భారత్‌లో కొత్త పియాజియో ఏప్ ఎక్స్‌ట్రా కార్గో లాంచ్ ; ధర & వివరాలు

పియాజియో ఏప్ ఎక్స్‌ట్రా సివి ప్రారంభంలో 5 మరియు 5.5 అడుగుల డెక్ పొడవుతో వచ్చింది. ఏదేమైనా కొత్త ఏప్ ఎక్స్‌ట్రా ఎల్‌డిఎక్స్ ప్లస్ అనేది సివి లైనప్‌కు జోడించిన తాజా వేరియంట్, ఇందులో 6 అడుగుల డెక్ పొడవు కలిగి ఉంటుంది.

పియాజియో సంస్థ యొక్క బిఎస్ 6 కార్గో త్రీ-వీలర్ అందుబాటులో ఉన్న ఇతర కార్గో వాహనాల కంటే ఎక్కువ ఫీచర్లను అందిస్తుంది. ఎక్స్‌ట్రా ఎల్‌డిఎక్స్ ప్లస్ ఏప్ లో పెద్ద డెక్‌ను అందిస్తున్నారు, దీనివల్ల వినియోగదారులు తక్కువ ఖర్చుతో ఎక్కువ సంపాదించవచ్చు.

ఏప్ ఎక్స్‌ట్రా ఎల్‌డిఎక్స్ ప్లస్ లో 599 సిసి బిఎస్ 6 డీజిల్ ఇంజన్ ఉంటుంది. ఇది మంచి మైలేజ్ మరియు శక్తిని అందిస్తుంది. కార్గోలో కొత్త అల్యూమినియం క్లచ్ ఉంది, అది డ్రైవ్ చేయడం సులభం చేస్తుంది. ఈ మోడల్ 30,000 కిలోమీటర్ల వరకు మంచి పనితీరును అందిస్తుంది.

కొత్త మోడల్‌లో ఇచ్చిన 6-అడుగుల పెద్ద డెక్ ఇప్పుడు ఎక్కువ లగేజ్ తీసుకెళ్లడానికి చాలా అనుకూలంగా ఉంటుంది. పియాజియో ఈ ఏడాది ఫిబ్రవరిలో ఏప్ ఇ-సిటీ ఎలక్ట్రిక్ రిక్షాను విడుదల చేసింది. ఈ ఎలక్ట్రిక్ ఆటోరిక్షాను రూ. 1.96 లక్షల ధరతో లాంచ్ చేశారు. ఇ-సిటీ ఆటోరిక్షాలు ఒకే ఛార్జీతో 70-80 కిలోమీటర్ల వరకు నడపగలవు.

ఏప్ ఇ-సిటీలో 36 నెలలు లేద1 లక్షల కిలోమీటర్ల వారంటీతో 3 సంవత్సరాలు ఫ్రీ మెయింటెనెన్స్ ని కూడా సంస్థ అందిస్తోంది. ఇ-సిటీ ఆటోరిక్షాల్లో డిజిటల్ ఇన్స్ట్రుమెంట్ క్లస్టర్ అందించబడింది, దీనిలో ఛార్జ్ స్టేటస్, డ్రైవ్ మోడ్, సర్వీస్ అలర్ట్, రేంజ్ వంటి సమాచారం అందించబడుతుంది.

ఎలక్ట్రిక్ వాహనాల కోసం ఛార్జింగ్ స్టేషన్లను కూడా సంస్థ నిర్మిస్తోంది. ఈ స్టేషన్లకు బ్యాటరీలను ఛార్జ్ చేయడంతో పాటు బ్యాటరీలను మార్చుకునే సౌకర్యం ఇవ్వబడుతుంది. పియాజియో డీజిల్ మోడళ్లతో పాటు కార్గో మరియు ప్యాసింజర్ విభాగంలో సిఎన్‌జి మోడళ్లను కూడా ఉత్పత్తి చేస్తుంది.

ఈ ఏడాది జనవరిలో కంపెనీ పవర్‌మాక్స్ కార్గో శ్రేణిని విడుదల చేసింది. ఇది సంస్థ యొక్క మొదటి బిఎస్ 6 శ్రేణి. కొత్త కార్గో మోడల్స్ పెద్ద క్యాబిన్లను మరియు ఎక్కువ హెడ్‌స్పేస్‌ను పొందుతున్నాయి. అన్ని శ్రేణి 3-వీలర్లపై కంపెనీ 4 సంవత్సరాల వారంటీని అందిస్తోంది.