సింగల్ ఛార్జింగ్‌తో 547కిమీలు నడిచే కారు: సెప్టెంబర్‌లో ఆవిష్కరించనున్న నిస్సాన్

రెండవ తరానికి చెందిన ఈ లీఫ్ ఎలక్ట్రిక్ కారును మరింత ఏరోడైనమిక్ డిజైన్ లక్షణాలతో రూపొందించడం జరిగింది. దీంతో సింగల్ ఛార్జింగ్‌తో గరిష్టంగా 547కిలోమీటర్ల వరకు ప్రయాణిస్తుందని నిస్సాన్ పేర్కొంది.

Recommended Video

Jeep Compass Launched In India | In Telugu - DriveSpark తెలుగు

టెస్లా కంపెనీ తరహాలో నిస్సాన్ తమ లీఫ్ కారులో విభిన్న బ్యాటరీ ఆప్షన్స్ అందిస్తోంది. అదే విధంగా కొత్త అభివృద్ది చేసిన బ్యాటరీలను కూడా ఎంచుకోవచ్చు.

నిస్సాన్ సెకండ్ జనరేషన్ లీఫ్ ఎలక్ట్రిక్ కారులో నిస్సాన్ వారి ప్రొ పైలట్ పార్క్ టెక్నాలజీ కలదు. ఈ టెక్నాలజీ కెమెరాలు మరియు సెన్సార్ల ద్వారా యాక్సిలరేటర్, బ్రేక్ మరియు స్టీరింగ్‌లను నియంత్రిస్తూ తనంతట తానుగా కారును పార్క్ చేస్తుంది. నిస్సాన్ వారి సింగల్ లేన్ సెమి-అటానమస్ ఫీచర్‌లో భాగంగా ఈ ఫీచర్ అందిస్తున్నారు.

త్వరలో విడుదల కానున్న లీఫ్ ఎలక్ట్రిక్ కారు నిస్సాన్ వారి అత్యాధునిక అటానమస్ కారు. మరియు నిస్సాన్ మైక్రా హ్యాచ్‌బ్యాక్ ఆధారంగా లీఫ్ ఎలక్ట్రిక్ కారును డిజైన్ చేశారు.

డ్రైవ్‌స్పార్క్ తెలుగు అభిప్రాయం!

సరికొత్త లీఫ్ ఎలక్ట్రిక్ కారు సెప్టెంబర్ 6, 2017 న ప్రదర్శనకు రానుంది. 2018 నాటికి నిస్సాన్ లీఫ్ ఎలక్ట్రిక్ కార్లు రోడ్డెక్కనున్నాయి. 2020 నాటికి 20 శాతం ఎలక్ట్రిక్ కార్లను విక్రయించాలనే లక్ష్యాన్ని పెట్టుకుంది.