విడుదలకు సిద్దమైన మారుతి సుజుకి స్విఫ్ట్ స్పోర్ట్

మారుతి సుజుకి 2017 నాటికి స్విఫ్ట్ స్పోర్ట్ రెగ్యులర్ వేరియంట్‌ను విడుదల చేయడానికి సన్నాహాలు చేస్తోంది.

By Anil

Updated: Wednesday, October 26, 2016, 17:23 [IST]

ఇంటర్నెట్లో చక్కర్లు కొడతున్న సమచారం ప్రకారం మారుతి సుజుకి తమ తరువాత తరానికి చెందిన స్విఫ్ట్ హ్యాచ్‌బ్యాక్‌ను స్పోర్ట్ వేరియంట్లో విడుదల చేయడానికి సిద్దమవుతున్నట్లు తెలిసింది. 2017 నాటికి ఈ స్విప్ట్ స్పోర్ట్, రెగ్యులర్ వేరియంట్‌ లను విడుదల చేయనున్నట్లు ఆధారం లేని వార్తలు వెల్లువెత్తున్నాయి. ఈ తరుణంలో దీనికి సంభందించిన ఫోటోలు మరియు సాంకేతిక వివరాలు క్లుప్తంగా....

మారుతి సుజుకి 2005 లో తమ మొదటి స్విఫ్ట్ హ్యాచ్‌బ్యాక్‌ను పరియం చేసింది. అప్పటి నుండి నేటి వరకు అనేక మెరుగులు దిద్దుకుంటూ ఎన్నో రకాల ఫేస్‌లిఫ్ట్‌ల రూపంలో ఎప్పటికప్పుడు మార్కెట్లోకి విడుదల అవుతూనే వచ్చింది.

ఇన్నేళ్ల కాలంలో స్విప్ట్ హ్యాచ్‌బ్యాక్ తయారీ మరియు అమ్మకందారు మారుతి దీనిని స్పోర్టివ్ రూపంలో రూపొందించి అందుబాటులోకి తెచ్చిన పాపాన పోలేదు. అయితే ఇప్పుడు మేలుకున్న మారుతి స్పోర్ట్ ఉత్పత్తుల మీద ఉన్న డిమాండ్ దృష్ట్యా స్విఫ్ట్‌ను స్పోర్టివ్‌ వేరియంట్లో విడుదల చేయనుంది.

గత కొన్నేళ్ల కాలం నుండి భారతీయ యువ కొనుగోలు దారులు స్పోర్టివ్ హ్యాచ్‌బ్యాక్‌లను అమితంగా ఎంచుకుంటున్నారు. అందులో ఫియట్ అబర్త్ పుంటో మరియు వోక్స్‌వ్యాగన్ పోలో జిటిఐ వంటి ఉత్పత్తులు మంచి ఫలితాలను సాధించాయి.

మారుతి సుజుకి 2017 నాటికి స్విఫ్ట్ స్పోర్ట్ వేరియంట్‌తో సాధారణ అప్‌డేటెడ్ మోడల్‌ను కూడా విడుదల చేయడానికి సన్నాహాలు చేస్తోంది. ఈ ప్రాజెక్ట్‌కు వైఎస్‌డి అనే కోడ్‌ పేరును ఖరారు చేసింది.

ప్రస్తుతం అందుబాటులో ఉన్న స్విఫ్ట్ హ్యాచ్‌బ్యాక్ కన్నా ఎంతో ఆకర్షణీయంగా ఉంది. వితారా బ్రిజా మోడల్‌కు డిజైన్ ఫ్లోటింగ్ రూఫ్‌ను ఇందులో కూడా పరిచయం చేస్తోంది మారుతి.