తొలిసారి రోడ్డెక్కిన మారుతి వ్యాగన్ఆర్ ఎలక్ట్రిక్ కారు

ఆటో ఎక్స్‌పోలో ఆవిష్కరించడానికి ముందే 91వీల్స్ అనే వెబ్‌సైట్ మారుతి వ్యాగన్ఆర్ ఎలక్ట్రిక్ కారును రహస్యంగా పరీక్షిస్తున్నపుడు సేకరించిన ఫోటోలతో వీడియోను తయారు చేసింది. ప్రత్యేకించి ఇంటీరియర్‌కు సంభందించిన వివరాలు బయటికొచ్చాయి.

ఇంటీరియర్‌లో అతి పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్, గేర్ లీవర్ పక్కనే బి మరియు డి అనే అక్షరాలు ఉన్నాయి. ఎలక్ట్రిక్ వెర్షన్‌లో ఆటోమేటిక్ గేర్‌బాక్స్ మాత్రమే ఉంటుంది కాబట్టి, బహుశా డ్రైవింగ్ మోడ్స్ ఉండవచ్చు.

డ్యాష్‌బోర్డ్ మీదున్న ఫీచర్లు గుర్తించడానికి వీల్లేకుండా బ్లాక్ పేపర్‌తో కవర్ చేశారు. సెంటర్ కన్సోల్ మీద పొడవాటి ఏసీ వెంట్స్, వీటి చుట్టూ క్రోమ్ ఫినిషింగ్స్ చూడవచ్చు. ఇన్ఫోటైన్‌మెంట్ కిందనే క్లైమేట్ కంట్రోల్ ఫంక్షన్స్ కోసం మరో చిన్న డిస్ల్పే కూడా అందించారు.

ఎక్ట్సీరియర్‌లో ఇగ్నిస్ నుండి సేకరించిన అల్లాయ్ వీల్స్, ఫ్రంట్ డిజైన్ కనబడకుండా పూర్తిగా కవర్ చేశారు. రియర్ డిజైన్‌లో పొడవాటి టెయిల్ లైట్లు, రియర్ విండో వైపర్ మరియు చలి కాలంలో కురిసే మంచును కరిగించేందుకు అద్దాలలో ఢీఫాగర్ టెక్నాలజీని కూడా జోడించారు.

మారుతి సుజుకి వ్యాగన్ఆర్ ఎలక్ట్రిక్ కారును గత ఏడాదిలో 50 మార్లుకు పైగా పరీక్షలు నిర్వహించింది. భారతీయ రహదారులకు సరిపోయేలా సిద్దం చేసేందుకుగాను ఈ పరీక్షలు నిర్వహించారు.

మారుతి సుజుకి వ్యాగన్ఆర్ ఎలక్ట్రిక్ కారుకు సంబంధించిన సాంకేతిక వివరాలను ఇంకా రివీల్ చేయలేదు. సిగంల్ ఛార్జింగ్‌తో కనీసం 200కిలోమీటర్లు ప్రయాణించే బ్యాటరీ ప్యాక్‌తో రానుంది. రెగ్యులర్ మరియు ఫాస్ట్-ఛార్జింగ్ రెండు ఆప్షన్లలో కూడా రానుంది.

డ్రైవ్‌స్పార్క్ తెలుగు అభిప్రాయం!

మారుతి సుజుకి వ్యాగన్ఆర్ ఎలక్ట్రిక్ కారును అత్యుత్తమ మైలేజ్ రేంజ్‌తో బడ్జెట్ ధరలో తీసుకొచ్చే ఆలోచనలో ఉంది. వ్యాగన్ఆర్ ఎలక్ట్రిక్ ఇండియాలో కంపెనీ యొక్క మొట్టమొదటి ఎలక్ట్రిక్ కారు కావడంతో అంచనాలు కూడా అధికంగా ఉన్నాయి.