మహీంద్రా అండ్ మహీంద్రా మేనేజింగ్ డైరెక్టర్‌గా పవన్ గోయెంకా

దిగ్గజ సంస్థల్లోని కీలక పదవుల్లో సరైన మార్పులు జరగపోతే వాటి పతనం స్పష్టంగా కనిపిస్తుంది. ఉదాహరణగా టాటా మోటార్స్‌ గురించి విమర్శించవచ్చు. అలాంటి పొరబాటు మహీంద్రా అండ్ మహీంద్రాలో చోటు చేసుకోకుండా కీలక పదవులైన మేనేజింగ్ డైరెక్టర్ మరియు సిఇఒ నుండి రూపాంతర చెందిన ఛైర్మన్ పదవుల్లో ముఖ్య వ్యక్తులను నియమించింది సంస్థ.

పవన్ గోయెంకాను కీలక పదవిలో నియమించిన తరువాత మహీంద్రా అండ్ మహీంద్రా తెలిపిన ప్రకటనలో, మహీంద్రా అండ్ మహీంద్రా వరుస వృద్దికి సుమారుగా రెండు దశాబ్దాలు పవన్ తీసుకున్న సరళీకరణ పద్దతులు ఎంతగానో ఉపయోగపడ్డాయని తెలిపింది. దేశీయ వాహన పరిశ్రమ మీద అంచనా మరియు పరిశ్రమలో చోటు చేసుకుంటున్న మార్పులను అంచనా వేయడంలో పవన్ గోయెంకాకు మంచి అనుభవం ఉన్నట్లు తెలిపింది.

అమెరికాలోని డెట్రాయిట్ జనరల్ మోటార్స్ కార్ప్‌లో సుమారుగా 14 ఏళ్లు పనిచేసిన పవన్ గోయెంకా 1993 లో మహీంద్రా అండ్ మహీంద్రా లోని రీసెర్చ్ అండ్ డెవలప్‌మెంట్ విభాగానికి మేనేజర్‌గా ప్రస్థానం మొదలుపెట్టాడు.

మహీంద్రా అండ్ మహీంద్రాలోని రీసెర్చ్ మరియు డెవలప్‌మెంట్ లో కీలక పోత్ర పోషించాడు. ఇతని ఆధ్వర్యంలోనే మహీంద్రాకు పేరు తీసుకొచ్చిన స్కార్పియో రూపుదిద్దుకుంది. తరువాత 2013 లో మహీంద్రా అండ్ మహీంద్రా బోర్డ్ చేత ఎక్జ్సిక్యూటివ్ డైరెక్టర్‌గా నియమితులయ్యాడు.

ఈ సందర్భంగా పవన్ గోయెంకా మాట్లాడుతూ, మహీంద్రా అండ్ మహీంద్రా సంస్థకు మేనేజింగ్ డైరెక్టర్‌గా నన్ను ఎంపిక చేయడం పట్ల సంతోషం వ్యక్తం చేశాడు, 23 ఏళ్ల క్రితం ఈ సంస్థలోకి అడుగుపెట్టిన నేను ఈ స్థాయికి ఎదుగుతానన్ని ఊహించలేదని తెలిపాడు. సంస్థ నియమించిన పదవిలో భాద్యతాయుతమైన విధులు నిర్వర్తిస్తానని తెలిపాడు.

• విడుదల కంటే ముందుగా సుజుకి ఇగ్నిస్ డెలివరీ !!
• ఈ నెలలో బజాజ్ క్రటోస్ విఎస్400 విడుదలకు సర్వం సిద్దం
• మళ్లీ మెరిసిన హీరో మోటోకార్ప్ డాన్ 125 బైక్