ఇది ప్రపంచంలోనే అత్యంత ఖరీదైన కారు; ధర అక్షరాల 225 కోట్లు.. మీరూ ఓ లుక్కేసుకోండి

రోల్స్ రాయిస్ కంపెనీ ఇటీవల విడుదల చేసిన అత్యంత ఖరీదైన కారు 'బోట్ టెయిల్'. ఈ కారుకు 'బోట్ టెయిల్' అని పేరు పెట్టడానికి ప్రధాన కారణం దీని డిజైన్ దాదాపుగా రేసింగ్ బోట్ మాదిరిగానే ఉంటుంది. అంతే కాదు కారు వెనుక ఉన్న డెక్ పిక్నిక్ టేబుల్ లాగా మార్చే సదుపాయం కూడా ఇందులో కల్పించబడింది.

రోల్స్ రాయిస్ తయారుచేసిన ఈ బోట్ టెయిల్ కారు ధర అంతర్జాతీయ మార్కెట్లో 28 మిలియన్ డాలర్లు. అంటే భారత కరెన్సీ ప్రకారం అక్షరాలా 225 కోట్ల రూపాయలు. రోల్స్ రాయిస్ కంపెనీ యొక్క అత్యంత ఖరీదైన కారు ఇప్పుడు ఈ బోట్ టెయిల్.

కేవలం ధర మాత్రమే కాదు ఈ బోట్ టెయిల్ లగ్జరీ కారులో కనిపించే ఫీచర్స్ కూడా రోల్స్ రాయిస్ కంపనీ ఇప్పటివరకు మరే ఇతర కారులోనూ ప్రవేశపెట్టలేదు. కావున ఈ కారుని కంపెనీ యొక్క వెరీ స్పెషల్ కారుగా కూడా పిలుస్తారు. ఎందుకంటే ఇది ఇతర రోల్స్ రాయిస్ కార్లకంటే కూడా చాలా స్పెషల్.

ఈ రోల్స్ రాయిస్ కారులోని అత్యంత ఆకర్షనీయమైన ఫీచర్, దాని వెనుక డెక్‌లో కనిపించే కాక్టెయిల్ స్టోర్. ఇందులో అనేక రకాలైన డ్రింక్స్ నిల్వచేసుకోవచ్చు. దీనితో పాటు, కన్వర్టిబుల్‌ టేబుల్స్ మరియు కుర్చీలు కూడా ఉన్నాయి. ఇవన్నీ ఇందులో ఉండటం వల్ల పిక్నిక్ లేదా విహారయాత్రలకు వెళ్ళినప్పుడు చాలా ఉపయోగపడుతుంది.

నివేదికల ప్రకారం, రోల్స్ రాయిస్ కంపెనీ 2017 లో స్వెప్టైల్ కారుని లాంచ్ చేసింది. ఈ కారు ధర 12.8 మిలియన్ పౌండ్లు. ఇప్పుడు మనం తెలుసుకుంటున్న ఈ కొత్త బోట్ టెయిల్ కారు దీని ప్రేరణ చేత రూపొందింది. ప్రపంచంలో అత్యంత ఖరీదైన ఈ కారు చాలా లగ్జరీ ఫీచర్స్ కలిగి ఉంటాయి.

యూరప్‌లోని కొంతమంది ధనవంతులైన వ్యాపారవేత్తల ఆదేశాల మేరకు కంపెనీ ఈ కార్లను తయారు చేసినట్లు కూడా వార్తలు వస్తున్నాయి. అన్ని రోల్స్ రాయిస్ కార్ల నుండి పూర్తిగా భిన్నమైన కారు వీరు కోరుకుంటున్నందువల్ల కంపెనీ వీటిని తయారుచేసింది. ఇలాంటివి తమకు చాలా అవసరమని వ్యాపారవేత్తలు కూడా తెలిపారు.

వ్యాపారవేత్త డిమాండ్ మేరకు, కంపెనీ ఇంజనీర్లు సుమారు నాలుగేళ్ళకు పైగా కష్టపడి ఈ కారును తయారు చేశారు. నివేదికల ప్రకారం, బోట్ టెయిల్ కార్లు కేవలం 3 యూనిట్లను మాత్రమే కంపెనీ తయారు చేస్తుంది. బోట్ టెయిల్ కొనుగోలు చేసే వినియోగదారులు తమకు నచ్చిన విధంగా కారును మార్చవచ్చు.

రోల్స్ రాయిస్ విడుదల చేస్తున్న ఈ కొత్త కారులో నాలుగు సీట్లు ఉంటాయి. అయితే దాని బూట్ స్పేస్ లోపల డ్రింక్ క్యాబిన్ ఉంది, దీనిలో షాంపైన్ మరియు అనేక ఇతర రకాల పానీయాలు కోల్డ్ స్టోరేజీలో నిల్వ చేయబడతాయి. దాని బూట్ యొక్క డోర్స్ మాత్రం 'సీతాకోకచిలుక' రెక్కల వలె పైకి ఓపెన్ చేయడానికి అనుకూలంగా ఉంటుంది.

రోల్స్ రాయిస్ యొక్క ఈ బోట్ టెయిల్ కారు చాలా వరకు కార్బన్ ఫైబర్ కవర్ తో కన్వర్టిబుల్ ఓపెన్ టాప్ రూఫ్ తో వస్తుంది. ఇది చూడటానికి చాలా అద్భుతంగా ఉంది. ఒక్కసారి చూస్తే మనసు దోచే విధంగా ఉన్న ఈ కారు అత్యంత ఖరీదైనది కావున ఎక్కువమందిని చేరే అవకాశం ఉండదు.

రోల్స్ రాయిస్ బోట్ టెయిల్ యొక్క ఇంజిన్ విషయానికి వస్తే, ఇందులో వి12 6.75-లీటర్ టర్బో డీజిల్ ఇంజిన్‌ ఉంటుంది. ఈ ఇంజిన్ రోల్స్ రాయిస్ బ్రాండ్ అయిన కల్లినన్, ఫాంటమ్ మరియు బ్లాక్ బ్రిడ్జ్ వంటి వాటిలో కూడా ఉపయోగించారు. ఈ ఇంజన్ గరిష్టంగా 563 బిహెచ్‌పి శక్తిని ఉత్పత్తి చేస్తుంది.