టాటా టియాగో ఎలక్ట్రిక్ కారు సిద్దమైంది: ఇదిగో సాక్ష్యం....

ఇంగ్లాండులోని మిల్‌బ్రూక్‌లో జరిగిన కార్బన్ ఎమిషన్ వెహికల్స్ ఎగ్జిబిషన్ 2017 వేదిక మీద పూర్తి స్థాయి ఎలక్ట్రిక్ టియాగో హ్యాచ్‌బ్యాక్ కారును ఆవిష్కరించారు. ఇంగ్లాండ్ ఆధారిత టాటా మోటార్స్ మరియు యూరోపియన్ సాంకేతిక విభాగం(TNETC) సంయుక్తంగా ఎలక్ట్రిక్ టియాగోను అభివృద్ది చేశారు.

టాటా టియాగో ఎలక్ట్రిక్ కాన్సెప్ట్‌లో లిక్విడ్ కూల్డ్ 85కిలోవాట్ ఎలక్ట్రిక్ డ్రైవ్ మోటార్ కలదు, ఇది గరిష్టంగా 200ఎన్ఎమ్ టార్క్ ఉత్పత్తి చేస్తుంది. టియాగో ఎలక్ట్రిక్ కేవలం 11 సెకండ్లలోనే 0 నుండి 100కిలోమీటర్ల వేగాన్ని అందుకుంటుంది. మరియు దీని గరిష్ట వేగం 135కిలోమీటర్లు నమోదైంది.

Recommended Video - Watch Now!

Tata Tiago XTA AMT Variant Launched In India | In Telugu - DriveSpark తెలుగు

ఇంధనంతో నడిచే ఇంజన్ తొలగించి, ఎలక్ట్రిక్ మోటార్ అందివ్వడంతో టియాగో మొత్తం బరువుతో పోల్చితే టియాగో ఎలక్ట్రిక్ కాన్సెప్ట్ 20 కిలోలు తక్కువ బరువును కలిగి ఉంది. టియాగో ఎలక్ట్రిక్ మొత్తం బరువు 1,040కిలోలుగా ఉంది.

టాటా టియాగో ఎలక్ట్రిక్ కాన్సెప్ట్ సింగల్ ఛార్జింగ్‌తో 100కిలోమీటర్ల వరకు నిరంతరాయంగా ప్రయాణిస్తుంది. టియాగో హ్యాచ్‌బ్యాక్‌కు ఇండియాలో మంచి ఆదరణ లభిస్తోంది. గడిచిన ఆగష్టు 2017 లో 7,000 యూనిట్ల టియాగో కార్లు అమ్ముడుపోయాయి. టియాగో ఎలక్ట్రిక్ విడుదలైతే ఇదే తరహా విజయం సాధ్యమయ్యే అవకాశం ఉంది.

తక్కువ ఖర్చుతో ఉత్పత్తి చేసేలా సరికొత్త ఫ్లాట్‌ఫామ్ మీద టియాగో కారును అభివృద్ది చేసింది. దీంతో ఇటు కన్వెన్షనల్ ఇంజన్(పెట్రోల్ లేదా డీజల్) లేదా ఎలక్ట్రిక్ ఏ వెర్షన్‌లోనైనా టియాగోను తక్కువ ఖర్చుతో ఉత్పత్తి చేసే అవకాశం ఉంది. కాబట్టి టియాగో ఎలక్ట్రిక్ కారు అత్యంత సరసమైన ధరలోనే లభ్యం కానుంది.

డ్రైవ్‌స్పార్క్ తెలుగు అభిప్రాయం!

టాటా మోటార్స్ లైనప్‌లో టియాగో మంచి సక్సెస్ అందుకుంది. టియాగో ఎలక్ట్రిక్ వెర్షన్‌లో విడుదలైతే, టాటా నుండి వచ్చే మరో సక్సెస్‌ఫుల్ మోడల్‌ అని చెప్పవచ్చు. మరిన్ని తాజా ఆటోమొబైల్ వార్తల కోసం డ్రైవ్‌స్పార్క్ తెలుగుతో కలిసి ఉండండి...