ఫోకస్ పెట్టింది. ప్రస్తుతం ఆటోమొబైల్ రంగంలో ఎలక్ట్రిక్ వాహనాలకు పెరుగుతున్న డిమాండ్‌ను గమనించిన సంస్థ, తమ మొత్తం అమ్మకాలలో ఈవీల పాత్రను మరింత పెంచుకోవాలని చూస్తోంది.

ఈ నేపథ్యంలో, ఎంట్రీ-లెవల్ ఈవీ కొనాలనుకునే కస్టమర్ నుండి ప్రీమియం ఎస్‌యూవీ కొనుగోలుదారుల వరకు అందరినీ దృష్టిలో పెట్టుకుని ఆఫర్లను డిజైన్ చేసింది. కొంతమందికి చిన్న మొత్తంలో తగ్గింపులు ఉంటే, మరికొంతమందికి గణనీయమైన లాభాలు అందేలా ప్లాన్ చేసింది. ఈ ప్రత్యేక ఆఫర్లలో నగదు డిస్కౌంట్లు మాత్రమే కాకుండా, ఎక్స్ఛేంజ్ బోనస్‌లు, లాయల్టీ రివార్డులు, కార్పొరేట్ ఆఫర్లు వంటి అనేక ప్రయోజనాలు కలిపి అందిస్తున్నారు.

పాత కారు మార్చి కొత్తది కొనాలనుకునే వారికి అదనపు ప్రయోజనం, ఇప్పటికే కంపెనీ కస్టమర్లకు ప్రత్యేక రివార్డులు, ఉద్యోగస్తులకు కార్పొరేట్ బెనిఫిట్స్ అన్ని కలిపి వినియోగదారుడికి గరిష్ట లాభం కలిగేలా ఈ క్యాంపెయిన్ రూపొందించారు. ఆఫర్‌లో భాగంగా కామెట్ EV, గ్లోస్టర్, హెక్టర్, మరిన్నింటిపై రూ. 3.70 లక్షల వరకు తగ్గింపు పొందవచ్చు. మిగతా వివరాల కోసం దగ్గరలోని కంపెనీ డీలర్‌షిప్‌లో సంప్రదించవచ్చు.

ఎంట్రీ-లెవల్ ఎలక్ట్రిక్ కారుగా పేరు తెచ్చుకున్న ఎంజీ కామెట్ ఈవీ (MG Comet EV)పై మంచి ఆఫర్లు అందుబాటులో ఉన్నాయి. నగర ప్రయాణాలకు అనువైన ఈ చిన్న ఈవీపై వేరియంట్‌ను బట్టి రూ.10,000 నుంచి రూ.30,000 వరకు రిటైల్ డిస్కౌంట్ లభిస్తోంది. అంతేకాదు, ఇప్పటికే ఎంజీ కస్టమర్లకు లాయల్టీ బెనిఫిట్స్, ఉద్యోగస్తులకు కార్పొరేట్ ఆఫర్లు కలిపితే మొత్తం ఆదా రూ.50,000 దాటే అవకాశం ఉంది.

ఇక ప్రీమియం ఫుల్-సైజ్ ఎస్‌యూవీ సెగ్మెంట్‌లో ఎంజీ గ్లోస్టర్ (MG Gloster)పై ఈ నెలలోనే అతిపెద్ద తగ్గింపులు కనిపిస్తున్నాయి. అన్ని వేరియంట్లపై రూ.3.5 లక్షల ఫ్లాట్ రిటైల్ ప్రయోజనం ఇవ్వడం విశేషం. అదనంగా రూ.20,000 ఎక్స్ఛేంజ్ బోనస్ కూడా లభించడం వల్ల మొత్తం ఆదా రూ.3.7 లక్షలకు పైగా చేరుతోంది. ఈ స్థాయి భారీ డిస్కౌంట్ వల్ల గ్లోస్టర్ ఈ సెగ్మెంట్‌లో అత్యంత ఆకర్షణీయమైన డీల్‌గా నిలుస్తోంది.

ఎంజీ హెక్టర్ (MG Hector) ప్రీ-ఫేస్‌లిఫ్ట్ పెట్రోల్, డీజిల్ వేరియంట్లపై రూ.1.05 లక్షల రిటైల్ డిస్కౌంట్ లభిస్తుండగా, ఎక్స్ఛేంజ్, లాయల్టీ, కార్పొరేట్ ప్రయోజనాలతో మొత్తం ఆదా సుమారు రూ.1.45 లక్షలకు చేరుతుంది. కొత్త ఫేస్‌లిఫ్ట్ హెక్టర్‌పై తగ్గింపులు కొనసాగిస్తోంది. ముఖ్యంగా డీజిల్ మాన్యువల్ వేరియంట్లపై రూ.50,000 రిటైల్ ఆఫర్‌తో పాటు ఇతర ప్రయోజనాలు కలిపి దాదాపు రూ.90,000 వరకు ఆదా పొందవచ్చు.

ఎలక్ట్రిక్ ఎస్‌యూవీ సెగ్మెంట్‌లో MG ZS EV కూడా మంచి ఆఫర్లతో వినియోగదారులను ఆకర్షిస్తోంది. అన్ని వేరియంట్లపై రూ.20,000 రిటైల్ ప్రయోజనం లభిస్తుండగా, ఎక్స్ఛేంజ్, లాయల్టీ, కార్పొరేట్ బెనిఫిట్స్ కలిపితే మొత్తం ఆదా రూ.60,000 వరకు పెరుగుతుంది. దీని వల్ల ఈవీ కొనాలనుకునే వారికి ఇది మరింత విలువైన ఆప్షన్‌గా మారుతోంది.

ఇక స్టైలిష్ కంపాక్ట్ ఎస్‌యూవీగా గుర్తింపు పొందిన ఎంజీ ఆస్టర్ (MG Astor) కూడా ఈ క్యాంపెయిన్‌లో భాగమైంది. బేస్ వేరియంట్ మినహా మిగతా ట్రిమ్స్‌పై రూ.20,000 రిటైల్ ప్రోత్సాహం అందిస్తున్నారు. అదనంగా ఎక్స్ఛేంజ్, లాయల్టీ బోనస్‌లు, కార్పొరేట్ ఆఫర్లు కలిపితే మొత్తం తగ్గింపు రూ.65,000 దాటే అవకాశం ఉంది. దీంతో ఈ సెగ్మెంట్‌లో ఇది మరింత విలువైన ఎంపికగా నిలుస్తోంది.