అందరిని ఆకర్షిస్తున్న కొత్త హ్యుందాయ్ ఐ20 టాప్ 5 ఫీచర్స్, ఇవే

1) ఎల్ఇడి హెడ్‌ల్యాంప్స్ మరియు టెయిల్ లాంప్స్ :

కొత్త ఐ 20 యొక్క ఫ్రంట్ ఫాసియా బ్లాక్ క్యాస్కేడింగ్ గ్రిల్‌లో పునఃరూపకల్పన చేసిన ఎల్‌ఇడి ప్రొజెక్టర్ హెడ్‌ల్యాంప్స్‌తో ఇంటిగ్రేటెడ్ ఎల్‌ఇడి డిఆర్‌ఎల్‌లతో స్టైలిష్‌గా కనిపిస్తుంది. ఇందులో చిన్న వృత్తాకార ఫాగ్ లైట్స్ కూడా LED ట్రీట్మెంట్ పొందుతాయి. హ్యుందాయ్ ఐ 20 యొక్క వెనుక చివరలో Z ఆకారంలో ఉన్న ఎల్‌ఈడీ ఎలిమెంట్‌ను కలిగి ఉన్న సొగసైన టైల్లైట్ యూనిట్ లభిస్తుంది.

2) డిజిటల్ ఇన్స్ట్రుమెంట్ క్లస్టర్:

ఐ 20 డిజిటల్ ఇన్స్ట్రుమెంట్ క్లస్టర్ ను కలిగి ఉంటుంది. ఇందులోని టాకోమీటర్ యాంటీ క్లాక్ వైస్ లో తిరుగుతుంది. దీని మధ్యభాగంలో ఒక MID స్క్రీన్ ఉంది, ఇది వాహనదారునికి ఎక్కువ సమాచారాన్ని అందిస్తుంది మరియు టర్న్-బై-టర్న్ నావిగేషన్‌కు కూడా మద్దతు ఇస్తుంది.

3) 10.25 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్ :

సెంటర్ స్టేజ్ 10.25 ఇంచెస్ ఫ్లోటింగ్ ఇన్ఫోటైన్‌మెంట్ సిస్టమ్ కలిగి ఉంటుంది. ఇది ఆపిల్ కార్ప్లే మరియు ఆండ్రాయిడ్ ఆటో కనెక్టివిటీ, నావిగేషన్ మరియు రియర్ పార్కింగ్ కెమెరాను పొందుతుంది.

4) బోస్ సౌండ్ సిస్టమ్ :

ఐ 20 యొక్క టాప్-స్పెక్‌లో 7 స్పీకర్ బోస్ సిస్టమ్‌కి సబ్‌ వూఫర్ మరియు బూట్‌లోని యాంప్లిఫైయర్‌తో అనుసంధానించబడి ఉంది.

5) బ్లూలింక్ కనెక్టివిటీ :

బ్లూలింక్ కార్ అసిస్ట్‌ను చేర్చడం వల్ల ఐ 20 దాని పోటీదారులకు సరైన ప్రత్యర్థిగా నిలుస్తుంది. ఇందులో రిమోట్ ఇంజిన్ స్టార్ట్, రిమోట్ క్లైమేట్ కంట్రోల్, వెహికల్ స్టేటస్ చెక్, టైర్ ప్రెజర్ ఇన్ఫర్మేషన్, రోడ్ సైడ్ అసిస్ట్స్ వంటి 50 ఫీచర్లు ఇందులో ఉంటాయి.

కొత్త హ్యుందాయ్ ఐ 20 మొత్తం నాలుగు వేరియంట్లలో ప్రవేశపెట్టబడింది, వీటిలో మాగ్నా, స్పోర్ట్జ్, అష్టా మరియు అష్టా (ఓ) ఉన్నాయి, వీటి ధర రూ. 6.79 - 11.17 లక్షలు, ఎక్స్-షోరూమ్. ఈ ప్రీమియం హ్యాచ్‌బ్యాక్ మార్కెట్లో టాటా ఆల్ట్రోస్, మారుతి బాలెనో, హోండా జాజ్ వంటి మోడళ్లకు ప్రత్యర్థిగా ఉంటుంది.