మారుతి సుజుకి అరేనా కస్టమర్ల కోసం స్పెషల్ ఆన్‌లైన్ ఫైనాన్స్ స్కీమ్

కంపెనీ ఈ సేవలను ముందుగా దేశంలోని 30 ప్రధాన నగరాల్లో ప్రారంభించింది. ఇందులో చెన్నై, బెంగళూరు, హైదరాబాద్, లక్నో, కోల్‌కతా, కొచ్చి, ముంబై, పూణే, ఢిల్లీ, అహ్మదాబాద్, జైపూర్‌లతో పాటుగా మరిన్ని నగరాలు ఉన్నాయి. ఈ నగరాలకు చెందిన కస్టమర్లు ఆన్‌లైన్‌లోనే అరేనా కార్ మోడళ్ల కొనుగోలు కోసం రుణ సదుపాయాన్ని పొందవచ్చు.

ఈ స్మార్ట్ ఫైనాన్స్ సదుపాయానికి సంబంధించి మారుతి సుజుకి ఇండియా ఒక ప్రకటన విడుదల చేసింది. ఈ ప్రకటన ప్రకారం, ఈ ఆన్‌లైన్ స్మార్ట్ ఫైనాన్స్ ప్లాట్‌ఫామ్ ద్వారా, కస్టమర్లు షోరూమ్‌లను సందర్శించాల్సిన అసరం లేకుండానే రుణం తీసుకోవటానికి సంబంధించిన పూర్తి ప్రక్రియను ఆన్‌లైన్ ద్వారానే చేయవచ్చు.

ప్రస్తుతం మారుతి సుజుకి ఈ స్మార్ట్ ఫైనాన్స్ సేవల కోసం మొత్తం 12 బ్యాంకులు మరియు వివిధ ఫైనాన్షియర్లతో భాగస్వామ్యాన్ని కుదుర్చుకుంది. ఈ ఫైనాన్షియర్లలో హెచ్‌డిఎఫ్‌సి బ్యాంక్, యెస్ బ్యాంక్, ఐసిఐసిఐ బ్యాంక్, ఇండస్ఇండ్ బ్యాంక్, చోళమండలం ఫైనాన్స్, ఏయు స్మాల్ ఫైనాన్స్ బ్యాంక్, మహీంద్రా ఫైనాన్స్, కోటక్ మహీంద్రా ప్రైమ్ వంటి సంస్థలు ఉన్నాయి.

మారుతి సుజుకి స్మార్ట్ ఫైనాన్స్ ఆన్‌లైన్ సేవలను ఉపయోగించడం చాలా సులభం. దీని సాయంతో ఈఎమ్ఐని లెక్కించడం మరియు దానిని కస్టమర్లకు నచ్చిన రీతిలో మార్పులు చేసుకోవటం, ప్రత్యేకమైన ఆఫర్ల గురించి తెలుసుకోవటం, ఆన్‌లైన్‌లో డాక్యుమెంట్ అప్‌లోడ్ చేయటం మరియు ధ్రువీకరణ పొందటం అలాగే ఆన్‌లైన్ ద్వారా రుణాన్ని పొందటం వంటి వాటిని కేవలం కొన్ని క్లిక్‌లలోనే చేయవచ్చు.

అలాగే, ఈ స్మార్ట్ ఫైనాన్న్ ప్లాట్‌ఫామ్‌లో వివిధ ఫైనాన్స్ కంపెనీలు ఆఫర్ చేసే రుణ ఆఫర్లకు సంబంధించిన పూర్తి సమాచారం కూడా ఉంటుంది. ఈ ఆఫర్ల గురించి కస్టమర్లు వివిధ ఫైనాన్స్ కంపెనీల వ్యక్తిగత వెబ్‌సైట్‌లను సందర్శించాల్సిన అవసరం లేకుండానే, అన్ని వివరాలను ఒకేచోట పొందవచ్చు.

మారుతి సుజుకి స్మార్ట్ ఫైనాన్స్ మీ ప్రొఫైల్, అవసరాలు మరియు లొకేషన్ ఆధారంగా వివిధ ఫైనాన్స్ భాగస్వాములు మరియు రుణదాతలు అందిస్తున్న అన్ని ఆఫర్లను ఒకే ప్లాట్‌ఫామ్‌పై తెలుసుకోవచ్చు.

ఈ ప్లాట్‌ఫామ్ సాయంతో లోన్ ఈఎమ్‌ఐని సులువుగా లెక్కించవచ్చు. కస్టమర్ కార్ లోన్‌కి కావల్సిన బడ్జెట్ గురించి ఒక అంచనా ఉంటే చాలు, ఈ స్మార్ట్ ఫైనాన్స్ ద్వారా మీరు చెల్లించే డౌన్ పేమెంట్, ఈఎమ్ఐ, పదవీకాలం మరియు వడ్డీ రేటు మొదలైన అంశాలను కస్టమైజ్ చేసుకుని ఈఎమ్ఐకి సంబంధించి ఒక అంచనాకు రావచ్చు.

కస్టమర్ బడ్జెట్ మరియు ప్రాధాన్యతల ఆధారంగా కావల్సిన కార్ లోన్ మొత్తాన్ని ఎంచుకున్న తర్వాత స్మార్ట్ ఫైనాన్స్ సిస్టమ్‌లో ఉన్న లోన్ అప్లికేషన్‌ను పూర్తి చేయటం మరియు అవసరమైన అన్ని డాక్యుమెంట్లను అప్‌లోడ్ చేయటం ద్వారా మీరు రుణానికి అర్హత పొందింది లేనిది తెలుసుకోవచ్చు.

ఇలా ధరఖాస్తు చేసుకున్న లోన్ అప్లికేషన్‌ను ట్రాక్ చేసేందుకు ఓ ట్రాకింగ్ నెంబర్ కూడా జనరేట్ అవుతుంది. లోన్ మంజూరు అయిన తర్వాత, సదరు రెఫరెన్స్ నెంబరుతో మీ సమీపంలోని మారుతి సుజుకి అరేనా షోరూమ్‌ని సందర్శించిన సులువుగా కారును సొంతం చేసుకోవచ్చు.