కియా సోనెట్ వరల్డ్ ప్రీమియర్ లాంచ్ ; ఇతర వివరాలు

కియా సోనెట్ భారతీయ మార్కెట్లో ఎంతో ఆసక్తిగా ఎదురుచూస్తున్న ఉత్పత్తి. ఇది 2020 ఆటో ఎక్స్‌పోలో ఆవిష్కరించబడింది. ప్రయోగ సమయంలో సోనెట్ అత్యంత పోటీతత్వ కాంపాక్ట్ ఎస్‌యూవీ విభాగంలో ఉంచబడింది. కాంపాక్ట్-ఎస్‌యూవీ చాలా సంచలనం సృష్టించింది, ఇది 2020 లో అత్యంత ప్రజాదరణ పొందిన కార్లలో ఒకటిగా నిలిచింది.

కియా సోనెట్ హ్యుందాయ్ వెన్యూ నుండి ఇంజన్లు మరియు ట్రాన్స్మిషన్ యూనిట్ తీసుకుంటుంది. ఇందులో 1.2 లీటర్ పెట్రోల్, 1.0-లీటర్ టి-జిడిఐ పెట్రోల్ మరియు 1.5 లీటర్ డీజిల్ యూనిట్ ఉన్నాయి. మూడు ఇంజన్లు బిఎస్ 6 ఉద్గార నిబంధనలకు అనుగుణంగా ఉంటాయి. ఇది అదే పవర్ మరియు టార్క్ ఫిగర్స్ కూడా ఉత్పత్తి చేస్తాయి.

1.2 లీటర్ పెట్రోల్ 5-స్పీడ్ మాన్యువల్‌తో జతచేయబడుతుంది, 1.5-లీటర్ డీజిల్ 6-స్పీడ్ మాన్యువల్ గేర్‌బాక్స్‌ను అందుకుంటుంది. డీజిల్ యూనిట్ అప్సనల్ ఆటోమేటిక్ ట్రాన్స్మిషన్ యూనిట్ తో కూడా వస్తుంది.

1.0-లీటర్ టర్బో-పెట్రోల్ ఇంజన్ రెండు గేర్‌బాక్స్ ఎంపికలతో వస్తుంది. ఇందులో 7-స్పీడ్ డ్యూయల్ క్లచ్ (డిసిటి) ఆటోమేటిక్ మరియు సరికొత్త 6-స్పీడ్ ఇంటెలిజెంట్ మాన్యువల్ ట్రాన్స్మిషన్ (ఐఎంటి) ఉన్నాయి.

డిజైన్ పరంగా కియా సోనెట్ చాలా స్పోర్టి, బోల్డ్ మరియు స్టైలింగ్‌తో వస్తుంది. ఈ ఎస్‌యూవీలో క్రౌన్-జ్యువెల్ ఎల్‌ఇడి హెడ్‌ల్యాంప్‌లు ఇంటిగ్రేటెడ్ ఎల్‌ఇడి డిఆర్‌ఎల్‌లు మరియు టర్న్ ఇండికేటర్లు, ఎల్‌ఇడి ప్రొజెక్టర్ ఫాగ్ లాంప్స్ మరియు 'హార్ట్ బీట్' ఎల్‌ఈడీ టెయిల్ లాంప్స్‌ను కలిగి ఉన్నాయి. టెయిల్ లైట్లు రిఫ్లెక్టర్ స్ట్రిప్ ద్వారా కలిసి అనుసంధానించబడి, వెనుక భాగంలో ప్రీమియం డిజైన్‌ను ఇస్తాయి.

సోనెట్‌లోని ఇతర డిజైన్ అంశాలను గమనిస్తే ఇందులో డ్యూయల్ మఫ్లర్ డిజైన్, ముందు మరియు వెనుక బంపర్‌లలో స్కిడ్ ప్లేట్లు ఉంటాయి. ఈ ఎస్‌యూవీ స్టైలిష్ డ్యూయల్ టోన్ 16 ఇంచెస్ అల్లాయ్ వీల్స్‌తో వస్తుంది. కాంపాక్ట్-ఎస్‌యూవీ యొక్క డాష్‌బోర్డ్ మరియు క్యాబిన్ చాలా ప్రీమియంగా అనిపిస్తుంది.

కియా సోనెట్‌లో 4.25 అంగుళాల ఇన్స్ట్రుమెంట్ క్లస్టర్, 10.25 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, ఆపిల్ కార్ప్లే, ఆండ్రాయిడ్ ఆటో మరియు బ్రాండ్ యొక్క యువిఓ కనెక్ట్ టెక్నాలజీ ఉన్నాయి. ఈ ఎస్‌యూవీలో వెంటిలేటెడ్ ఫ్రంట్ సీట్లు, వైర్‌లెస్ ఛార్జింగ్, మౌంటెడ్ కంట్రోల్స్‌తో డి-కట్ స్టీరింగ్ వీల్, రియర్ ఎసి వెంట్స్, ఎయిర్-ప్యూరిఫైయర్, ఎలక్ట్రిక్ సన్‌రూఫ్ వంటివి ఉన్నాయి.

భద్రత పరంగా కియా సోనెట్ లో ఆరు ఎయిర్‌బ్యాగులు, ఎబిఎస్ విత్ ఇబిడి, ట్రాక్షన్ కంట్రోల్, హెచ్‌ఐసి, ఇఎస్‌సి, విఎస్‌ఎం, బ్రేక్ అసిస్ట్, ఆటోమేటిక్ హెడ్‌ల్యాంప్స్, ఐసోఫిక్స్ చైల్డ్ సీట్ యాంకర్లు ఉన్నాయి.

కియా సోనెట్ రాబోయే వారాల్లో భారత మార్కెట్లో అమ్మకాలకు రానుంది. కాంపాక్ట్-ఎస్‌యూవీని టెక్-లైన్ మరియు జిటి-లైన్ అనే రెండు ట్రిమ్‌లలో అందించనున్నారు. భారతదేశంలో ప్రారంభించిన తర్వాత, సోనెట్ మారుతి సుజుకి విటారా బ్రెజ్జా, టాటా నెక్సాన్, ఫోర్డ్ ఎకోస్పోర్ట్, హ్యుందాయ్ వెన్యూ మరియు మహీంద్రా ఎక్స్‌యువి 300 వంటి వాటికి ప్రత్యర్థిగా ఉంటుంది.

కియా సోనెట్ దేశీయ మార్కెట్లో ప్రారంభించిన తరువాత ధర ప్రకటించబడుతుంది. అయితే ఈ ఎస్‌యూవీని రూ. 8 లక్షల నుంచి రూ. 12 లక్షల వరకు ఉండే అవకాశం ఉంటుంది.

డ్రైవ్‌స్పార్క్ అభిప్రాయం:

కియా సోనెట్ భారత మార్కెట్లో ఎంతో ఆసక్తిగా ఎదురుచూస్తున్న ఎస్‌యూవీలలో ఒకటి. కియా బ్రాండ్ యొక్క మునుపటి ఉత్పత్తులు కూడా ఇప్పటికే గొప్ప విజయాన్ని సాధించాయి. సెల్టోస్ ఎస్‌యూవీ కూడా దేశీయ మార్కెట్లో గొప్ప విజయాన్ని సాధిస్తుందని ఆశిస్తున్నాము.