మళ్లీ అదే కారణం 3,00,000 హోండా కార్లు రీకాల్

తమ కార్లలో లోపం ఉన్న ఎయిర్ బ్యాగుల సమస్యను సంభందిత డీలర్లను సంప్రదించి జూన్ లోపు సరిచేసుకోవాలని NHTSA కస్టమర్ల సూచించింది. డెట్రాయిట్ వార్తల ప్రకారం ఇప్పటి వరకు సుమారుగా 13,000 కార్లలలో లోపాన్ని సవరించినట్లు తెలిసింది.

NHTSA అడ్మినిస్ట్రేటర్ మార్క్ రోస్కైండ్ మాట్లాడుతూ, ప్రమాదం జరిగిన సమయాల్లో ప్రాణాలు కోల్పోయే అవకాశం చాలా ఎక్కువగా ఉంటుంది. అందుకోసం ప్రాణాలను దక్కించుకునేందుకు ఎయిర్ బ్యాగులున్న కార్లను కొనుగోలు చేస్తారు. అయితే తయారీ సంస్థల పొరబాట్ల కారణంగా లోపం ఉన్న ఎయిర్ బ్యాగులను అందిస్తున్నారు. కాబట్టి రీకాల్ జరిగిన వెంటనే విధిగా వినియోగదారులు వీలైనంత త్వరగా లోపాన్ని గుర్తించి పరిష్కరించుకోవాలి.

గతం మాసంలో విడుదలైన ఒక రిపోర్ట్ ప్రకారం 2001 లో ఒక మహిళ హోండా సివిక్ కారులో లోపం ఉన్న ఎయిర్ బ్యాగ్ కారణంగా మృతి చెందింది. అదే ముందుగా లోపాన్ని గుర్తించి పరిష్కరించి ఉంటే ఆమె బ్రతికి ఉండేది.

NHTSA అధికారులు ప్రయివేట్ ఇన్వెస్టిగేషన్ ఆధికారులను నియమించింది. రీకాల్‌కు గురైన కార్లను స్వయంగా పర్యవేక్షించి, సాంకేతిక నిపుణులకు సమాచారం అందించి ఎయిర్ బ్యాగులలో లోపాన్ని పరిష్కరించనున్నారు.

NHTSA అధికారులు హోండా మోటార్స్ ప్రతినిధులతో ఇప్పటికే పలుమార్లు చర్చించి, రీకాల్‌కు గురైన కార్లలో సమస్యను వేగంగా గుర్తించి పరిష్కరించి ప్రమాదాల రేటు తగ్గించాలని కోరినట్లు తెలిపారు.

ఎయిర్ బ్యాగ్స్: ఎలా పనిచేస్తాయి, ఎన్ని రకాలు, చరిత్ర