మారుతికి గట్టి షాక్, ప్రతి కారుకు పోటీని సృష్టిస్తున్న హ్యుందాయ్

కొత్త ఎస్‌యూవీకి సంభందించి హ్యుందాయ్ ఎలాంటి వివరాలను వెల్లడించలేదు. ఏ-సెగ్మెంట్ ఆధారిత ఎస్‌యూవీతోపాటు మూడవ తరానికి చెందిన ఐ10 హ్యాచ్‌బ్యాక్‌ను 2020 నాటికి పరిచయం చేయనుంది. రెండింటిని ఒకే ఫ్లాట్‌ఫామ్ మీద అభివృద్ది చేసే అవకాశం ఉంది.

Recommended Video

Shocking Car Accident That Happened In Karunagappally, Kerala

వీటితో పాటు క్యూఎక్స్ఐ కోడ్ పేరుతో నూతన సబ్ కాంపాక్ట్ ఎస్‌యూవీని లాంచ్ చేయనుంది. హ్యుందాయ్ 2016లో జరిగిన ఇండియన్ ఆటో ఎక్స్ పో వేదిక మీద ఆవిష్కరించిన కార్లినో కాన్సెప్ట్ ఆధారంగా అభివృద్ది చేస్తోంది.

కాన్సెప్ట్ వెర్షన్ కార్లినో కాంపాక్ట్ ఎస్‌యూవీ ప్రొడక్షన్ దశకు చేరుకుని పూర్తి స్థాయిలో అందుబాటులోకి వస్తే, విపణిలో ఉన్న ఫోర్డ్ ఎకోస్పోర్ట్, టాటా నెక్సాన్ మరియు మారుతి సుజుకి వంటి కంపాక్ట్ ఎస్‌యూవీలకు గట్టి పోటీనివ్వనుంది. దీనిని 2019 నాటికి అందుబాటులోకి తీసుకురానుంది.

ఈ ఏడాదిలో హ్యుందాయ్ తమ క్రెటా ఎస్‌యూవీని ఫేస్‌లిఫ్ట్‌ వెర్షన్‌లో లాంచ్ చేయనుంది. 2018 మలిసగంలో క్రెటా ఫేస్‌లిఫ్ట్ పూర్తి స్థాయిలో లభ్యం కానుంది. దీనితో పాటు ఫేస్‌లిఫ్ట్ వెర్షన్ ఐ20 ప్రీమియమ్ హ్యాచ్‌బ్యాక్ కూడా విడుదలకు సిద్దమవుతోంది. హ్యుందాయ్ దీనిని ఇప్పటికే పలుమార్లు రహస్యంగా పరీక్షించింది.

హ్యుందాయ్ మోటార్స్ తమ మోస్ట్ పాపులర్ హ్యాచ్‌బ్యాక్ బ్రాండ్ శాంట్రో ఆధారిత కారును ఏహెచ్2 కోడ్ పేరుతో డెవలప్ చేస్తోంది. కొత్త తరం శాంట్రో కారును 2018లోనే రెనో క్విడ్ మరియు మారుతి ఆల్టో కార్లకు గట్టి పోటీనిచ్చేలా హ్యుందాయ్ ఇయాన్ స్థానాన్ని భర్తీ చేస్తూ విపణిలోకి రానుంది.

Trending On DriveSpark Telugu:

డ్రైవ్‌స్పార్క్ తెలుగు అభిప్రాయం!

దేశీయంగా గత కొన్నేళ్ల నుండి కాంపాక్ట్ ఎస్‌యూవీలకు మంచి ఆదరణ లభిస్తోంది. దాదాపు అన్ని కార్ల తయారీ సంస్థలు ఈ సెగ్మెంట్లో తమ ప్రాబల్యాన్ని పెంచుకోవడానికి ప్రయత్నిస్తున్నాయి. వాటిలో ఇప్పుడు హ్యుందాయ్ కూడా నిలిచింది. హ్యుందాయ్ మోటార్స్ కార్లినో ఆధారిత ఎస్‌యూవీతో పాటు 2019 నాటికి ఏ-సెగ్మెంట్ ఆధారిత ఎస్‌యూవీతో సిద్దమవుతోంది.

Trending DriveSpark Telugu YouTube Videos

Subscribe To DriveSpark Telugu YouTube Channel - Click Here