హ్యుందాయ్ క్రెటా ఫేస్‌లిఫ్ట్ ప్రథమ ప్రదర్శన: ఫోటోలతో పూర్తి వివరాలు

హ్యుందాయ్ మోటార్స్ తమ క్రెటా ఫేస్‌లిఫ్ట్ ఎస్‌యువిని ప్రపథమంగా బ్రెజిల్ లో జరుగుతున్న 2016 Sao Paulo ఆటో షో వేదిక మీద అధికారికంగా ప్రదర్శించింది.

Updated: Monday, March 12, 2018, 16:48 [IST]

బ్రెజిల్ కేంద్రంగా జరుగుతున్న 2016 Sao Paulo ఆటో షో వేదిక మీద దక్షిణకొరియా ఆధారిత ప్రముఖ ప్యాసింజర్ కార్ల తయారీ సంస్థ హ్యుందాయ్ మోటార్స్ తమ ఫే‌లిప్ట్ క్రెటా ను ప్రదర్శించింది. ప్రప్రథమంగా ప్రపంచ ప్రదర్శనకు వచ్చిన ఈ వేరియంట్ అంతర్జాయ మార్కెట్ కోసం అభివృద్ది చేసిన ఫేస్‌‌లిఫ్ట్ క్రెటా హ్యుందాయ్ తెలిపింది.

బ్రెజిల్ వెర్షన్ క్రెటా ఫేస్‌లిఫ్ట్ మునుపటి క్రెటా ఎస్‌యువితో పోల్చుకుంటే ముందు వైపు డిజైన్‌లో స్వల్ప మార్పులు చోటు చేసుకున్నాయి.

నూతనంగా డిజైన్ చేయబడిన ఫ్రంట్ గ్రిల్, స్వల్పంగా సవరించిన డిజైన్‌లో హెడ్ ల్యాంప్, రీ డిజైన్ చేసిన ఎయిర్ ఇంటేకర్, సమాంతరాకారంలో ఉన్న ఫాగ్ ల్యాంప్స్ వంటి మార్పులు జరిగాయి.

ఇక సరికొత్త క్రెటా ఫేస్‌లిఫ్ట్ వెనుక డిజైన్ మీద కూడా హ్యుందాయ్ ప్రత్యేక శ్రద్ద సారించింది. విభిన్నమైన టెయిల్ లైట్ మరియు బంపర్‌ను కలిగి ఉంది.

ప్రపంచ మార్కెట్ల దృష్టిని ఆకర్షించే విధంగా ఇంటీరియర్‌ను పూర్తి స్థాయిలో రీ డిజైన్ చేసి కార్పోరేట్ లెవల్‌లో ఫీచర్లను అందించింది.

ఇంటీరియర్‌లోని ఇన్పోటైన్‌మెంట్ సిస్టమ్ లో స్మార్ట్ ఫోన్ అనుసంధానం ద్వారా ఆపిల్ కార్ ప్లే మరియు ఆండ్రాయిడ్ ఆటో అప్లికేషన్లను వినియోగించుకోవచ్చు. ప్రత్యేకించి క్లైమేట్ కంట్రోల్ వ్యవస్థను అభివృద్ది చేశారు.

భద్రత పరంగా బ్రెజిల్ లో ప్రదర్శితమైన హ్యుందాయ్ క్రెటా ఫేస్‌లిఫ్ట్‌లో ఆరు ఎయిర్ బ్యాగులు, స్టెబిలిటి కంట్రోల్ వంటివి ఉన్నట్లు తెలిసింది, అయితే ఇతర భద్రత ఫీచర్లను గోప్యంగా ఉంచారు.

క్రెటా ఫేస్‌లిఫ్ట్ విభిన్న ఇంధనాన్ని వినియోగించుకునే రెండు రకాల ఇంజన్‌లను కలిగి ఉంది.

అందులో ఒకటి 1.6-లీటర్ సామర్థ్యం ఉన్న వేరియంట్ సుమారుగా 130బిహెచ్‌పి పవర్ మరియు 162ఎన్ఎమ్ గరిష్ట టార్క్ ఉత్పత్తి చేస్తుంది.

అధే విధంగా క్రెటా ఫేస్‌లిఫ్ట్‌లోని మరో ఇంజన్ ఆప్షన్ 2-లీటర్ వేరియంట్ సుమారుగా 166బిహెచ్‌పి పవర్ మరియు 201ఎన్ఎమ్ గరిష్ట టార్క్ ఉత్పత్తి చేయును.

2017 జనవరి నుండి బ్రెజిల్ మార్కెట్లో క్రెటా ఫేస్‌లిఫ్ట్ విక్రయాలు ప్రారంభించనుంది. 2017 లో కాస్త ఆలస్యంగా దేశీయ విపణిలోకి క్రెటా ఫేస్‌లిఫ్ట్ విడుదలయ్యే అవకాశం ఉంది.