హ్యుందాయ్ ఆటకట్టించేందుకు వోక్స్‌వ్యాగన్ భారీ ప్లాన్

Written By:

వోక్స్‌వ్యాగన్ సరికొత్త కాంపాక్ట్ ఎస్‌యూవీ టి-క్రాస్ టీజర్ ఫోటోను రివీల్ చేసింది. సరిగ్గా చెప్పాలంటే హ్యుందాయ్ క్రెటా పోటీ. వోక్స్‌వ్యాన్ టి-క్రాస్ ఎస్‌యూవీని తొలుత 2016 జెనీవా మోటార్ షోలో ఆవిష్కరించింది. ఇప్పుడు దీనిని ఇండియన్ మార్కెట్లోకి అత్యంత సరసమైన కాంపాక్ట్ ఎస్‌యూవీగా ప్రవేశపెట్టేందుకు వోక్స్‌వ్యాగన్ సిద్దమవుతోంది.

వోక్స్‌వ్యాగన్ టి-క్రాస్ కాంపాక్ట్ ఎస్‌యూవీ

చిత్రీకరించిన టి-క్రాస్ ఎస్‌యూవీ ఫోటోలను పరిశీలిస్తే వోక్స్‌వ్యాగన్ నూతన డిజైన్ ఫిలాసఫీ ఆధారంగా రూపొందించిన 5-సీటర్ కాంపాక్ట్ ఎస్‌యూవీ అని స్పష్టంగా తెలుస్తోంది. హెడ్ ల్యాంప్స్ క్రోమ్ హారిజంటల్ స్లాట్ గ్రిల్‌లోకి కలిసిపోయాయి. అంతే కాకుండా ఫాగ్ ల్యాంప్స్ జోడింపు గల ఫ్రంట్ స్కిడ్ ప్లేట్ ఉంది.

వోక్స్‌వ్యాగన్ టి-క్రాస్ కాంపాక్ట్ ఎస్‌యూవీ

వోక్స్‌వ్యాగన్ టి-క్రాస్ సైడ్ ప్రొఫైల్ విషయానికి వస్తే, ఇతర వోక్స్‌వ్యాగన్ ఎస్‌యూవీల తరహాలోనే పదునైన గీతలు మరియు అతి తక్కువ మలుపులతో చాలా చక్కగా ఉంటుంది. ప్రొడక్షన్ వెర్షన్ వోక్స్‌వ్యాగన్ టి-క్రాస్ ఖచ్చితంగా చిన్న అల్లాయ్ వీల్స్‌తో రానుంది. బహుశా 16-అంగుళాల అల్లాయ్ వీల్స్‌తో రావచ్చు.

వోక్స్‌వ్యాగన్ టి-క్రాస్ కాంపాక్ట్ ఎస్‌యూవీ

వోక్స్‌వ్యాగన్ టి-క్రాస్ రియర్ డిజైన్‌లో, అధునాతన ఎల్ఈడీ టెయిల్ ల్యాంప్స్, ముందు వైపు అందించిన తరహాలోనే ఉన్న రియర్ స్కిడ్ ప్లేట్ మరియు రియర్ మిర్రర్ పై భాగంలో పొట్టిగా ఉన్న పలుచటి స్పాయిలర్ వంటివి డిజైన్ ఎలిమెంట్లు ఉన్నాయి.

వోక్స్‌వ్యాగన్ టి-క్రాస్ కాంపాక్ట్ ఎస్‌యూవీ

వోక్స్‌వ్యాగన్ మేరకు, టి-క్రాస్ కాంపాక్ట్ ఎస్‌యూవీ పొడవు 4,107ఎమ్ఎమ్, ఇది హ్యుందాయ్ క్రెటా (4270ఎమ్ఎమ్) కంటే తక్కువగా మరియు ఫోర్డ్ ఇకోస్పోర్ట్ (3998ఎమ్ఎమ్) కంటే కాస్త ఎక్కువగా ఉంది. అంతే కాకుండా, వోక్స్‌వ్యాగన్ పోలో కంటే కేవలం 54ఎమ్ఎమ్ పొడవుగా ఉంటుంది.

