టాటా కంపెనీ మంచి మనసుకు నిజంగా దండం పెట్టాల్సిందే.. ఎలక్ట్రిక్ కార్ల పై ఏకంగా రూ.3.45 లక్షల డిస్కౌంట్

భారతదేశంలో ఎలక్ట్రిక్ కార్ల మార్కెట్‌ను ఏలుతున్న టాటా మోటార్స్ (Tata Motors) కస్టమర్లకు ఊహించని సర్ప్రైజ్ ఇచ్చింది. సామాన్యుడి ఈవీ కలని నిజం చేస్తూ, తన ఎలక్ట్రిక్ పోర్ట్‌ఫోలియోలోని దాదాపు అన్ని మోడళ్లపై భారీ డిస్కౌంట్లు ప్రకటించింది. పెట్రోల్, డీజిల్ ధరల బాదుడు నుంచి తప్పించుకోవాలనుకునే వారికి ఇది ఒక గోల్డెన్ ఛాన్స్. టాటా టిగోర్ ఈవీ మినహా మిగిలిన అన్ని ఎలక్ట్రిక్ కార్లపై నగదు తగ్గింపులు, ఎక్స్ఛేంజ్ బోనస్‌లు, లాయల్టీ ఆఫర్లు అందుబాటులో ఉన్నాయి. ముఖ్యంగా టాటా కర్వ్ ఈవీపై ఏకంగా రూ.3.45 లక్షల వరకు ఆదా చేసే అవకాశం ఉంది. ఈ ఆఫర్లు ఏప్రిల్ నెలాఖరు వరకు మాత్రమే వర్తిస్తాయి.

1. టాటా టియాగో ఈవీ (Tata Tiago EV):
టాటా మోటార్స్ నుంచి వస్తున్న అత్యంత చౌకైన, పాపులర్ ఎలక్ట్రిక్ హ్యాచ్‌బ్యాక్ టియాగో ఈవీ. ఈ విషు సీజన్‌లో దీనిపై రూ.1.20 లక్షల వరకు ప్రయోజనాలు పొందవచ్చు. అయితే, ఈ గరిష్ట తగ్గింపు కేవలం టాప్ ఎండ్ వెర్షన్ అయిన XZ+ టెక్ లక్స్ ట్రిమ్‌కు మాత్రమే వర్తిస్తుంది. ఇందులో రూ.లక్ష నగదు బోనస్, రూ. 20,000 ఎక్స్ఛేంజ్ బోనస్ ఉన్నాయి. టియాగో ఈవీ ధర రూ. 7.99 లక్షల నుంచి రూ. 11.14 లక్షల వరకు ఉంది. సిటీలో తిరిగే వారికి ఇది ఒక పర్ఫెక్ట్ ఎకనామికల్ ఛాయిస్.

2. టాటా పంచ్ ఈవీ (Tata Punch EV):
మైక్రో ఎస్‌యూవీ విభాగంలో దూసుకుపోతున్న పంచ్ ఈవీపై కూడా కంపెనీ భారీ ఆఫర్లను ప్రకటించింది. ఈ మోడల్ ప్రీ-ఫేస్‌లిఫ్ట్ వెర్షన్‌పై రూ.1.40 లక్షల వరకు ఆదా చేసుకోవచ్చు. ఇందులో రూ.1.10 లక్షల బోనస్, రూ.30,000 ఎక్స్ఛేంజ్ ఆఫర్ ఉన్నాయి. ముఖ్యంగా లాంగ్ రేంజ్ మోడల్స్ కొనేవారికి ఈ ఆఫర్ వర్తిస్తుంది. పంచ్ ఈవీ ధర రూ.9.99 లక్షల నుంచి ప్రారంభమవుతుంది. అయితే, ఈ ఆఫర్లు స్టాక్ ఉన్నంత వరకే అందుబాటులో ఉంటాయి కాబట్టి త్వరపడటం మంచిది.

3. టాటా నెక్సాన్ ఈవీ (Tata Nexon EV):
భారతదేశంలోనే అత్యధికంగా అమ్ముడవుతున్న ఎలక్ట్రిక్ ఎస్‌యూవీ నెక్షాన్ ఈవీపై ఈ ఏప్రిల్‌లో రూ.50,000 వరకు ప్రయోజనాలు లభిస్తున్నాయి. ఇందులో రూ.20,000 బోనస్, రూ.30,000 ఎక్స్ఛేంజ్ ఆఫర్ ఉంది. నెక్షాన్ ఈవీ ధర వేరియంట్‌ను బట్టి రూ. 12.49 లక్షల నుంచి రూ. 17.49 లక్షల మధ్య ఉంటుంది. ఈవీ రంగంలో ఒక నమ్మకమైన బ్రాండ్‌గా ఎదిగిన నెక్సాన్‌ను సొంతం చేసుకోవడానికి ఇది మంచి సమయం.

4. టాటా కర్వ్ ఈవీ (Tata Curvv EV):
ఈ నెలలో అత్యధిక డిస్కౌంట్లు పొందుతున్న మోడల్ ఏదైనా ఉందంటే అది టాటా కర్వ్ ఈవీనే. కూపే స్టైల్ డిజైన్‌తో వచ్చిన ఈ ఎస్‌యూవీపై ఏకంగా రూ.3.30 లక్షల నుంచి రూ.3.45 లక్షల వరకు మొత్తం లాభం ఉంటుంది. క్రియేటివ్ 45 వేరియంట్ మినహా మిగిలిన అన్ని వెర్షన్లపై రూ.3 లక్షల బోనస్ లభిస్తుంది. వీటికి ఎక్స్ఛేంజ్ ఆఫర్లు కూడా తోడైతే కస్టమర్ల జేబుకు భారీగా మిగులుతుంది. కర్వ్ ఈవీ ప్రారంభ ధర రూ.17.49 లక్షలు కాగా, టాప్ ఎండ్ వెర్షన్ రూ.22.24 లక్షల వరకు ఉంది.

5. టాటా హారియర్ ఈవీ (Tata Harrier EV):
టాటా ఫ్లాగ్‌షిప్ ఎలక్ట్రిక్ ఎస్‌యూవీ హారియర్ ఈవీపై కూడా విషు పండుగ వెలుగులు నిండాయి. ఈ కారుపై ఏప్రిల్‌లో రూ. 1.50 లక్షల వరకు ఆఫర్లు లభిస్తున్నాయి. అన్ని వేరియంట్లపై రూ. లక్ష బోనస్, రూ.50,000 ఎక్స్ఛేంజ్ బోనస్‌ను టాటా ఆఫర్ చేస్తోంది. హారియర్ ఈవీ ధర రూ.21.49 లక్షల నుంచి రూ. 30.23 లక్షల వరకు ఉంది. లగ్జరీ, పవర్ కోరుకునే వారికి ఈ డిస్కౌంట్ ఒక గొప్ప వెసులుబాటు.

టాటా మోటార్స్ ప్రకటించిన ఈ ఆఫర్లు నగరాలు, డీలర్‌షిప్‌ల వద్ద ఉన్న స్టాక్ లభ్యతను బట్టి మారుతుంటాయి. కాబట్టి కచ్చితమైన ధర, డిస్కౌంట్ వివరాల కోసం మీ దగ్గరలోని టాటా మోటార్స్ అధీకృత డీలర్‌ను సంప్రదించడం ఉత్తమం. పాత కార్లను ఎక్స్ఛేంజ్ చేసి కొత్త ఈవీని తీసుకోవాలనుకునే వారికి ఈ పండగ సీజన్ నిజంగానే ఒక పండగలాంటిది.