పూనేలో ఆడి స్టేట్ ఆఫ్ ఆర్ట్ ఫెసిలిటీ ప్రారంభం; ప్రత్యేకతలు

కస్టమర్ల అంచనాలకు అనుగుణంగా, ఆడి తమ అధునాతన సర్వీస్ సెంటర్‌లో అగ్రశ్రేణి పరికరాలు, సాధనాలు మరియు సాంకేతికతలను ఉపయోగించనుంది.

ఆడి ప్రారంభించిన ఈ స్టేట్ ఆఫ్ ది ఆర్ట్ సర్వీస్ సెంటర్లో మెకానికల్ జాబ్స్ కోసం 12 వర్క్ బేలు మరియు బాడీ రిపేర్ జాబ్స్ కోసం ఏడు వర్క్ బేలు ఉన్నాయి. ఇంకా ఇక్కడ పెయింట్ బూత్, వీల్ అలైన్‌మెంట్ మరియు బ్యాలెన్సింగ్ బే కూడా కలిగి ఉంటుంది. పిఎమ్‌జిఆర్ వర్క్‌షాప్, బాడీ షాప్ మరియు స్టాక్‌యార్డ్ అన్నీ ఒకే రూఫ్ క్రింద ఉంటాయి.

ఆడి ఇండియా కస్టమర్లు సర్వీస్ అపాయింట్‌మెంట్ బుక్ చేసుకోవటం కోసం ఈ నంబర్‌కు కాల్ చేయవచ్చు: + 91- 86696 11118 లేదా ఆడి ఇండియా అధికారిక వెబ్‌సైట్‌ను కూడా సందర్శించవచ్చు లేదా కారు సౌలభ్యం ప్రకారం కారు పికప్ మరియు డ్రాప్ చేయడానికి ‘మై ఆడి కనెక్ట్' యాప్‌ను యాక్సెస్ చేయవచ్చు.

దేశంలో కోవిడ్-19 మహమ్మారి ఇంకా ముగియలేదు. ఈ నేపథ్యంలో కస్టమర్ మరియు సిబ్బందిని సురక్షితంగా ఉంచడానికి ఆడి ఇండియా అన్ని నియమ నిబంధనలను అనుసరిస్తోంది. పూణేలోని సర్వీస్ సెంటర్లో అన్ని యాక్సెస్ పాయింట్లను సిబ్బంది రోజుకు రెండుసార్లు శుభ్రపరుస్తున్నట్లు కంపెనీ తెలిపింది. అంతేకాకుండా, డెలివరీకి సిద్ధంగా ఉన్న మరియు శుభ్రపరచబడిన అన్ని కార్లు మృదువైన స్టిక్కర్లతో గుర్తించబడతాయి మరియు కాంటాక్ట్‌లెస్ డాక్యుమెంటేషన్ ద్వారా ప్రాసెస్ చేయబడతాయి.

ఈ విషయంపై ఆడి ఇండియా హెడ్ బల్బీర్ సింగ్ థిల్లాన్ మాట్లాడుతూ, "కస్టమర్-సెంట్రిసిటీపై మా దృష్టిలో భాగంగా, వారికి అద్భుతమైన సేవా అనుభవాలను అందించడానికి అనుగుణంగా, పూణేలోని కొత్త సర్వీస్ సెంటర్‌ను మా భాగస్వామి జూబిలెంట్ మోటారువర్క్స్‌తో ప్రారంభించినందుకు సంతోషంగా ఉంది. ఆడి ఇండియాతో పాటు మొత్తం లగ్జరీ కార్ల పరిశ్రమకు పూణే ఒక ముఖ్యమైన మార్కెట్. ఒక బ్రాండ్‌గా, మా అమ్మకాలు మరియు సేవా అడుగుజాడలను విస్తృతం చేయడానికి మేము కట్టుబడి ఉన్నాము, తద్వారా నెట్‌వర్క్ పరంగా అదనపు టచ్‌పాయింట్‌లను సృష్టించడం మరియు వాటిని వినియోగదారులకు చేరువ చేయటమే మా ప్రధాన లక్ష్యం. గత కొన్ని వారాలుగా మేము ఆఫ్టర్ సేల్స్ కార్యకలాపాలలో స్థిరమైన పెరుగుదలను చూశాము. దీన్ని దృష్టిలో ఉంచుకుని, సమగ్ర పరిష్కారాలను అందించడానికి కేవలం 3 నెలల్లోనే అన్నీ సేవలు ఒకేచోట అందేలా ఈ అధునాతన సర్వీస్ సెంటర్‌ను పూర్తిచేశామని" అన్నారు.

పూనేలో ఆడి స్టేట్ ఆఫ్ ఆర్ట్ ఫెసిలిటీ ప్రారంభంపై డ్రైవ్‌స్పార్క్ అభిప్రాయం.

పూనేలో ఆడి ఇండియా ప్రారంభించిన ఈ అధునాతన సర్వీస్ సెంటర్లో కేవలం ఒక్క రోజులోనే చాలా కార్లను సర్వీస్ చేయగల సామర్థ్యం ఉంది. కస్టమర్లు కేవలం సర్వీస్ అపాయింట్‌మెంట్ బుక్ చేసుకుంటే చాలు, మిగిలినదంతా ఆడి చూసుకుంటుంది. కస్టమర్ ఇంటి వద్ద నుండి వాహనాన్ని పిక్-అప్ చేసుకోవటం నుండి తిరిగి అదే వాహనాన్ని కస్టమర్‌కు చేరే వరకూ ఆడి ఇండియా జాగ్రత్తలు తీసుకుంటుంది.