ఎట్టకేలకు భారతమార్కెట్లో అడుగుపెట్టిన టయోటా ఫార్చ్యూనర్ ఫేస్‌లిఫ్ట్ & లెజెండర్ ; వివరాలు

కొత్త టయోటా ఫార్చ్యూనర్ 7 వేరియంట్లలో ప్రవేశపెట్టబడింది. ఇందులో దాని టాప్ వేరియంట్ ధర రూ. 33.43 లక్షలు కాగా, లెజెండర్ వేరియంట్ ధర రూ. 37.58 లక్షలు. ఈ టయోటా కార్లు ఇప్పుడు కొత్త డిజైన్, అదనపు ఫీచర్లను కలిగి ఉండటం మాత్రమే కాకుండా, ఇంకా అప్డేటెడ్ ఫీచర్స్ కలిగి ఉంది. దీని డెలివరీ త్వరలో ప్రారంభమవుతుంది.

సాధారణంగా టయోటా ఫార్చ్యూనర్ 2009 లో ప్రవేశపెట్టబడింది. ప్రవేశపెట్టబడిన నాటి నుంచి అనేక కొత్త మోడల్స్ మరియు ఫేస్‌లిఫ్ట్ వెర్షన్స్ ప్రవేశపెట్టబడ్డాయి. భారత మార్కెట్లో ఇప్పటివరకు దాదాపు 1.70 లక్షల యూనిట్లు అమ్ముడయ్యాయని. కావున ఇది దేశంలో ఆఫ్-రోడ్ ప్రీమియం ఎస్‌యూవీగా మారిందని కంపెనీ ప్రకటించింది.

కొత్త టయోటా ఫార్చ్యూనర్ ఫేస్‌లిఫ్ట్ లో ఫ్రంట్ గ్రిల్, ఎల్ఈడి హెడ్‌ల్యాంప్స్, కొత్త ఎల్‌ఇడి డిఆర్‌ఎల్, కొత్త ఫ్రంట్ బంపర్, చిన్న ఫాగ్ లాంప్ మరియు సిల్వర్ స్కిడ్ ప్లేట్‌కు కొత్త డిజైన్‌ వంటివాటిని పొందుతుంది. ఇందులో కొత్త ఎల్‌ఈడీ టైల్లైట్స్, కొత్త మల్టీ స్పోక్ అల్లాయ్ వీల్స్ కూడా ఉన్నాయి.

ఇక టయోటా యొక్క లెజెండర్ వేరియంట్ విషయానికి వస్తే, ఇది ముందు నుండి చూడటానికి చాలా దూకుడుగా కనిపిస్తుంది, ఇది సన్నగా ఉండే ఫ్రంట్ గ్రిల్, హై ఫ్రంట్ బంపర్, పెద్ద ఎయిర్ డ్యామ్, కొత్త మరియు మల్టిపుల్ ఎల్‌ఇడి హెడ్‌ల్యాంప్‌లను కలిగి ఉంది. ఇవన్నీ వీటికి మంచి ప్రీమియం రూపాన్ని ఇస్తాయి.

కొత్త టయోటా ఫార్చ్యూనర్ యొక్క ఇంటీరియర్ విషయానికి వస్తే, ఇందులో 8 ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్, ఆపిల్ కార్ప్లే మరియు ఆండ్రాయిడ్ ఆటో, ఎల్‌ఇడి యాంబియంట్ లైటింగ్, అప్‌డేటెడ్ ఇన్స్ట్రుమెంట్ క్లస్టర్, మల్టీ-ఫంక్షన్ స్టీరింగ్ వీల్, వైర్‌లెస్ ఫోన్ ఛార్జర్, కనెక్ట్ కార్ టెక్నాలజీ ఉన్నాయి.

టయోటా ఫార్చ్యూనర్ మూడు డ్రైవింగ్ మోడ్‌లను కలిగి ఉంది. అవి ఎకో, నార్మల్ మరియు స్పోర్ట్ మోడ్స్. ఇది కాకుండా వేరియంట్లో సీట్ వెంటిలేషన్ సిస్టమ్ కోసం కిక్ సెన్సార్, లెజెండర్ వేరియంట్లో పవర్ బ్యాక్ డోర్ ఉన్నాయి. ఇంకా 360 డిగ్రీ కెమెరా, ఫ్రంట్ పార్కింగ్ సెన్సార్, లేన్ కీప్ అసిస్ట్, అడాప్టివ్ క్రూయిజ్ కంట్రోల్, అటానమస్ ఎమర్జెన్సీ బ్రేకింగ్, ఎలక్ట్రానిక్ డిఫరెన్షియల్ లాక్, రాడార్ గైడెడ్ డైనమిక్ క్రూయిజ్ కంట్రోల్ వంటి వాటిని కూడా కలిగి ఉంది.

కొత్త టయోటా ఫార్చ్యూనర్ ఫేస్‌లిఫ్ట్ పెట్రోల్ మరియు డీజిల్ ఇంజన్ ఆప్షన్లలో అందించబడుతుంది. ఇందులో అదే 2.7-లీటర్ పెట్రోల్ మరియు 2.8-లీటర్ డీజిల్ ఇంజన్ ఎంపికలు ఉన్నాయి. పెట్రోల్ యూనిట్ 166 బిహెచ్‌పి మరియు 245 ఎన్ఎమ్ పీక్ టార్క్ ఉత్పత్తి చేస్తుంది, ఇది 5-స్పీడ్ మాన్యువల్ లేదా 6-స్పీడ్ ఆటోమేటిక్ ట్రాన్స్మిషన్ తో జతచేయబడి ఉంటాయి.

ఇక డీజిల్ ఇంజిన్ విషయానికి వస్తే ఇందులో ఉన్న 2.8-లీటర్ డీజిల్ ఇంజన్ మాన్యువల్ గేర్‌బాక్స్‌తో జతచేయబడినప్పుడు 177 బిహెచ్‌పి మరియు 420 ఎన్ఎమ్ టార్క్‌ను ఉత్పత్తి చేస్తుంది. అదే విధంగా అప్సనల్ 6-స్పీడ్ టార్క్-కన్వర్టర్ ఆటోమేటిక్ ట్రాన్స్మిషన్ యూనిట్‌తో జత చేసినప్పుడు ఇది 201 బిహెచ్‌పి మరియు 500 ఎన్ఎమ్ పీక్ టార్క్ ను ఉత్పత్తి చేస్తుంది.

టయోటా ఫార్చ్యూనర్ చూడటానికి చాలా ఆకర్షణీయంగా ఉండటమే కాకుండా మంచి అప్డేటెడ్ ఫీచర్స్ కలిగి ఉంటుంది. ఇది భారతీయ మార్కెట్లో ఫోర్డ్ ఎండీవర్, మహీంద్రా అల్టురాస్ జి 4 మరియు కొత్త మోడల్ ఎంజి గ్లోస్టర్‌ వంటి వాటికీ ప్రత్యర్థిగా ఉంటుంది.