మారుతి సుజుకి నుండి దిమ్మతిరిగే మోడల్

టాప్ 10 బెస్ట్ సెల్లింగ్ కార్ల జాబితాలో మారుతి సుజుకి సంస్థకు చెందినవే ఎనిమిది కార్లు ఉన్నాయి. అయినప్పటికీ ఫ్రెంచ్ కార్ల తయారీ దిగ్గజం రెనో విడుదల చేసిన క్విడ్ ఎంట్రీ లెవల్ కారు మెల్ల మెల్లగా మారుతి ఆల్టో అమ్మకాలను తినేస్తోంది.

ఈ కారణంతో క్విడ్ హ్యాచ్‌బ్యాక్ కారుకు విపణిలో చెక్ పెట్టేందుకు సరికొత్త డిజైన్ భాషలో నూతన ఎంట్రీ లెవల్ హ్యాచ్‌బ్యాక్‌ను మారుతి సుజుకి అభివృద్ది చేస్తోంది. ప్రస్తుతానికి మార్కెట్ వర్గాలు దీనిని క్రాసోవర్ హ్యాచ్‌బ్యాక్ అని సంభోదిస్తున్నాయి.

2018 ఫిబ్రవరిలో జరగనున్న భారతీయ వాహన ప్రదర్శన వేదిక మీదకు రానున్న ఈ క్విడ్ కాంపిటీటర్‌ను 2018 లోనే విడుదల అయ్యే అవకాశం ఉంది. అయితే ప్రస్తుతం ఉన్న ఆల్టో ను తొలగించి దీనిని ప్రవేశపెట్టే ఆలోచన అయితే లేదనే విషయం స్పష్టమవుతోంది.

మారుతి నూతన హ్యాచ్‌బ్యాక్ ఇంజన్ స్థానాన్ని 800సీసీ మరియు 1.0-లీటర్ సామర్థ్యం ఉన్న పెట్రోల్ ఇంజన్‌లతో భర్తీ చేయనున్నట్లు సమాచారం.

ఈ మధ్య భారతీయ కస్టమర్లు ఎస్‌యూవీ ఆధారిత వాహనాలకు ఎక్కువగా మొగ్గుచూపుతున్నారు. దీనిని దృష్టిలో ఉంచుకుని రెనో క్విడ్‌ను ప్రవేశపెట్టి భారీ విజయాన్ని మూటగట్టుకుంది.

క్విడ్‌కు ప్రత్యక్ష పోటీగా చెప్పుకునేందుకు దీనిని పూర్తిగా ఎస్‌యూవీ ప్రేరిత డిజైన్ శైలిలో మారుతి అభివృద్ది చేసింది. విభిన్నంగా కనిపించేందుకు ఆల్టో కన్నా ఎక్కువ ఎత్తును కలిగి ఉంది.

టాటా మోటార్స్ అద్బుతమైన ధరతో విప్లవాత్మక వాహనాన్ని విడుదల చేసింది. షోరూమ్‌కి వెళ్లే ముందు, క్రింది ఫోటో గ్యాలరీ మీద ఓ లుక్కేసుకోండి.