ఇండియన్ ఎక్స్‌పో 2018: ఐ20 యాక్టివ్ ఫేస్‌లిఫ్ట్ సిద్దం చేసిన హ్యుందాయ్

ఇప్పుడు హ్యుందాయ్ తమ ఐ20 యాక్టివ్ క్రాసోవర్‌ను అప్‌డేట్ చేయాల్సిన సమయం ఆసన్నమైంది. అతి త్వరలో ఢిల్లీలో ప్రారంభం కానున్న 2018 ఇండియన్ ఆటో ఎక్స్‌పో వేదిక మీద తమ సరికొత్త అప్‌డేటెడ్ వెర్షన్ ఐ20 యాక్టివ్ ఫేస్‌లిఫ్ట్ వెర్షన్‌ను ఆవిష్కరించడానికి ఏర్పాట్లు పూర్తి చేసుకుంది.

తాజాగా అందిన రిపోర్ట్స్ ప్రకారం, ఈ ఏడాదిలో మరో వారం రోజుల్లో మొదలయ్యే వాహన ప్రదర్శనలో ఆవిష్కరించిన అనంతరం, వెంటనే విపణిలోకి పూర్తి స్థాయిలో విడుదల చేయడానికి సన్నద్దమైంది.

తాజాగా అందిన రిపోర్ట్స్ ప్రకారం, ఈ ఏడాదిలో మరో వారం రోజుల్లో మొదలయ్యే వాహన ప్రదర్శనలో ఆవిష్కరించిన అనంతరం, వెంటనే విపణిలోకి పూర్తి స్థాయిలో విడుదల చేయడానికి సన్నద్దమైంది.

ఫేస్‌లిఫ్ట్ వెర్షన్‌లో పరిచయం చేయాలని చూస్తున్న ఐ20 యాక్టివ్‌ నిజానికి ఐ20 హ్యాచ్‌బ్యాక్ ఆధారిత మోడల్. అవే డిజైన్ లక్షణాలను పోలి ఉన్నప్పటికీ, క్రాసోవర్ తరహా రూఫ్ రెయిల్స్, స్కిడ్ ప్లేట్లు, బాడీ చుట్టూ ప్లాస్టిక్ క్లాడింగ్ మరియు అధిక గ్రౌండ్ క్లియరెన్స్ వంటివి ఇందులో ప్రత్యేకంగా రానున్నాయి.

హ్యుందాయ్ ఐ20 యాక్టివ్ ఫేస్‌లిఫ్ట్ ఫ్రంట్ డిజైన్‌లో సరికొత్త చతుర్భుజాకారంలో ఉన్న బ్లాక్ హనీకాంబ్ మెష్ ఫ్రంట్ గ్రిల్, స్వెప్ట్‌‌బ్యాక్ హెడ్ ల్యాంప్స్, పగటి పూట వెలిగే ఎల్ఇడి ల్యాంప్స్, ఫాగ్ ల్యాంప్స్ మరియు సరికొత్త అల్లాయ్ వీల్స్ రానున్నాయి.

ఇంటీరియర్‌లో అత్యంత కీలకమైన మార్పులు జరగనున్నాయి. ఐ20 యాక్టివ్ ఫేస్‌లిఫ్ట్ ఇంటీరియర్‌లో ఆపిల్ కార్‌‌ప్లే, ఆండ్రాయిడ్ ఆటో మరియు మిర్రర్ లింక్ అప్లికేషన్లను సపోర్ట్ చేయగల పెద్ద పరిమాణంలో ఉన్న టచ్ స్క్రీన్ ఇన్ఫోటైన్‌మెంట్ సిస్టమ్ ఇంకా ఎన్నో ఫీచర్లు అప్‌గ్రేడ్ అయ్యే అవకాశాలు ఉన్నాయ.

సాంకేతికంగా రెగ్యులర్ ఐ20 హ్యాచ్‌బ్యాక్‌లో ఉన్న అవే పెట్రోల్ మరియు డీజల్ ఇంజన్‌లు ఐ20 యాక్టివ్ ఫేస్‌లిఫ్ట్‌లో వస్తున్నాయి. ఇందులోని 1.2-లీటర్ కెపాసిటి గల పెట్రోల్ ఇంజన్ 82బిహెచ్‌పి పవర్ మరియు 115ఎన్ఎమ్ టార్క్ మరియు 1.4-లీటర్ డీజల్ ఇంజన్ 89బిహెచ్‌పి పవర్ మరియు 220ఎన్ఎమ్ టార్క్ ప్రొడ్యూస్ చేస్తుంది.

ట్రాన్స్‌మిషన్ పరంగా చూసుకున్నప్పటికీ, అవే గేర్‌బాక్సులు ఇందులో రానున్నాయి. పెట్రోల్ ఇంజన్ 5-స్పీడ్ మ్యాన్యువల్ గేర్‌బాక్స్ మరియు డీజల్ ఇంజన్ వెర్షన్ 6-స్పీడ్ ఆటోమేటిక్ గేర్‌బాక్స్ అనుసంధానంతో వస్తున్నాయి. అయితే, ఆటోమేటిక్ ట్రాన్స్‌మిషన్ పరంగా ఎలాంటి సమాచారం లేదు.

డ్రైవ్‌స్పార్క్ తెలుగు అభిప్రాయం!

హ్యుందాయ్ మోటార్స్ తమ ఐ20 యాక్టివ్ ఫేస్‍‌లిఫ్ట్ క్రాసోవర్ హ్యాచ్‌బ్యాక్‌ను 2018 ఇండియన్ ఆటో ఎక్స్‌పోలో ఆవిష్కరించాలని ముందే ప్లాన్ చేసుకుంది. అయితే, అనూహ్యంగా ఫోర్డ్ తమ ఫ్రీస్టైల్ క్రాసోవర్‌ను తాజాగా ఆవిష్కరించి ఈ సెగ్మెంట్లో వేడిని మరింత రాజేసింది.

ఫోర్డ్ ఫ్రీస్టైల్ క్రాసోవర్‌ను 1.2-లీటర్ పెట్రోల్ మరియు 1.5-లీటర్ డీజల్ ఇంజన్ వెర్షన్‌లో ఆవిష్కరించింది. దీనికి గట్టి పోటీగా వస్తున్న హ్యుందాయ్ ఐ20 ఫేస్‌లిఫ్ట్ వివిధ వేరియంట్ల ఆధారంగా రూ. 7 లక్షల నుండి రూ. 10 లక్షల మధ్య ధరతో విడుదలయ్యే అవకాశం ఉంది.

ఫిబ్రవరి 7 నుండి 14 వరకు ఢిల్లీలో జరిగే ఆటో ఎక్స్‌పో అన్ని అప్‌డేట్స్ కోసం డ్రైవ్‌స్పార్క్తెలుగుతో కలిసి ఉండండి

Trending DriveSpark Telugu YouTube Videos

Subscribe To DriveSpark Telugu YouTube Channel - Click Here