నిస్సాన్ మాగ్నైట్‌పై వాలెంటైన్స్ డే ఆఫర్స్; 100% క్యాష్‌బ్యాక్, మరెన్నో..

కొత్తగా నిస్సాన్ మాగ్నైట్ కాంపాక్ట్ ఎస్‌యూవీని బుక్ చేసుకున్న కస్టమర్లు మరియు ఫిబ్రవరి 12, 2021 నాటికి ఇంకా డెలివరీని అందుకోని వినియోగదారులందరికీ ఈ లక్కీ డ్రాలో పాల్గొనేందుకు అర్హత లభిస్తుంది. వచ్చే మూడు నెలల పాటు ప్రతి 30 రోజులకు ఒకసారి చొప్పున ఈ లక్కీ డ్రా జరుగుతుంది.

ఈ లక్కీ డ్రాలో గెలిచిన మొత్తం 100 మంది వినియోగదారులకు వివిధ రకాల ఆఫర్లు లభిస్తాయి. ఇందులో ఒక కస్టమర్‌కు నిస్సాన్ మాగ్నైట్ ఎక్స్-షోరూమ్ ధరలో పూర్తిగా 100 శాతం క్యాష్‌బ్యాక్‌ను గెలుచుకోవచ్చు.

అలాగే, 8 మంది కస్టమర్లు ఒక్ వేరియంట్‌ను ఉచితంగా అప్‌గ్రేడ్ చేసుకోవచ్చు మరియు 25 మంది కస్టమర్లు 1 సంవత్సరం పాటు పొడిగించిన వారంటీని గెలుచుకోవచ్చు. మిగిలిన 66 మంది కస్టమర్లు 2 సంవత్సరాలు లేదా 20,000 కిలోమీటర్ల మెయింటినెన్స్ ప్యాకేజీని ఉచితంగా పొందవచ్చు.

నిస్సాన్ మాగ్నైట్ విషయానికి వస్తే, గతేడాది డిసెంబర్ నెలలో ఈ కారును కేవలం రూ.4.99 లక్షల ప్రారంభ ధరకే విడుదల చేశారు. ఆ తర్వాత జనవరి 2021లో కేవలం ఈ ప్రారంభ వేరియంట్ ధరను మాత్రమే రూ.50,000 మేర పెంచారు. ప్రస్తుతం దీని ప్రారంభ ధర రూ.5.49 లక్షలుగా ఉంది (అన్ని ధరలు ఎక్స్-షోరూమ్, ఢిల్లీ).

నిస్సాన్ మాగ్నైట్ డిజైన్ ఫీచర్లను గమనిస్తే, ఇందులో ఎల్‌ఈడీ ప్రొజెక్టర్ హెడ్‌ల్యాంప్‌లు, ఎల్-ఆకారపు ఎల్‌ఈడీ డిఆర్‌ఎల్‌లు, ఎలక్ట్రిక్ సన్‌రూఫ్, 16 ఇంచ్ డైమండ్-కట్ అల్లాయ్ వీల్స్, ఎలక్ట్రికల్లీ అడ్జస్టబల్ అండ్ ఫోల్డబుల్ సైడ్ మిర్రర్స్ మరియు వాటి ఇంటిగ్రేటెడ్ టర్న్ ఇండికేటర్లు మొదలైన అనేక బెస్ట్ ఇన్ క్లాస్ ఫీచర్లు లభిస్తాయి.

ఇంటీరియర్స్‌లో ఫుల్-డిజిటల్ ఇన్‌స్ట్రుమెంట్ క్లస్టర్, ఆపిల్ కార్‌ప్లే మరియు ఆండ్రాయిడ్ ఆటోతో కూడిన 8 ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ ఛార్జింగ్ ప్యాడ్, క్లైమేట్ కంట్రోల్, స్టీరింగ్-మౌంటెడ్ కంట్రోల్స్, ట్రాక్షన్ కంట్రోల్స్, రియర్ ఎసి వెంట్స్ మొదలైన ఫీచర్లు ఉన్నాయి.

ఇక ఇంజన్ ఆప్షన్స్ విషయానికి వస్తే, ఇది 1.0-లీటర్ న్యాచురల్లీ ఆస్పైర్డ్ పెట్రోల్ ఇంజన్‌తో లభిస్తుంది. ఈ ఇంజన్ గరిష్టంగా 72 బిహెచ్‌పి పవర్‌ను మరియు 96 ఎన్ఎమ్ టార్క్‌ను ఉత్పత్తి చేస్తుంది. ఇది 5-స్పీడ్ మ్యాన్యువల్ గేర్‌బాక్స్ ఆప్షన్‌తో లభిస్తుంది.

అంతేకాకుండా, ఇది 1.0-లీటర్ టర్బోచార్జ్డ్ ఇంజన్‌తో కూడా లభిస్తుంది. ఈ ఇంజన్ గరిష్టంగా 99 బిహెచ్‌పి పవర్‌ను మరియు 160 ఎన్ఎమ్ టార్క్‌ను ఉత్పత్తి చేస్తుంది. ఇది 5-స్పీడ్ మ్యాన్వుల్ మరియు సివిటి ఆటోమేటిక్ గేర్‌బాక్స్ ఆప్షన్లతో లభిస్తుంది.