నిండు గర్భవతి మీదకు దూసుకెళ్లిన కారు: అక్కడిక్కడే మృతి

క్షణాల వ్యవధిలో జరిగిన ఈ సంఘటన ఓ చిన్న కుటుంబాన్ని చిన్నాభిన్నం చేసింది. ఎన్నో ఆశలతో సంతోషంగా వారి కుటుంబంలోకి అనుకోకుండా వచ్చిన అకాల మృత్యువు కడుపులో ఉన్న 8 నెలల శివుతో సహా, భార్యను ఆ కుటుంబానికి దూరం చేసింది.

Recommended Video

[Telugu] Mahindra KUV100 NXT Launched In India - DriveSpark

వివరాల్లోకి వెళితే, నోయిడా సిటీలోని సెక్టారు 18 లో నిశించే జంట మార్కెట్ నుండి ఇంటికి వెళుతున్న సందర్భంలో హోండా సిటి కారు రివర్స్‌లో వచ్చి భార్యభర్తలిద్దరినీ తొక్కేసింది.

ప్రమాద సమాచారాన్ని అందుకున్న పోలీసులు ఇద్దరినీ హుటాహుటిన సెక్టార్ 28లో ఉన్న కైలాష్ హాస్పిటల్‌కు తరలించారు. అయితే, అప్పటికే గర్బవతి మరణించిందని, భర్త పరిస్థితి విషమంగా ఉన్నట్లు పోలీసులు తెలిపారు.

నోయిడాలో నివాసముంటున్న ఈ జంట బారియల్లీ నివాసులను తెలిసింది. ఈ ప్రమాదంలో మృతి చెందిన 8 నెలల గర్భవతి మరికొన్ని కొన్ని రోజుల్లో ప్రసవించనుందని తెలిసింది. అంతలోనే ఈ విషాదం చోటు చేసుకుంది.

ప్రమాద వివరాలు గురించి మాట్లాడుతూ, పార్కింగ్ లాబీలో పనిచేస్తున్న 14 సంవత్సరాల వయసున్న బాలుడు పార్కింగ్ లాట్ నుండి కారును బయటకు తీసే సందర్భంలో కారు వేగాన్ని కంట్రోల్ చేయలేక ఈ ప్రమాదం చేసినట్లు పోలీసుల వెల్లడించారు.

ప్రమాద స్థలిలో ప్రత్యక్ష సాక్షుల కథన మేరకు, పార్కిగ్ లాట్ నుండి 14 ఏళ్ల బాలుడు కారును వేగంగా డ్రైవ్ చేయడంతో అప్పటికే రెండు కార్లను ఢీకొట్టాడు. అయినా కారు వేగం తగ్గలేదు. రోడ్డు మీద ఉన్న జంటను తొక్కుకుంటూ స్తంభాన్ని ఢీకొని ఆగిపోయినట్లు తెలిపారు.

నోయిడా పోలీసు సర్కిల్ ఆఫీసర్ శ్వేతంబర్ మాట్లాడుతూ, ఈ ప్రమాదానికి కారణమైన బాలుడిని అదుపులోకి తీసుకుని, ఈ ఘటన మీద దర్యాప్తు ప్రారంభించినట్లు పేర్కొన్నాడు.