భారత్‌లో విడుదలైన కొత్త మినీ కంట్రీమాన్ ; ధర & పూర్తి వివరాలు

మినీ తన కొత్త కంట్రీమాన్ స్పోర్ట్స్ యాక్టివిటీ వెహికల్ ని రెండు వేరియంట్లలో విడుదల చేసింది. అవి కంట్రీమాన్ కూపర్ ఎస్ మరియు కంట్రీమాన్ కూపర్ ఎస్ జెసిడబ్ల్యు ఇన్స్పైర్డ్. రేంజ్-టాపింగ్ జెసిడబ్ల్యు ఇన్స్పైర్డ్ మోడల్ ధర రూ. 43.40 లక్షలు (ఎక్స్-షోరూమ్, ఇండియా).

మినీ తన కొత్త కంట్రీమాన్ స్పోర్ట్స్ యాక్టివిటీ వెహికల్ ని రెండు వేరియంట్లలో విడుదల చేసింది. అవి కంట్రీమాన్ కూపర్ ఎస్ మరియు కంట్రీమాన్ కూపర్ ఎస్ జెసిడబ్ల్యు ఇన్స్పైర్డ్. రేంజ్-టాపింగ్ జెసిడబ్ల్యు ఇన్స్పైర్డ్ మోడల్ ధర రూ. 43.40 లక్షలు (ఎక్స్-షోరూమ్, ఇండియా).

కంట్రీమాన్ కూపర్ ఎస్ లో 17 ఇంచెస్ అల్లాయ్ వీల్స్ మరియు కంట్రీమాన్ కూపర్ ఎస్ జెసిడబ్ల్యు ఇన్స్పైర్డ్ లో 18 ఇంచెస్ అల్లాయ్ వీల్స్ ఉన్నాయి. కూపర్ ఎస్ జెసిడబ్ల్యు ఇన్‌స్పైర్డ్ వేరియంట్ లో ఉన్న 18 ఇంచెస్ అల్లాయ్ వీల్స్ కూడా రన్-ఫ్లాట్ టైర్లను మరియు అడిషినల్ ఏరోడైనమిక్స్ కిట్‌ను స్టాండర్డ్ గా పొందుతాయి.

మినీ కంట్రీమాన్ కూపర్ ఎస్ లోపల కార్బన్ బ్లాక్ లెథరెట్ అపోల్స్ట్రే ఉంటుంది. అయితే రేంజ్-టాపింగ్ జేసీడబ్ల్యు ఇన్స్పైర్డ్ ట్రిమ్ ప్రీమియం లెదర్ అపోల్స్ట్రే తో పాటు సిల్వర్ ట్రిమ్ ని కలిగి ఉంది. అంతే కాకుండా ఇందులో 8.8 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్, హర్మాన్ కార్డాన్ ఆడియో సిస్టమ్, డిజిటల్ ఇన్‌స్ట్రుమెంట్ క్లస్టర్, హెడ్స్-అప్ డిస్ప్లే, యాంబియంట్ లైటింగ్ వంటి ఫీచర్స్ కూడా ఉన్నాయి. ఇందులో సేఫ్టీ ఫీచర్స్ విషయానికి వస్తే, ఇందులో క్రూయిజ్ కంట్రోల్, లేన్ చేంజ్ అలెర్ట్ వంటివి కూడా ఉన్నాయి.

మినీ కంట్రీమాన్ యొక్క రెండు వేరియంట్లు ఒకే 2.0 లీటర్ టర్బో-పెట్రోల్ ఇంజిన్‌తో పనిచేస్తాయి. ఇది 189 బిహెచ్‌పి మరియు 280 ఎన్ఎమ్ పీక్ టార్క్ ఉత్పత్తి చేస్తుంది. ఇంజిన్ 7 స్పీడ్ డిసిటి గేర్‌బాక్స్‌తో జతచేయబడుతుంది. జెసిడబ్ల్యు ఇన్స్పైర్డ్ వేరియంట్ కూడా పాడిల్ షిఫ్టర్లతో వస్తుంది.

మినీ కంట్రీమాన్ భారత మార్కెట్లో ప్రముఖ లగ్జరీ విభాగంలో ఒకటిగా ఉంది. కొత్త కంట్రీమాన్ అనేక కొత్త ఫీచర్స్ మరియు పరికరాలను కలిగి ఉండటం వల్ల ఇది చాలా ఆకర్షణీయమైన ఎంపికగా నిలిచింది. కొత్త మినీ కంట్రీమాన్ ఇప్పుడు వైట్ మరియు సేజ్ గ్రీన్ అనే రెండు కొత్త రంగు ఎంపికలలో కూడా అందుబాటులో ఉంది.