టాటా టియాగో ఆటోమేటిక్ వేరియంట్ల వివరాలు వెల్లడి

టీఎమ్‌బిహెచ్‌పి అనే ఆన్‌లైన్ వార్తా వేదిక ప్రచురించిన కథనం మేరకు టాటా మోటార్స్ యొక్క ప్యాసింజర్ కార్ల డయాగ్నోస్టిక్స్ సాఫ్ట్‌వేర్ (టిడిఎస్) ఆవిష్కరించిన వివరాల ప్రకారం టియాగో ఆటోమేటిక్ ఎక్స్‌టి మరియు ఎక్స్‌జడ్ వేరియంట్లలో మాత్రమే లభించును.

రహస్యంగా లీకయిన ఫోటోను గమనిస్తే, రెండు వేరియంట్లలో కూడా 1.2-లీటర్ సామర్థ్యం ఉన్న రివట్రాన్ పెట్రోల్ ఇంజన్‌కు మాత్రమే పరిమితం అనే విషయం స్పష్టమవుతుంది. భవిష్యత్తులో దీనికి కొనసాగింపుగా డీజల్ హ్యాచ్‌బ్యాక్‌లో ఈ ఏఎమ్‌టి పరిచయం చేసే అవకాశం ఉంది.

ప్రస్తుతం అందిన తాజా సమాచారం మేరకు మ్యాగ్నెట్టి మారెల్లీ సంస్థ యొక్క 5-స్పీడ్ ఆటోమేటిక్ గేర్‌బాక్స‌ను ఉపయోగించుకునే అవకాశం ఉంది.

టాటా టియాగో సంస్థ యొక్క న్యూ జనరేషన్ ఫ్లాట్‌ఫామ్ ఆధారంగా రూపొందించిన మోడల్. ఇది టాటా ఫ్యామిలీలోకి కొత్త వచ్చి చేరిన మూడు సిలిండర్ల పెట్రోల్ మరియు డీజల్ ఇంజన్ వేరియంట్లలో లభించును.

టియాగో ఆటోమేటిక్ పెట్రోల్ వేరియంట్లోని 1.2-లీటర్ సామర్థ్యం ఉన్న రివట్రాన్ మూడు సిలిండర్ల పెట్రోల్ ఇంజన్ గరిష్టంగా 84బిహెచ్‌పి పవర్ మరియు 114ఎన్ఎమ్ గరిష్ట టార్క్ ఉత్పత్తి చేయును.

మ్యాన్యువల్ ట్రాన్స్‌మిషన్ అనుసంధానంతో ఉన్న ఇదే వేరియంట్ లీటర్‌కు 23.84కిలోమీటర్ల మైలేజ్ ఇవ్వగలిగేది. అయితే ఆటోమేటిక్ వేరియంట్ టియాగో యొక్క మైలేజ్ వివరాలు ఇంకా వెల్లడికాలేదు.

టాటా మోటార్స్ ఈ ఏఎమ్‌టి టియాగోను పూర్తి స్థాయి అమ్మకాలకు మార్కెట్లోకి విడుదల చేస్తే ప్రస్తుతం అందుహబాటులో ఉన్న మారుతి సెలెరియో ఆటోమేటిక్ మరియు ఆల్టో కె10 ఆటోమేటిక్ లతో పాటు మరిన్ని ఎంట్రీ లెవల్ ఆటోమేటిక్ కార్లకు గట్టి పోటీనివ్వనుంది.

ధర విషయానికి వస్తే, ప్రస్తుతం ఉన్న టియాగో మ్యాన్యువల్ వేరియంట్ల కన్నా ఆటోమేటిక్ వేరియంట్ల ధరలు రూ. 30,000 నుండి 50,000 ల వరకు ఎక్కువగా ఉండే అవకాశం ఉంది. మొత్తం మీద వీటి ధరలు రూయ 3.4 నుండి 6 లక్షల వరకు ఎక్స్ షోరూమ్ (ఢిల్లీ)గా అందుబాటులో ఉండనున్నాయి.

టాటా మోటార్స్ దేశవ్యాప్తంగా అందుబాటులోకి తెచ్చిన అద్బుతమైన ఎస్‌యూవీ హెక్సా ఫోటోల కోసం క్రింది గ్యాలరీ మీద ఓ లుక్కేసుకోండి...