12 గంటలు నిరంతర వర్షము: సుందర నగరంలో వాహనదారుల ఇక్కట్లు

Published: Friday, July 29, 2016, 18:49 [IST]

భారత దేశపు గ్రీన్ సిటిగా పేరుగాంచిన బెంగళూరు మహా నగరం 12 గంటల నిరంతర వర్షానికి అతలాకుతలం అయిపోయింది. భారీ స్థాయిలో ఉన్న వృక్ష సంపద ఇక్కడ భారీ వర్షానికి కారణం అని తెలిసిందే. బెంగళూరులో రహదారులు బాగా అభివృద్ది చెందినప్పటికీ చాలా వరకు లోతట్టు ప్రాంతాలు జలమయమ్యాయి.

బెంగళూరులోని కొన్ని ప్రాంతాలు పెద్ద పెద్ద కాలువలను తలపించాయి. ఫోటోలు...

గత రాత్రి నుండి ఉదయం వరకు కురిసిన నిరంతర వర్షానికి దక్షిణ బెంగళూరులోని బిటిఎమ్‌ లేఔట్, సిల్క్ బోర్డ్ మరియు హెచ్‌ఎస్‌ఆర్ లేఔట్ వంటి ప్రాంతాలు ముంపునకు గురయ్యాయి.

దక్షిణ బెంగళూరు వైపు ఉన్న రహదారులన్నీ నీటితో పూర్తిగా నిండిపోయి కుంటలను తలపిస్తున్నాయి.

సుమారుగా రెండు నెలల అనంతరం ఆగకుండా కురిసిన వర్షం దేశ ఐటి కేంద్రం అయిన బెంగళూరుని తడిసి ముద్దాడింది. అయితే నేడు కాస్త ఉపశనం కలిగించింది.

అయితే ఉదయం మరియు సాయంకాలపు వేళల్లో తీవ్ర స్థాయిలో వర్షం పడుతుండటం వలన లోతట్టు ప్రాంతాలు రోజు రోజుకీ జలమయమవుతూనే ఉన్నాయి.

భారీ స్థాయిలో ముంపునకు గురైన ప్రాంతాల్లో అగ్నిమాపక శాఖ అధికారులు ఫైరింజన్‌ల ద్వారా నీటిని తొలగిస్తున్నారు.

అత్యధికంగా రోడ్డు ట్యాక్స్‌లు చెల్లిస్తున్న బెంగళూరు నివాసితులకు ముంపునకు గురైన రహదారుల నుండి విముక్తి కలిగే అకాశమే లేకుండా ఉంది.

సొంత కార్లు, బైకులు మరియు ఇతర వాహనాలను కలిగి ఉన్న వాహనదారులు తమ వాహనాలను నిరతంరంచెక్ చేసుకోవడం మంచిది. వర్షాకాలంలో వాటర్‌లాగింగ్ (ఇంజన్‌లోకి నీరు చేరడం) వంటివి జరుగుతుంటాయి.