మారుతి సుజుకి డెసర్ట్ స్టార్మ్ 2018 - స్టేజ్ 2 ఫలితాలు

స్టేజ్ 1 పూర్తి చేసుకుని బికనీర్ నుండి ప్రారంభమై సుమారుగా 200కిలోమీటర్ల దూరంలో ఉన్న బికమ్‌పూర్ దిశగా మొదలయ్యింది. భగభగమండే సూర్యుడిని సవాల్ చేస్తూ, ర్యాలీ నిర్వాహకులు అమర్చిన అత్యంత ఇరుకైన మార్గం గుండా ఫోర్ వీలర్లు మరియు టూ వీలర్లు స్టేజ్ 2 ముగింపు దిశగా దూసుకెళ్లాయి.

బికమ్‌పూర్‌లో స్టేజ్ 2 ముగిసే ప్రదేశం చాలా చిన్నగా ఉండటంతో, అదే స్టేజ్ 2 ఎండ్ పాయింటును పబుసార్ ప్రదేశానికి మార్చడం జరిగింది.

థార్ ఎడారి చివరంచుల్లోని పబుసార్ ప్రదేశాన్ని ర్యాలీ స్టేజ్ 2 ముగింపు ప్రదేశంగా ఎంచుకోవడంతో ర్యాలీలో పాల్గొన్న పోటీదారులు పబుసార్‍కు చేరుకున్నారు. స్టేజ్ 2 ఎండ్ పాయింట్ ఒక రకంగా సర్వీస్ సెంటర్‌గా కూడా ఉపయోగపడింది. అక్కడి నుండి ట్రాన్స్‌పోర్ట్ ద్వారా స్టేజ్ 3 ప్రారంభమయ్యే జైసల్మీర్‌కు చేరుకున్నారు.

పబుసార్ ప్రాంతంలో ర్యాలీ జరిగిన భూబాగాల్లో పొడి ఇసుక మరియు వదులు నేలలు అధికంగా ఉన్నాయి. అసమాంతరంగా ఉన్న తలాల నుండి సరైన దిశగా వెళ్లడానికి పోటీదారులు కాస్త ఇబ్బందులు ఎదుర్కొన్నారు.

నిజానికి, పబుసార్ తలాల్లో గుబురుగా ఉన్న పొదల కారణంగా టూ వీలర్ మరియు ఫోర్ వీలర్ రైడర్లకు విజిబిలిటీ చాలా తక్కువగా అనిపించింది. అయితే, వెహికల్స్ ఇచ్చే శబ్దానికి అనుగుణంగా ర్యాలీ ఒక క్రమం మార్గంలో ఎండ్ పాయింట్ దిశగా వెళ్లింది.

ప్రతిష్టాత్మక డెసర్ట్ స్టార్మ్ 2018 ర్యాలీ స్టేజ్ 2 సంతృప్తి పరిచే రైడింగ్ పరిస్థితుల మధ్య ఎట్టకేలకు సాయంకాలానికి ముగిసింది. కానీ, దీని తరువాత స్టేజ్ ర్యాలీ మధ్యాహ్నం నుండి ఎడారి మార్గం నుండి వెళ్లేలా ర్యాలీ నిర్వాహకులు నిర్ణయం తీసుకున్నారు.

డెసర్ట్ స్టార్మ్ 2018 ర్యాలీ స్టేజ్ 2 ఫలితాలు:

మోటో కెటగిరీలో

1. సిఎస్ సంతోష్ (#1) 03:03:06

2. అరోన్ మరె (#3) 03:05:20

3. సంజయ్ కుమార్ (#6) 03:21:27

ఎక్స్‌ట్రీమ్ కెటగిరీ ఫలితాలు

1. అభిషేక్ మిశ్రా, వి వేణు రమేష్‌ కుమార్ (#103) 03:44:07

2. సురేశ్ రాణా, పి.వి శ్రీనివాస్ మూర్తి (#101) 03:44:45

3. రాజ్ సింగ్ రాథోర్, సాగర్ మల్లప్ప (#102) 03:53:11

డ్రైవ్‌స్పార్క్ తెలుగు అభిప్రాయం!

మారుతి సుజుకి మరియు ఎగ్జాన్ మొబిల్ నిర్వహిస్తున్న డెసర్ట్ స్టార్మ్ 2018 ర్యాలీ స్టేజ్ 1 మరియు స్టేజ్ 2 పూర్తయ్యింది. స్టేజ్ 1 తో పోల్చుకుంటే స్టేజ్ 2 ర్యాలీలో లోతుగా దిగబడిపోయే ఇసుక మార్గాలు, గుబురుగా ఉన్న పొదల కారణంగా న్యావిగేషన్ ఇబ్బందులు మరియు మధ్యాహ్నం వేళ జరగడంతో ఎన్నో ఇబ్బందుల మధ్య పూర్తయ్యింది.

మారుతి సుజుకి డెసర్ట్ స్టార్మ్ 2018 స్టేజ్ 3 ర్యాలీ ఫలితాల కోసం డ్రైవ్‌స్పార్క్ తెలుగుతో కలిసి ఉండండి. ఆలోపు రాజస్థాన్ ఎడారుల నుండి మా ప్రతినిధి పంపిన ర్యాలీ ఫోటోలను క్రింది గ్యాలరీ ద్వారా వీక్షించండి.

డ్రైవ్‌స్పార్క్ తెలుగులో వైరల్‌ స్టోరీలు...