ఇది మారుతి 800 అంటే నమ్మగలరా...?

అదే విధంగా కన్వర్టిబుల్ కార్ల మార్కెట్ ఇండియాలో అస్సలు లేదు. ఇందుకు కారణం కన్వర్టిబుల్ కార్లను వినియోగించే వాతావరణం లేకపోవడమే. ఓపెన్ టాప్ కార్లను వాడుతున్నపుడు వాతావరణం స్థిరంగా ఉండాలి.

కన్వర్టిబుల్ మరియు పాత మారుతి 800 కలయికలో ఓ కారు కావాలనుకున్నాడు ఢిల్లీకి చెందిన జగ్జీత్ సింగ్. ఆయన ఐడియాకు ప్రతిరూపమే ఈ మోడఫైడ్ మారుతి 800 కన్వర్టిబుల్ స్పోర్ట్స్ కారు. కన్వర్టిబుల్ కార్ల తయారీ కంపెనీలు సైతం ఆశ్చర్యపోయేలా దీనిని మోడిఫై చేశాడు.

జపాన్‌లోని బీట్ కన్వర్టిబుల్ కారు ప్రేరణతో జగ్జీత్ సింగ్ ఈ మారుతి 800 ను మోడిఫై చేశాడు. ముందు వైపున ఫియట్ పాలియో హెడ్ ల్యాంప్స్‌ను చక్కగా ఫ్రంట్ రీడిజైన్ చేయబడిన బంపర్‍‌లో అమర్చాడు. బానెట్ వెనక్కి కాకుండా ముందుకు ఓపెన్ అయ్యేలా మార్చడం జరిగింది.

రియర్ డిజైన్ విషయానికి వస్తే, షెవర్లే స్పార్క్ కారు నుండి సేకరించిన గుండ్రటి ఆకారంలో ఉన్న టెయిల్ ల్యాంప్స్ ఉన్నాయి. రెండు టెయిల్ ల్యాంప్స్‌కు మధ్యలో కల్పించిన డోర్ ద్వారా డిక్కీని యాక్సెస్ చేసుకోవచ్చు.

ఇద్దరు మాత్రమే ప్రయాణించడానికి వీలుగా సీటింగ్ లేవుట్ మార్చేయడం జరిగింది. కన్వర్టిబుల్ కారు రూపంలోకి రావాలి కాబట్టి విచ్చుకునే మరియు క్లోజ్ అయ్యే రిట్రాక్టబుల్ రూఫ్ ఇందులో అందించాడు.

ఇంజన్ నుండి వచ్చే ఉద్గారాలు సులభంగా బయటకు వెళ్లేందుకు రెండు ఫ్రీ ఫ్లో ఎగ్జాస్ట్ పైపులను అందివ్వడం జరిగింది. ఒకే వరుస సీటింగ్, రెండు డోర్లు మాత్రమే ఉన్నాయి. యెల్లో కలర్ బాడీ పెయింట్ స్కీమ్‌లో ఉంది.

ఒకప్పటి మారుతి 800 తో పోల్చుకుంటే, మోడిఫికేషన్ తర్వాత అద్బుతమైన రూపంలో కన్వర్టిబుల్ మారుతి 800కు ఎంత తేడా ఉందో చూడండి. ఎలాంటి మారుతి 800 కారైనా ఈ మొత్తం మోడిఫికేషన్‌కు రూ. 3.5 లక్షలు ఖర్చవుతుందని జెఎస్ డిజైన్స్ తెలిపింది.