డిసి స్టయిల్ సూపర్ లగ్జరీ బస్సును విడుదల చేసిన స్కానియా

ఆటోమోటివ్ కస్టమైజేషన్‌లో ప్రపంచ ప్రఖ్యాతి గాంచిన డిసి డిజైన్స్, స్కానియా మెట్రో లింక్ బస్సు ఇంటీరియర్లను డిజైన్ చేసింది.

ఈ లగ్జరీ బస్సులో ప్రీమియం ఇంటీరియర్లే కాకుండా, స్పా, టాయిలెట్, రిఫ్రెష్‌మెంట్ బార్, ఆన్-ద-గో డైనింగ్, యూఎస్‌బి కనెక్టివిటీతో కూడిన పర్సనల్ ఎల్‌సిడి స్క్రీన్స్, సెన్‌హీసర్ హెడ్‌ఫోన్స్ వంటి అనేక ఫీచర్లను ఆఫర్ చేయనున్నారు.

మాడ్యూల్స్ అండ్ మాడ్యులర్ బాడీవర్క్ ఛాస్సిస్ సిస్టమ్ ఆధారంగా చేసుకొని తయారు చేసిన రెగ్యులర్ మెట్రోలింక్ బస్సులు టూ-యాక్సిల్, 3-యాక్సిల్ రూపంలో 45, 49, 53 ప్యాసింజర్ సీట్స్ కెపాసిటీతో మూడు మోడళ్లలో లభ్యమవుతున్నాయి.

స్కానియా అందిస్తున్న మెట్రోలింక్ హెచ్‌డి 45-సీటర్ బస్సు 12 మీటర్ల పొడవును కలిగి ఉండి 2+2 సీట్లను కలిగి ఉంటుంది. ఇందులో 9-లీటర్, 314పిఎస్, యూరో3 ఇంజన్‌ను అమర్చారు. ఈ బస్సుకు తరచూ గేర్లు మార్చాల్సిన అవసరం లేదు. ఇందులో 8-స్పీడ్ ఆటోమేటిక్ ట్రాన్సిమిషన్ సిస్టమ్‌ను ఉపయోగించారు.

మెట్రోలింక్ హెచ్‌డి 49-సీటర్ బస్సు 13.7 మీటర్ల పొడవును కలిగి ఉండి 49 సెమీ-స్లీపర్ సీట్లను కలిగి ఉంటుంది. ఇందులో పవర్‌ఫుల్ 13-లీటర్, 365 పిఎస్ ఇంజన్‌ను అమర్చారు. ఈ ఇంజన్‌ను స్కానియా ఆప్టిక్రూయిజ్ 8-స్పీడ్ ఆటోమేటిక్ ట్రాన్సిమిషన్ సిస్టమ్‍‌తో జతచేయబడి ఉంటుంది.

మెట్రోలింక్ హెచ్‌డి 45-సీటర్ బస్సు 14.5 మీటర్ల పొడవును కలిగి ఉండి, 53 సెమీ-స్లీపర్ సీట్లను కలిగి ఉంటుంది. ఇందులో 8-లీటర్ 416 పిఎస్ ఇంజన్‌ను అమర్చారు. ఇది కూడా 8-స్పీడ్ ఆటోమేటిక్ ట్రాన్సిమిషన్ సిస్టమ్‌తో జతచేయబడి ఉంటుంది.