కొత్త మారుతి సుజుకి స్విఫ్ట్ లిమిటెడ్ ఎడిషన్ లాంచ్ : ధర & ఇతర వివరాలు

మారుతి స్విఫ్ట్ లిమిటెడ్-ఎడిషన్ ఎల్ఎక్స్ఐ, విఎక్స్ఐ, విఎక్స్ఐ ఏఎంటి, జెడ్ఎక్స్ఐ, జెడ్ఎక్స్ఐ ఏఎంటి, జెడ్ఎక్స్ఐ ప్లస్ మరియు జెడ్ఎక్స్ఐ ప్లస్ ఏఎంటి అనే వేరియంట్లలో అందుబాటులో ఉంది. ఈ ఎడిషన్ హ్యాచ్‌బ్యాక్ ధరలు రూ. 5.44 లక్షల నుంచి రూ. 8.27 లక్షల వరకు ఉంటాయి [ఎక్స్-షోరూమ్,ఢిల్లీ].

కొత్త మారుతి సుజుకి స్విఫ్ట్ లిమిటెడ్ ఎడిషన్‌ అనేక కాస్మొటిక్ చేంజెస్ కలిగి ఉంటుంది. ఎక్స్టీరియర్స్ మాత్రమే కాకుండా ఇంటీరియర్స్ కూడా కొంత నవీనీకరించబడింది. ఇందులో జరిగిన అప్డేట్స్ మనం గణనించినట్లైతే గ్లోస్-బ్లాక్ బాడీ కిట్ సైడ్ మోల్డింగ్, డోర్ విజర్ మరియు రియర్ స్పాయిలర్ వంటివి ఉన్నాయి.

ఫ్రంట్ గ్రిల్, ఫాగ్ లాంప్స్ మరియు టైల్లైట్స్‌పై గ్లోస్-బ్లాక్ గార్నిష్‌తో హ్యాచ్‌బ్యాక్ వస్తుంది. స్టాండర్డ్ ఎడిషన్ హ్యాచ్‌బ్యాక్ యొక్క ఇంటీరియర్‌లలో ఇప్పుడు బ్లాక్ సీట్ కవర్లు ఉన్నాయి. ఇవి స్పోర్టి ఫ్లాట్-బాటమ్ స్టీరింగ్ వీల్ మరియు రౌండ్ డయల్‌లకు సరిపోతాయి.

ఈ మార్పులు కాకుండా ఇందులో ఇతర మార్పులు లేవు. ఈ కొత్త హ్యాచ్‌బ్యాక్ దాని స్టాండర్డ్ వేరియంట్ల నుండి అన్ని ఫీచర్స్ కలిగి ఉంటుంది.

ఇందులో ఉన్న స్టాండర్డ్ ఫీచర్స్ గమనించినట్లయితే ఎల్‌ఈడీ హెడ్‌ల్యాంప్‌లు, 15 ఇంచెస్ అల్లాయ్ వీల్స్, మల్టీఫంక్షన్ స్టీరింగ్ వీల్, 7 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్, మారుతి సుజుకి ఆపిల్ కార్ప్లే మరియు ఆండ్రాయిడ్ ఆటోతో కూడిన 'స్మార్ట్‌ప్లే స్టూడియో', ఆటోమేటిక్ క్లైమేట్ కంట్రోల్ వంటివి ఉన్నాయి.

కొత్త లిమిటెడ్ ఎడిషన్ హ్యాచ్‌బ్యాక్ 1.2-లీటర్ ఫోర్ సిలిండర్ల పెట్రోల్ ఇంజన్ కలిగి ఉంటుంది. ఇది 82 బిహెచ్‌పి మరియు 113 న్యూటన్ మీటర్ పీక్ టార్క్ ఉత్పత్తి చేస్తుంది మరియు ఇది 5-స్పీడ్ మాన్యువల్ గేర్‌బాక్స్‌తో జతచేయబడుతుంది. హయ్యర్ వేరియంట్లు అప్సనల్ AMT ట్రాన్స్మిషన్ యూనిట్ తో కూడా వస్తాయి.

డ్రైవ్‌స్పార్క్ అభిప్రాయం:

మారుతి సుజుకి తన స్విఫ్ట్ లిమిటెడ్ ఎడిషన్ మోడల్‌ను దేశీయ మార్కెట్లో పండుగ సీజన్‌కు ముందే ప్రవేశపెట్టారు. స్విఫ్ట్‌లోని కొత్త లిమిటెడ్ ఎడిషన్ హ్యాచ్‌బ్యాక్ అమ్మకాలను పెంచడానికి మరింత సహాయపడుతుంది. ఇప్పటికే భారత మార్కెట్లో మారుతి స్విఫ్ట్ అత్యధిక అమ్మకాలను సాగించింది.