హోండా డబ్ల్యూఆర్-వి కు లభిస్తున్న అనూహ్యమైన ఆదరణ

జపాన్ దిగ్గజ హోండా దేశీయంగా 9,919 యూనిట్ల డబ్ల్యూఆర్-వి ఎస్‌యూవీలను విక్రయించేసింది, అయితే ఈ జూన్ లో10,000 యూనిట్ల మైలు రాయిని దాటే అవకాశం ఉంది. హోండా రీసెర్చ్ అండ్ డెవలప్‌‌మెంట్ బృందం ఇండియాలో అభివృద్ది చేసి, తొలి విడుదల మరియు ప్రొడక్షన్ కూడా దేశీయంగానే చేపట్టింది.

కాంపాక్ట్ క్రాసోవర్ ఎస్‍‌‌యూవీ సెగ్మెంట్లోకి వచ్చిన హోండా డబ్ల్యూఆర్-వి నిజానికి వితారా బ్రిజాకు మాత్రమే కాకుండా ఫోర్డ్ ఎకో స్పోర్ట్ కు గట్టి పోటీనిస్తోంది. డబ్ల్యూఆర్-వి పెట్రోల్ మరియు డీజల్ ఇంధన వేరియంట్లో అందుబాటులో ఉంది.

సాంకేతికంగా హోండా డబ్ల్యూఆర్-వి లోని 1.2-లీటర్ ఐ-విటిఇసి పెట్రోల్ ఇంజన్ గరిష్టంగా 89బిహెచ్‌పి పవర్ మరియు 110ఎన్ఎమ్ టార్క్ ఉత్పత్తి చేయును. అదే విధంగా ఇందులో ఉన్న 1.5-లీటర్ ఐ-డిటిఇసి డీజల్ ఇంజన్ గరిష్టంగా 99బిహెచ్‌పి పవర్ మరియు 200ఎన్ఎమ్ టార్క్ ఉత్పత్తి చేయును.

ట్రాన్స్‌మిషన్ మరియు మైలేజ్

5-స్పీడ్ మ్యాన్యువల్ గేర్‌బాక్స్ అనుసంధానంతో ఉన్న పెట్రోల్ ఇంజన్ లీటర్‌కు 17.5కిలోమీటర్ల మైలేజ్ ఇవ్వగలదు మరియు 6-స్పీడ్ మ్యాన్యువల్ ట్రాన్స్‌మిషన్ గేర్‌బాక్స్ అనుసంధానం ఉన్న డీజల్ వేరియంట్ లీటర్‌కు 25.5కిలోమీటర్ల మైలేజ్ ఇవ్వగలదు.

హోండా డబ్ల్యూఆర్-వి లోని ఫీచర్లు

డబ్ల్యూఆర్-వి ఇంటీరియర్‌లో వై-ఫై మరియు ఇంటర్నెట్ సపోర్ట్ గల 7-అంగుళాల పరిమాణం ఉన్న తాకే తెర గల ఇన్ఫోటైన్‌మెంట్ సిస్టమ్, క్రూయిజ్ కంట్రోల్, ఇంజన్ స్టార్ట్ మరియు స్టాప్, మల్టీ ఫంక్షన్ స్టీరింగ్ వీల్, మరియు ఈ సెగ్మెంట్లో తొలి ఫీచర్ ఎలక్ట్రిక్ సన్ రూఫ్ ఇందులో కలదు.

భద్రత ఫీచర్లు

హోండా మోటార్స్ డబ్ల్యూఆర్-విలో భద్రత పరంగా యాంటిలాక్ బ్రేకింగ్ సిస్టమ్, ఎలక్ట్రానిక్ బ్రేక్ ఫోర్స్ డిస్ట్రిబ్యూషన్ మరియు ముందు వైపున డ్యూయల్ ఎయిర్ బ్యాగ్స్ ఉన్నాయి.

ప్రస్తుతం డబ్ల్యూఆర్-వి మీద మంచి రెస్పాన్స్ లభిస్తుండటంతో హోండా ఇండియా లైనప్‌లో ఇది మంచి ఫలితాలనిచ్చే అవకాశం ఉంది. అయితే ఇదే తరహా విక్రయాలు రానున్న కాలంలో కూడా కొనసాగుతాయా లేదా అనేదాని వేచి చూడాలి మరి.