Click it and Unblock the Notifications
ఎట్టకేలకు భారత్లో అడుగుపెట్టిన కొత్త నిస్సాన్ మ్యాగ్నైట్ : ధర & వివరాలు
వాహనప్రియులు ఎప్పుడెప్పుడా అని ఎదురు చూస్తున్న నిస్సాన్ తన మ్యాగ్నైట్ ఎస్యూవీని ఎట్టకేలకు భారత మార్కెట్లో ప్రవేశపెట్టింది. సరికొత్త నిస్సాన్ మాగ్నైట్ ఈ ఏడాది ప్రారంభంలో ప్రపంచవ్యాప్తంగా ఆవిష్కరించబడింది, ఈ ఎస్యూవీ ఇప్పుడు భారత మార్కెట్లో అడుగుపెట్టింది.
కొత్త నిస్సాన్ మ్యాగ్నైట్ XE, XL, XV మరియు XV ప్రీమియం అనే నాలుగు వేరియంట్లలో అందించబడుతుంది. డిసెంబర్ 31 వరకు నిస్సాన్ మ్యాగ్నైట్ను రూ. 4.99 లక్షలతో అందించనున్నారు. తరువాత దీని ప్రారంభ ధర రూ. 5.54 లక్షలకు పెరుగుతుంది, టాప్-స్పెక్ మాగ్నైట్ ఎక్స్వి ప్రీమియం ధర రూ. 9.35 లక్షలు ఎక్స్-షోరూమ్ (ఢిల్లీ). కొత్త నిస్సాన్ మ్యాగ్నైట్ బుకింగ్స్ ఇప్పటికే ప్రారంభమయ్యాయి, డెలివరీలు అతి త్వరలో ప్రారంభం కానున్నాయి.
| Variant | XE | XL | XV | XV PREMIUM |
| 1.0 PETROL | ₹4,99,000 | ₹5,99,000 | ₹6,68,000 | ₹7,55,000 |
| 1.0 TURBO PETROL | ₹6,99,000 | ₹7,68,000 | ₹8,45,000 | |
| 1.0L TURBO PETROL CTV | ₹7,89,000 | ₹8,58,000 | ₹9,35,000 |
నిస్సాన్ మ్యాగ్నైట్ ఫస్ట్ కాంపాక్ట్-ఎస్యూవీ సమర్పణ, అంతే కాకుండా ఇది భారత మార్కెట్లో బ్రాండ్కి చాలా ముఖ్యమైన మోడల్. అందువల్ల, నిస్సాన్ మ్యాగ్నైట్ను అనేక కొత్త ఫీచర్స్ కలిగి ఉంది. అంతే కాకుండా ఇది అద్భుతమైన డిజైన్ మరియు రెండు బలమైన ఇంజిన్ ఎంపికలను కూడా అందిస్తోంది. ఇవన్నీ ఉండటం వల్ల ఇది ఈ విభాగంలో ఆకర్షణీయమైన సమర్పణగా నిలుస్తుంది.
ఈ కొత్త నిస్సాన్ మ్యాగ్నైట్ యొక్క డిజైన్ చాలా అద్భుతంగా ఉంటుంది. ముందు భాగంలో పెద్ద గ్రిల్ పియానో-బ్లాక్లో పూర్తయింది మరియు దాని చుట్టూ క్రోమ్ ఉంది. గ్రిల్కు ఇరువైపులా ఎల్ఈడీ ప్రొజెక్టర్ల యూనిట్లతో సొగసైన హెడ్ల్యాంప్లు ఉన్నాయి. ఫ్రంట్ బంపర్లో ఎల్-ఆకారపు ఎల్ఈడీ డిఆర్ఎల్లు, మధ్యలో పెద్ద ఎయిర్ డ్యామ్ మరియు ఇరువైపులా ఫాగ్ లాంప్స్ ఉన్నాయి.
