థార్ ఎస్‌యూవీ డెలివరీలు స్టార్ట్ చేసిన మహీంద్రా

మహీంద్రా థార్ యొక్క మొదటి యూనిట్ ఆకాష్ మిండాకు కేటాయించబడింది. కొనసాగుతున్న కోవిడ్ -19 మహమ్మారి నుండి దేశం కోలుకోవడానికి సహాయపడే సంస్థలకు నిధుల సేకరణకు సహాయపడటానికి # 1 థార్ 1.1 కోట్లకు వేలం వేయబడింది. మిస్టర్ మిండా ఎంపిక ప్రకారం మొత్తం 2.2 కోట్లు స్వెడ్స్ ఫౌండేషన్‌కు విరాళంగా ఇవ్వబడతాయి.

మహీంద్రా థార్ ధర దేశీయ మార్కెట్లో రూ. 9.80 లక్షలు. మహీంద్రా థార్ రెండు ట్రిమ్స్ ఎఎక్స్ మరియు ఎల్ఎక్స్ మరియు మూడు రూఫ్ ఆప్షన్లతో లాంచ్ చేయబడింది, కంపెనీ దీనికి మొదటిసారిగా హార్డ్ టాప్ అమర్చారు.

2020 మహీంద్రా థార్ టాప్ వేరియంట్ ధర రూ. 12 .95 లక్షలు (ఎక్స్-షోరూమ్). మహీంద్రా థార్ బుకింగ్ చేసే కస్టమర్లలో సుమారు 57 శాతం మంది మొదటిసారిగా కార్లను కొనుగోలు చేస్తున్నారు, ఇందులో కూడా థార్ యొక్క ఆటోమేటిక్ వేరియంట్ ఎక్కువ బుక్ చేయబడింది.

మహీంద్రా థార్‌లో 2.0 లీటర్ పెట్రోల్, 2.2 లీటర్ డీజిల్ ఇంజన్లతో సహా కొత్త పెట్రోల్, డీజిల్ ఇంజన్లు ఉపయోగించబడ్డాయి. పెట్రోల్ ఇంజన్ 150 బిహెచ్‌పి పవర్ మరియు 320 ఎన్ఎమ్ టార్క్ ఇస్తుండగా, డీజిల్ ఇంజన్ 130 బిహెచ్‌పి పవర్ మరియు 350 ఎన్ఎమ్ టార్క్ ఉత్పత్తి చేస్తుంది. ఇది కొత్త 6-స్పీడ్ మాన్యువల్ మరియు టార్క్ కన్వర్టర్ ఆటోమేటిక్ గేర్‌బాక్స్ కలిగి ఉంది.

ఈ ఆఫ్-రోడ్ ఎస్‌యూవీకి 226 మి.మీ గ్రౌండ్ క్లియరెన్స్ ఇవ్వబడింది. ఇది 6 సీట్ల ఎంపికలో లభిస్తుంది. 2020 థార్ లోపల గమయించినట్లైతే ఇందులో కొత్త రూఫ్ మౌంటెడ్ స్పీకర్, కొత్త టచ్‌స్క్రీన్ ఇన్ఫోటైన్‌మెంట్ సిస్టమ్ ఉంది, ఇది ఆన్-రోడ్ మరియు ఆఫ్-రోడ్ యొక్క రియల్ టైమ్ స్టేటస్ చూపుతుంది.

దీనితో పాటు, ఫిక్స్‌డ్ సాఫ్ట్ టాప్, డ్యూయల్ ఎయిర్‌బ్యాగ్స్, ఎబిఎస్, రియర్ పార్కింగ్ అసిస్ట్‌లు స్టాండర్డ్ గా ఇవ్వబడ్డాయి. తొలిసారిగా థార్ పెట్రోల్, ఆటోమేటిక్ గేర్‌బాక్స్ ఆప్షన్లలో అందుబాటులోకి వస్తుంది. ఇందులో ఫోర్ వీల్ డ్రైవ్ స్టాండర్డ్ గా ఇవ్వబడుతుంది.

మహీంద్రా థార్ ప్రస్తుతం తన విభాగంలో ఉన్న ఏకైక వాహనం, ఇది చాలా మార్పులతో తీసుకురాబడింది, దీని వలన మంచి బుకింగ్స్ వస్తున్నాయి. ఎక్కువమంది ఇష్టపడుతున్న వాహనాలలో మహీంద్రా థార్ ఒకటి. ఇది దేశీయ మార్కెట్లో లాంచ్ అయినా అతి తక్కువ కాలంలో ఎక్కువమందిని ఆకర్షించింది.