వోక్స్‌వ్యాగన్ టి-క్రాస్ కాంపాక్ట్ ఎస్‌యూవీ

వోక్స్‌వ్యాగన్ టి-క్రాస్ కాంపాక్ట్ ఎస్‌యూవీని పూర్తి స్థాయిలో కంపెనీ యొక్క ఎమ్‌క్యూబీ ఫ్లాట్‌ఫామ్ మీద నిర్మిస్తోంది. ఏదేమైనప్పటికీ, ఈ ఎస్‌యూవీ 1.2-లీటర్ టుర్భోఛార్జ్‌డ్ పెట్రోల్ మరియు 1.5-లీటర్ డీజల్ ఇంజన్‌తో రానుంది. టి-క్రాస్ ఎస్‌యూవీకి అనుగుణంగా పనితీరులో మార్పులు చేసిన ఈ ఇంజన్‌లను 5-స్పీడ్ మ్యాన్యువల్ మరియు 7-స్పీడ్ డీఎస్‌జి ఆటోమేటిక్ గేర్‌బాక్స్ అనుసంధానంతో పరిచయం చేయనుంది.

వోక్స్‌వ్యాగన్ టి-క్రాస్ కాంపాక్ట్ ఎస్‌యూవీ

రిపోర్ట్స్ నుండి అందుతున్న సమాచారం మేరకు, వోక్స్‌వ్యాగన్ టి-క్రాస్ ఖచ్చితంగా ఫ్రంట్-వీల్ డ్రైవ్ సిస్టమ్‌లో మాత్రమే లభించనుంది. అయితే, బహుశా అంతర్జాతీయ విపణిలో ఆల్-వీల్ డ్రైవ్ వేరియంట్ పరిచయం అయ్యే అవకాశం ఉంది.

వోక్స్‌వ్యాగన్ టి-క్రాస్ కాంపాక్ట్ ఎస్‌యూవీ

ఇండియన్ మార్కెట్లో టి-క్రాస్ కాంపాక్ట్ ఎస్‌యూవీ విడుదల గురించి ఎలాంటి సమాచారం లేదు. కానీ ఈ ఏడాదిలో అంతర్జాతీయ ఆవిష్కరణ జరిగే అవకాశాలు ఉన్నాయి. కొలతల పరంగా కాస్త అటుఇటుగా ఉన్నప్పటికీ, ఇండియన్ మార్కెట్లోని కాంపాక్ట్ ఎస్‌యూవీ సెగ్మెంట్లోకి తన ఎంట్రీ ఇవ్వడం ఖాయం.

డ్రైవ్‌స్పార్క్ తెలుగు అభిప్రాయం!

ఇండియాలో అత్యంత విజయవంతమైన విభాగం కాంపాక్ట్ ఎస్‌యూవీ సెగ్మెంట్ - వోక్స్‌వ్యాగన్ ఇండియా ఇప్పటి వరకు దేశీయ కాంపాక్ట్ ఎస్‌యూవీ విభాగంలో బలమైన పోటీని ప్రవేశపెట్టలేకపోయింది. ఈ నేపథ్యంలో అధిక సంఖ్యలో విక్రయాలు జరిపేందుకు వోక్స్‌వ్యాగన్ తమ టి-క్రాస్ సబ్-ఫోర్-మీటర్ ఎస్‌యూవీని అత్యంత సరసమైన ధరలో ప్రవేశపెట్టేందుకు సన్నద్దమవుతోంది.

English summary
Read In Telugu: New Volkswagen T-Cross Compact-SUV Teased: Rivals The Hyundai Creta
Story first published: Thursday, July 5, 2018, 13:40 [IST]

Latest Photos

డ్రైవ్స్పార్క్ నుండి తాజా ఆటో అప్డేట్స్ పొందండి
Telugu Drivespark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more