భారత్‌లో విడుదలైన 2021 రెనాల్ట్ ట్రైబర్ ; ధర & వివరాలు

రెనాల్ట్ కంపెనీ యొక్క ఉత్పత్తులలో ట్రైబర్ ముఖ్యమైన ఉత్పత్తి అని నిరూపించబడింది. కంపెనీ యొక్క ఈ కాంపాక్ట్ ఎంపివికి మార్కెట్లో మంచి ఆదరణ లభించింది. దాని టర్బో వేరియంట్ గత సంవత్సరం లాంచ్ అయిన తరువాత కంపెనీ మంచి అమ్మకాలను కొనసాగించింది.

కొత్త రెనాల్ట్ ట్రైబర్ RXE, RXL, RXT మరియు RXZ అనే నాలుగు వేరియంట్లలో అందుబాటులో ఉంది, ఇది మాన్యువల్ మరియు EG-R AMT గేర్‌బాక్స్ ఎంపికలలో లభిస్తుంది. దీని టాప్ వేరియంట్ ఆర్‌ఎక్స్‌జెడ్ ఎఎమ్‌టి ధర రూ. 7.65 లక్షలు.

MOST READ:త్వరపడండి.. హోండా యాక్టివా 125 పై 5000 క్యాష్‌బ్యాక్ ఆఫర్, వారికి మాత్రమే

కొత్త రెనాల్ట్ ట్రైబర్ మెటల్ మస్టర్డ్, ఎలక్ట్రిక్ బ్లూ, మూన్లైట్ సిల్వర్, ఐస్ కూల్ వైట్ మరియు సెడార్ బ్రౌన్ అనే ఐదు కలర్ ఆప్షన్లలో అందుబాటులో ఉంది. అయితే డ్యూయల్ కలర్ ఆప్షన్‌ను ఆర్‌ఎక్స్‌జెడ్‌లో మాత్రమే అందుబాటుల ఉంటుంది. దీని కోసం అదనంగా రూ. 17 వేలు చెల్లించాల్సి ఉంటుంది.

కొత్త రెనాల్ట్ ట్రైబర్ యొక్క అప్డేట్స్ విషయానికి వస్తే,ఇందులో స్టీరింగ్ వీల్ మౌంటెడ్ ఆడియో మరియు ఫోన్ కంట్రోల్‌తో పాటు డ్రైవర్ సీట్ హైట్ అడ్జస్ట్ ఫీచర్, ORVM లో LED టర్న్ ఇండికేటర్‌ వంటివి ఉన్నాయి.

MOST READ:వోల్వో భారత్‌లో విడుదల చేయనున్న కొత్త ఎలక్ట్రిక్ ఎస్‌యూవీ ; పూర్తి వివరాలు

కొత్త రెనాల్ట్ ట్రైబర్ యొక్క ఇంజిన్‌లో ఎటువంటి మార్పు లేదు. ఇందులో 1.0-లీటర్ త్రీ సిలిండర్ పెట్రోల్ ఇంజిన్‌తో వస్తుంది, ఇది 71 బిహెచ్‌పి శక్తిని మరియు 96 ఎన్ఎమ్ టార్క్‌ను అందిస్తుంది. ఇంజిన్ 5-స్పీడ్ మాన్యువల్ మరియు ఆటోమేటిక్ గేర్‌బాక్స్‌తో జతచేయబడుతుంది.

కొత్త రెనాల్ట్ ట్రైబర్ ని కంపెనీ డీలర్షిప్ లేదా మై రెనాల్ట్ యాప్ నుండి బుక్ చేసుకోవచ్చు, దీని కోసం మీరు 11,000 రూపాయలు ముందుగానే చెల్లించాలి. సంస్థ త్వరలో దాని డెలివరీని ప్రారంభిస్తుంది. ఇప్పటివరకు 70,000 యూనిట్ల కొత్త రెనాల్ట్ ట్రైబర్ అమ్మినట్లు కంపెనీ తెలిపింది. కొత్త రెనాల్ట్ ట్రైబర్ ఈ విభాగంలో మంచి అమ్మకాలను సాగిస్తోంది. ఇప్పుడు కొత్త మార్పులతో వచ్చిన ఈ కారును కస్టమర్లు ఏవిధంగా ఆదరిస్తారో వేచి చూడాలి.

MOST READ:ఢిల్లీలో భారీగా తగ్గిన రోడ్డు ప్రమాదాలు.. కారణం మాత్రం ఇదే