జిఎస్‌టి ఎఫెక్ట్: భారీగా తగ్గిన రాయల్ ఎన్ఫీల్డ్ బైకుల ధరలు

జిఎస్‌టి లోని ట్యాక్స్ అంశాల అధారంగా వివిధ ఉత్పత్తుల మీద టాక్స్ లెక్కించి, ధర తగ్గాల్సిన ఉత్పత్తుల ధరల్లో సవరణలు చేపట్టింది. నూతనంగా సవరణలు చేయబడిన ధరలు జూన్ 17, 2017 నుండి అమల్లోకి వచ్చినట్లు రాయల్ ఎన్పీల్డ్ పేర్కొంది.

రాయల్ ఎన్పీల్డ్ ఈ విశయమై ఓ ప్రకటన విడుదల చేసింది. "భారత ప్రభుత్వం ప్రతిష్టాత్మకంగా అమల్లోకి తీసుకురానున్న నూతన పన్ను విధానం GST ద్వారా వ్యాపార అవకాశాలు పెరిగి, దేశ ఆర్థిక వృద్దితో పాటు భారత ప్రజలకు లాభాలను చేకూర్చే విధంగా ఉందని మేము నమ్ముతున్నాము."అని ప్రకటనలో పేర్కొంది.

జిఎస్‌టి అమలయితే కస్టమర్లకు అందే ప్రతి ఫలాలను ఇప్పటి నుండి అందివ్వాలని భావించి ధరల సవరణ చేపట్టి, తమ మోటార్ సైకిళ్ల ఆన్ రోడ్ ధరను భారీ మేర తగ్గించిందని రాయల్ ఎన్పీల్డ్ ప్రకటించింది.

డిజైన్ మరియు ఇంజన్ పర్ఫామెన్స్ లక్షణాలు ఉన్న రాయల్ ఎన్ఫీల్డ్ ఉత్పత్తులకు ఇండియన్ పట్టం కట్టిన సంగతి తెలిసిందే. కస్టమర్ల సంతృప్తిని చేజిక్కించుకునే లక్ష్యంతో రాయల్ ఎన్ఫీల్డ్ జిఎస్‌టి అమలు కావడానికి ముందే తమ బైకుల మీద ధరలు తగ్గించింది.

ప్రస్తుతం ఉన్న ట్యాక్స్ విధానం ప్రకారం, రాయల్ ఎన్ఫీల్డ్ 30 శాతం ట్యాక్స్ ప్రభుత్వానికి చెల్లించాల్సి ఉంటుంది. నూతన పన్ను విధానం అమలైతే 28 శాతానికి దిగిరానుంది. రెండు శాతం మేర పన్ను తగ్గనుండటంతో దానికి సమానమైన ధరను తమ మోటార్ సైకిళ్ల మీద తగ్గించింది రాయల్ ఎన్ఫీల్డ్.

డ్రైవ్‌స్పార్క్ తెలుగు అభిప్రాయం!

దేశవ్యాప్తంగా రాయల్ ఎన్ఫీల్డ్ మోటార్ సైకిళ్లకు మంచి డిమాండ్ ఉంది. ధరలు పెరిగినా... తగ్గినా వీటి విక్రయాలకు ఎలాంటి ఢోకా లేదు. ఏదేమయినప్పటికీ ధరలు తగ్గడం, కొనుగోలుదారులకు కాస్త ఉపశమనే చెప్పాలి. ధరల గురించి పూర్తి వివరాల కోసం సమీప రాయల్ ఎన్ఫీల్డ్ డీలర్‌ను సంప్రదించగలరు...

• టైర్లను ఎప్పుడు మార్చాలో ఇవి చెప్పేస్తాయి!