డొనాల్డ్ ట్రంప్ వాడిన రోల్స్ రాయిస్ కారు వేలం; వెల ఎంతంటే..?

ఆ విషయం అటుంచితే, ఒకప్పుడు అమెరికా అధ్యక్షుడు డొనాల్డ్ ట్రంప్ ఉపయోగించిన ఖరీదైన రోల్స్ రాయిస్ కారు ఒకటి ఇప్పుడు వేలానికి వచ్చింది. బ్లాక్ కలర్ 2010 మోడల్ రోల్స్ రాయిస్ ఫాంటమ్ కారును అమెరికాలోని ఓ ప్రముఖ వెబ్‌సైట్ వేలానికి ఉంచింది.

అమెరికాలోని మెకమ్ ఆక్షన్స్ సంస్థ తమ అధికారిక వెబ్‌సైట్‌లో ఈ రోల్స్ రాయిస్ ఫాంటమ్ కారును అమ్మకానికి పెట్టబడింది. ఈ కారును వేలంలో 3,00,000 నుండి 4,00,000 డాలర్ల మధ్యలో (సుమారు రూ.2.2 కోట్ల నుండి రూ.2.9 కోట్ల మధ్యలో) విక్రయించాలని సదరు ఆక్షన్ కంపెనీ యోచిస్తోంది.

వేలానికి వచ్చిన ఈ కారును ఒకప్పుడు డొనాల్డ్ ట్రంప్ ఉపయోగించారు, ప్రస్తుతం దీని యజమాని ఎవరనే విషయాన్ని ఆక్షన్ కంపెనీ గోప్యంగా ఉంచింది. ఈ 2010 మోడల్ రోల్స్ ఫాంటమ్ కారుకి ఓ ప్రత్యేకత కూడా ఉంది. ఇదొక లిమిటెడ్ ఎడిషన్ మోడల్, అప్పట్లో ఇలాంటివి కేవలం 537 కార్లు మాత్రమే తయారయ్యాయి.

కాగా, ఇప్పుడు ఈ రోల్స్ రాయిస్ కారును వేలంలో కంపెనీ పేర్కొన్న ధరకు విక్రయిస్తే, ఇది ఆ కాలానికి చెందిన అత్యంత ఖరీదైనది రోల్స్ రాయిస్‌గా నిలిచే అవకాశం ఉంది. వెబ్‌సైట్ సమాచారం ప్రకారం, ఈ కారు ఓడోమీటర్‌పై 56,700 మైళ్ళ (91,249 కిమీ) రీడింగ్ ఉంది.

కార్‌స్కూప్స్ పేర్కొన్న సమాచారం ప్రకారం, డొనాల్డ్ ట్రంప్ అమెరికా దేశానికి 45వ అధ్యక్షునిగా ఎన్నిక కాక మనుపు ఉపయోగించిన కార్లలో ఇదొకటిగా చెబుతున్నారు. కొన్ని కారణాల వలన ట్రంప్ ఈ కారును విక్రయించేసినట్లు సమాచారం.

ఆసక్తికరమైన విషయం ఏంటంటే, ఈ కారుకి సంబంధించిన ఓనర్స్ మ్యాన్యువల్‌పై డొనాల్డ్ ట్రంప్ ఆటోగ్రాఫ్ కూడా ఉంటుంది. దానిపై "నేను ఈ కారును ప్రేమిస్తున్నాను, ఇది చాలా గొప్పది! శుభాకాంక్షలు" అనే సందేశం కూడా ఉంటుంది.

డొనాల్డ్ ట్రంప్ ఉపయోగించిన ఈ 2010 రోల్స్ రాయిస్ ఫాంటమ్ లగ్జరీ కారులో థియేటర్ అనుభూతిని అందించేందుకు ఇందులో ఓ థియేటర్ ప్యాకేజ్ కూడా ఉంటుంది. ఇందులో భాగంగా, స్టార్‌లైట్ హెడ్‌లైనర్ మరియు ఎలక్ట్రానిక్ కర్టెన్స్ వంటి ఫీచర్లు ఉన్నాయి.

ఈ కారులో శక్తివంతమైన 6.75-లీటర్ వి-12 ఇంజన్ ఉంటుంది. ఈ ఇంజన్ గరిష్టంగా 453 హెచ్‌పిని ఉత్పత్తి చేస్తుంది. ఈ ఇంజన్ సిక్స్-స్పీడ్ ఆటోమేటిక్ గేర్‌బాక్స్‌తో జతచేయబడి ఉంటుంది. ఇందులో పవర్ స్టీరింగ్ మరియు పవర్ డిస్క్ బ్రేక్‌లు కూడా ఉంటాయి.

ఇంకా ఇందులో 7-స్పోక్ అల్లాయ్ వీల్స్ ఉంటాయి, వీటిని స్పిరిట్ ఆఫ్ ఎక్స్టసీ మస్కట్ లోగోతో అలంకరించబడి ఉంటాయి. అంతేకాకుండా, హెడ్‌రెస్ట్‌లపై ఆర్‌ఆర్ లోగోను కూడా చేతితో కుట్టబడి ఉంటుంది.

ఈ 2010 రోల్స్ రాయిస్ ఫాంటమ్ లగ్జరీ కారులోని అన్ని స్టాండర్ట్ సేఫ్టీ ఫీచర్లు లభిస్తాయి. ఇందులో రైడర్ మరియు కో-ప్యాసింజర్ కోసం ఫ్రంట్ ఎయిర్‌బ్యాగ్స్ ఉంటాయి. వారితో పాటుగా ఇతర ప్రయాణీకుల కోసం సైడ్ ఎయిర్‌బ్యాగులు మరియు సైడ్ కర్టెన్ ఎయిర్‌బ్యాగులు కూడా ఉన్నాయి.