అప్‌కమింగ్ రెనో క్విడ్ 1.0-లీ మైలేజ్ ఎంతో తెలుసా ?

రెనో క్విడ్ 1.0-లీటర్ మ్యాన్యువల్ గేర్‌బాక్స్ గల వేరియంట్ లీటర్‌కు సుమారుగా 23.01 కిలోమీటర్ల మైలేజ్ ఇవ్వనున్నట్లు తెలిసింది.

అయితే ఇదే శ్రేణిలో ఉన్నమారుతి ఆల్టో కె10 లీటర్‌కు 24.07 కిమీలు మరియు హ్యుందాయ్ ఇయాన్ 20.3 కిమీలు మైలేజ్ ఇవ్వగలవు.

రెనో ఈ క్విడ్ 1.0-లీటర్ ఇంజన్‌ను స్మార్ట్ కంట్రోల్ ఎఫిషియన్సీ పరిజ్ఞానంతో అందిస్తున్నారు. ఇది గరిష్టంగా 67బిహెచ్‌పి పవర్ మరియు 91ఎన్ఎమ్ గరిష్ట టార్క్‌ను ఉత్పత్తి చేయును.

రెనో ఈ క్విడ్ 1.0-లీటర్ ఇంజన్‌కు 5-స్పీడ్ ఆటోమేటిక్ మరియు మ్యాన్యువల్ ట్రాన్స్‌మిషన్ గల గేర్‌బాక్స్‌ను అనుసంధానం చేయనున్నారు.

1000సీసీ సామర్థ్యం శ్రేణిలో ఉన్న వాహనాలతో పోల్చితే ఇది ఉత్తమ పవర్‌ను ఇస్తుంది. బరువు మరియు పవర్ నిష్పత్తిలో దీని పనితీరు అద్భుతం అని చెప్పాలి.

క్విడ్ లోని 1.0-లీటర్ ఇంజన్ ఒక టన్ను బరువుకు గరిష్టంగా 97బిహెచ్‌పి పవర్‌ను విడుదల చేస్తుంది.

బయటి వైపున ఉండే సైడ్ మిర్రర్లను సిల్వర్ కోటింగ్ ఆకర్షణీయంగా రూపొందిస్తున్నారు, చుట్టు ప్రక్కల నలుపు మరియు తెలుపులో ఉండే డీకాల్స్ మరియు వెనుక వైపు 1.0-లీటర్ ను సూచించే అక్షరాలను అందిస్తున్నారు.

రెనో ఇండియా ఈ క్విడ్ 1.0-లీటర్ కారును కేవలం ఆర్ఎక్స్‌టి మరియు ఆర్ఎక్స్‌టి(ఒ)లలో మాత్రమే అందుబాటులోకి తీసుకురానున్నారు.

ఫీచర్ల పరంగా ముందున్న 800సీసీ క్విడ్‌లోని 7-అంగుళాల మీడియానవ్ టచ్‌స్క్రీన్ గల ఇన్ఫోటైన్‌మెంట్ సిస్టమ్‍‌తో పాటు ఫ్రంట్ డ్రైవర్ ఎయిర్ బ్యాగుని ఆప్షనల్‌గా అందిస్తున్నారు.

రెనో ఈ క్విడ్ 1.0-లీటర్‌ను ఈ ఆగష్టు చివరిలోపు విడుదల చేయనుంది.

ఈ క్విడ్ 1.0-లీటర్ అందుబాటులోకి వస్తే ప్రస్తుతం మార్కెట్లో ఉన్న మారుతి ఆల్టో కె10 మరియు హ్యుందాయ్ వారి ఇయాన్ వంటి వాటికి పోటీగా నిలవనుంది.

• రెనో నుండి రెండు సరికొత్త ఉత్పత్తులు