సైడ్ ప్రొఫైల్ స్టైలిష్ డిజైన్తో ముందుకు వెళ్తుంది. ఫ్లేర్డ్ వీల్ ఆర్చెస్, 16 ఇంచెస్ డైమండ్-కట్ అల్లాయ్ వీల్స్, ఇంటిగ్రేటెడ్ టర్న్ ఇండికేటర్లతో ORVM లు, కఠినమైన ఎస్యూవీ అప్పీల్ మరియు సిల్వర్ రూఫ్ రైల్స్ ఇవ్వడానికి దిగువన బ్లాక్-క్లాడింగ్ వంటివి కూడా ఇందులో ఉన్నాయి.
వెనుక బంపర్పై సిల్వర్ యాక్సెంట్స్ మరియు బూట్-లిడ్ మధ్యలో ఉన్న 'మాగ్నైట్' బ్యాడ్జింగ్తో వెనుక ప్రొఫైల్ కూడా షార్ప్ గా కనిపిస్తుంది.
కొత్త నిస్సాన్ మ్యాగ్నైట్ లోపల స్పోర్టి ఇంకా ప్రీమియం అనుభూతితో వస్తుంది. క్యాబిన్ డాష్బోర్డ్ మరియు సీట్ అప్హోల్స్టరీతో సహా చుట్టూ బ్లాక్ కలర్ లో పూర్తవుతుంది. డాష్బోర్డ్లో వైర్లెస్ ఆపిల్ కార్ప్లే మరియు ఆండ్రాయిడ్ ఆటో, వైర్లెస్ ఛార్జింగ్, ఆటోమేటిక్ క్లైమేట్ కంట్రోల్ మరియు 8 ఇంచెస్ టచ్స్క్రీన్ ఇన్ఫోటైన్మెంట్ ఉంది.
నిస్సాన్ మాగ్నైట్ పుల్లీ-డిజిటల్ ఇన్స్ట్రుమెంట్ క్లస్టర్, స్టీరింగ్-మౌంటెడ్ కంట్రోల్స్, క్రూయిజ్ కంట్రోల్, పుష్ బటన్ స్టార్ట్ / స్టాప్, ఎలక్ట్రికల్లీ-అడ్జస్టబుల్ & ఫోల్డబుల్ ORVM లు, 12V సాకెట్తో ఫాస్ట్ ఛార్జింగ్ చేసే USB పోర్ట్, యాంబియంట్ లైటింగ్, JBL సరౌండ్ సౌండ్ సిస్టమ్ వంటి ఫీచర్స్ ఇందులో ఉన్నాయి.
ఇక కొత్త నిస్సాన్ మ్యాగ్నైట్ యొక్క సేఫ్టీ విషయానికి వస్తే ఇది మల్టిపుల్ ఎయిర్బ్యాగులతో నిండి ఉంది, ఎబిఎస్ విత్ ఇబిడి, హిల్ స్టార్ట్ అసిస్ట్, బ్రేక్ అసిస్ట్, ట్రాక్షన్ కంట్రోల్, ఇంపాక్ట్ సెన్సింగ్ ఆటో డోర్ అన్లాక్, స్పీడ్ సెన్సింగ్ ఆటో డోర్ లాక్, ఐసోఫిక్స్ చైల్డ్ సీట్ ఎంకరేజెస్ వంటివి ఇందులో ఉన్నాయి.
కొత్త నిస్సాన్ మాగ్నైట్ బోనెట్ కింద రెండు ఇంజన్ ఎంపికలను కలిగి ఉంది. మొదటిది 1.0-లీటర్ నాచురల్లీ ఆస్పిరేటెడ్ పెట్రోల్ ఇంజన్, ఇది 71 బిహెచ్పి మరియు 96 ఎన్ఎమ్ టార్క్ ఉత్పత్తి చేస్తుంది, ఇది ఐదు-స్పీడ్ మాన్యువల్ గేర్బాక్స్తో జత చేయబడింది.
ఇక రెండవ ఇంజిన్ 1.0-లీటర్ టర్బో-పెట్రోల్ ఇంజిన్, ఇది 99 బిహెచ్పి మరియు 160 ఎన్ఎమ్ పీక్ టార్క్ను ఉత్పత్తి చేస్తుంది. ఇంజిన్ 5-స్పీడ్ మాన్యువల్ లేదా సివిటి ఆటోమేటిక్ ట్రాన్స్మిషన్తో జతచేయబడుతుంది.
Continue with Google