విడుదలైన నెల రోజులలోపే 12,000 పైగాకు బుకింగ్స్

ఆ తరువాత నెల ఏప్రిల్‌లో 3,000 లకు పైగా డబ్ల్యూఆర్-వి యూనిట్లను హోండా విక్రయించేసింది. తమ బెస్ట్ సెల్లింగ్ మోడల్ సిటి సెడాన్ తరువాత స్థానంలో డబ్ల్యూఆర్-వి నిలిచింది.

ప్రస్తుతం ఇండియన్ మార్కెట్లో ఉన్న మారుతి సుజుకి వితారా బ్రిజా, ఫోర్డ్ ఎకో స్పోర్ట్ ఎస్‌యూవీలకు గట్టి పోటీనిస్తోంది.

విడుదల సమయంలో డబ్ల్యూఆర్-వి గురించి పట్టించుకోని పోటీదారులకు ఇప్పుడు చెమటలు పుట్టిస్తోందని చెప్పాలి. మార్కెట్ వర్గాలు ఊహించిన స్థాయిలో విక్రయాలు సాధించింది. హోండా అంచనాలను పెంచేస్తోంది.

కాంపాక్ట్ ఎస్‌యూవీ సెగ్మెంట్లో భారీ పోటీ ఉన్న నేపథ్యంలో పోటీదారుల ఉత్పత్తులకు దడ పుట్టిస్తున్న డబ్ల్యూఆర్-వి నిజానికి బ్రిజా మరియు ఎకోస్పోర్ట్‌లతో ఏ మాత్రం పోలిక ఉండదు. అయితే భారత దేశపు ఎంట్రీ లెవల్ ఎస్‌యూవీ అంటే ఇదే అని నిస్సందేహంగా చెప్పవచ్చు.

హోండా మోటార్స్ ఈ డబ్ల్యూఆర్-వి మీద అదనపు ఫీచర్లు అందించడం మీద ఎక్కువగా దృష్టిసారించింది. పోటీదారులతో పోల్చుకుంటే విశాలమైన క్యాబిన్ స్పేస్ దీన సొంతం. మరియు ఈ సెగ్మెంట్లో మొదటి సారిగా ఎలక్ట్రిక్ సన్ రూఫ్ టాప్ గల మోడల్ కూడా ఇదే.

ఇంటీరియర్‌లో 7-అంగుళాల పరిమాణం ఉన్న ఇన్ఫోటైన్‌మెంట్ సిస్టమ్ కలదు, ఇందులో ఇంటర్నెట్ కోసం వై-ఫై, క్రూయిజ్ కంట్రోల్, ఇంజన్ స్టార్ట్ మరియు స్టాప్ బటన్ వంటి ఫీచర్లను అందివ్వడం జరిగింది.

భద్రత పరంగా హోండా తమ డబ్ల్యూఆర్-విలో యాంటిలాక్ బ్రేకింగ్ సిస్టమ్, ఎలక్ట్రానిక్ బ్రేక్ ఫోర్స్ డిస్ట్రిబ్యూషన్ మరియు స్టాండర్డ్‌గా డ్యూయల్ ఎయిర్ బ్యాగులు ఉన్నాయి.

హోండా డబ్ల్యూఆర్-వి పెట్రోల్ మరియు డీజల్ రెండు ఇంజన్ ఆప్షన్‌లలో లభిస్తోంది. అవి, 1.2-లీటర్ సామర్థ్యం ఉన్న ఐ-విటిఇసి పెట్రోల్ మరియు 1.5-లీటర్ సామర్థ్యం ఉన్న ఐ-డిటిఇసి డీజల్.

సాంకేతికంగా పెట్రోల్ డబ్ల్యూఆర్-వి గరిష్టంగా 89బిహెచ్‌పి పవర్ మరియు 110ఎన్ఎమ్ గరిష్ట టార్క్ ఉత్పత్తి చేస్తుంది. మరియు డీజల్ వేరియంట్ డబ్ల్యూఆర్-వి గరిష్టంగా 99బిహెచ్‌పి పవర్ మరియు 200ఎన్ఎమ్ టార్క్ ఉత్పత్తి చేయును.

డబ్ల్యూఆర్-వి మైలేజ్ వివరాలు

• పెట్రోల్ వేరియంట్ - 17.5 కిమీ/లీ
• డీజల్ వేరియంట్ - 25.5కిమీ/లీ



హోండా డబ్ల్యూఆర్-వి ప్రారంభ వేరియంట్ ధర రూ. 7.75 లక్షలు మరియు టాప్ ఎండ్ వేరియంట్ ధర రూ. 9.99 లక్షలు ఎక్స్-షోరూమ్ ఢిల్లీగా ఉన్నాయి.