ఇండియాలో మొట్టమొదటి సారిగా డీజిల్ హోం డెలివరీ సర్వీస్ ప్రారంభించిన ఐఒసి

ఇండియాలో మొట్టమొదటి సారిగా డీజిల్ హోం డెలివరీ సర్వీసును దేశీయ చమురు దిగ్గజ సంస్థ ఇండియన్ ఆయిల్ కార్పోరేష్(IOC) పూనేలో ప్రారంభించింది. ఈ డీజిల్ హోం డెలివరీ సర్వీసును పెట్రోలియం మరియు పేళుడు పదార్థాల భద్రతా సంస్థ(PESO) ఆమోదించింది.

పూనేతో పాటు దేశవ్యాప్తంగా ఉన్న అన్ని ముఖ్య పట్టణాలకు ఈ సేవలను విస్తరించే పనిలో ఉంది. ప్రస్తుతం, ఈ డీజిల్ హోం డెలివరీ సర్వీసులు మే 2018 నుండి పూర్తి స్థాయిలో అందుబాటులోకి రానున్నాయి. త్వరలో పెట్రోల్ హోం డెలివరీ సర్వీసులను కూడా ప్రారంభించడానికి సన్నాహాలు చేస్తున్నట్లు ఐఒసి సీనియర్ అధికారి వెల్లడించాడు.

Recommended Video

Horrific Footage Of Volkswagen Polo Exploding At A CNG Filling Station

ఇండియన్ ఆయిల్ కార్పోరేషన్ ఛైర్మెన్ మరియు మేనేజింగ్ డైరెక్టర్ సంజీవ్ సింగ్ మాట్లాడుతూ, "పెట్రోల్‌తో పోల్చుకుంటే డీజిల్ రవాణా, డెలివరీ మరియు నిర్వహణ చాలా సులభం. అంతే కాకుండా డీజిల్‌తో నడిచే వాహనాల సంఖ్య అధికంగా ఉండటం మరియు ఎక్కువ సంఖ్యలో ఉన్న కమర్షియల్ వెహికల్స్ అన్నింటికీ డీజిల్ అసరం అధికంగా ఉంటుంది కాబట్టి తొలుత డీజిల్ హోం డెలివరీ సర్వీసులను ప్రారంభించినట్లు" పేర్కొన్నాడు.

డీజిల్ హోం డెలివరీ చేసే ఇండియన్ ఆయిల్ ఫ్యూయల్ ట్రక్కు నిజంగా చక్రాల మీద కదిలే ఫ్యూయల్ స్టేషన్ లాంటిదని చెప్పవచ్చు. రద్దీ సమయంలో పెట్రోల్ స్టేషన్ల వద్ద బారులు తీరకుండా మరియు మారు మూలప్రదేశాలకు డీజిల్ పొందే అవకాశాన్ని కల్పించడంలో ఈ సర్వీసులు ఎంతగానో ఉపయోగపడనున్నాయి.