తరువాత తరం గ్రాండ్ వితారాలో ఆఫ్ రోడింగ్ లక్షణాలు లేవంటున్న సుజుకి

ప్రపంచ వ్యాప్తంగా క్రాసోవర్ వాహనాల మీద డిమాండ్ అధికమవుతున్న నేపథ్యంలో సుజుకి కూడా తమ గ్రాండ్ వితారా ను క్రాసోవర్ తరహాలో ఆన్ రోడ్ లక్షణాలతో అభివృద్ది చేయడానికి సిద్దమవుతోంది.

ఓషియానియా మరియు లాటిన్ అమెరికా సుజుకి జనరల్ మేనేజర్ టకనోరి సుజుకి కార్అడ్వైస్ అనే పత్రికతో మాట్లాడుతూ, సుజుకి ఇప్పుడు నెక్ట్స్ జనరేషన్ గ్రాండ్ వితారాను అభివృద్ది చేస్తున్నట్లు తెలిపాడు. ఇప్పుడు ప్రపంచ వ్యాప్తంగా మృదువైన క్రాసోవర్ వాహనాలకు డిమాండ్ పెరిగిందని ఈ సందర్బంగా తెలియజేసాడు.

సుజుకి మాట్లాడుతూ, ప్రస్తుతం ఉన్న గ్రాండ్ వితారాలో ఎక్కువ ఇంటీరియర్ స్పేస్ తో పాటు మరింత శక్తివంతమైన వాహనంగా అభివృద్ది చేయనుందని, అయితే ఇది నిజమైన ఆఫ్ రోడింగ్ వాహనంలా లేదా గ్రాండ్ వితారా స్టైల్లోనే క్రాసోవర్ తరహాలో వస్తుందా అనేది స్పష్టం చేయలేకపోతున్నాని చెప్పుకొచ్చాడు.

రహదారి అవసరాలను మాత్రమే దృష్టిలో ఉంచుకుని, ఆఫ్ రోడింగ్ లక్షణాలు లేకుండా డిజైన్ మరియు పనితీరు పరంగా క్రాసోవర్ బాటలో ఉండేట్లు సుజుకి యొక్క ఆధునిక అంతర్జాతీయ అర్కిటెక్చర్ వేదిక మీద నెక్ట్స్ జనరేషన్ గ్రాండ్ వితారాను అభివృద్ది చేయనుంది.

కాబట్టి నెక్ట్స్ జనరేషన్ గ్రాండ్ వితారా ప్రస్తుతం లభిస్తున్న మోడల్ శైలిలోనే, అవే శరీర మరియు ఇంజన్ భాగాలతో రూపుదిద్దుకోనుంది. తక్కువ శరీర బరువుతో నిర్మించడం మీద దృష్టిసారిస్తోంది. అయితే వాలు మరియు మెట్ట తలం మీద ఆఫ్ రోడింగ్ వెహికల్‌ పనితీరు ప్రదర్శించలేదు.

ప్రస్తుతం దేశీయంగా అందుబాటులో ఉన్న గ్రాండ్ వితారా 2393సీసీ సామర్థ్యం గల నాలుగు సిలిండర్ల పెట్రోల్ ఇంజన్‌తో అందుబాటులో ఉంది. ఇది గరిష్టంగా 163.5బిహెచ్‌పి పవర్ మరియు 225టార్క్ ఉత్పత్తి చేయును.

మీ నగరంలో మారుతి సుజుకి లోని అన్ని మోడళ్లతో పాటు గ్రాండ్ వితారా ధరలను తెలుకోవడానికి ఇక్కడ క్లిక్ చేయండి....