2017 దక్షిణ్ డేర్ ర్యాలీ వివరాలను వెల్లడించిన మారుతి సుజుకి

2017 మారుతి సుజుకి దక్షిణ్ డేర్ ర్యాలీ బెంగళూరులోని రాజాజీ నగర్‌లోని ఓరియన్ మాల్ నుండి జూలై 16, 2017 నుండి ప్రారంభం కానుంది. ర్యాలీ మొదటి స్టేజ్ జూలై 17, 2017 నుండి మొదలవ్వనుంది.

మారుతి సుజుకి దక్షిణ్ డేర్ ర్యాలీ మొదటి సారిగా పూనే దిశగా సాగనుంది. భారత దేశపు దక్షిణ భాగం నుండి పశ్చిమ దిశకు 2200కిమీల మేర ఈ ర్యాలీ సాగనుంది. చిత్రదుర్గ, బెల్గాం మరియు కోల్హాపూర్ మీదుగా వెళ్లే ఈ మార్గంలో ఎన్నో సుందరమైన ప్రదేశాలతో పాటు కఠినమైన భూబాగాల్లో ఎన్నో సవాళ్లను ఎదుర్కోవాల్సి ఉంటుంది.

జూలై 21, 2017 నాటికి ర్యాలీ చివరి దశకు రానుంది. విజేతలకు నగదు బహుమతుల ప్రధానం జూలై 22, 2017 న చేయనున్నారు. సౌత్ ఇండియాలో జరిగే అతి పెద్ద మోటార్ స్పోర్ట్ ర్యాలీగా మారుతి సుజుకి దక్షిణ్ డేర్ ర్యాలీ పేరుగాంచింది.

ప్రస్తుతం వర్షాకాలం కావడంతో ఈ ర్యాలీలో పాల్గొనే రైడర్లు మరియు డ్రైవర్లకు పోటీ మరింత కష్టతరం కానుంది. దక్షిణ్ డేర్ ర్యాలీ రోజూ వారి అప్‌డేట్స్ కోసం డ్రైవ్‌స్పార్క్ తెలుగును చూస్తూ ఉండండి...