Click it and Unblock the Notifications
టాటా జెస్ట్ కాంపాక్ట్ సెడాన్కు 6 నెలల వెయిటింగ్ పీరియడ్
టాటా మోటార్స్ గడచిన ఆగస్ట్ నెలలో విడుదల చేసిన తమ తొలి కాంపాక్ట్ సెడాన్ 'టాటా జెస్ట్'కు మార్కెట్లో మంచి స్పందన లభిస్తోంది. ఇప్పుడిప్పుడే ఈ మోడల్ అమ్మకాలు క్రమంగా జోరందుకుంటున్నాయి. గడచిన ఆగస్ట్ నుంచి ఇప్పటి వరకూ టాటా మోటార్స్ సుమారు 10,000 యూనిట్లకు పైగా జెస్ట్ సెడాన్లను విక్రయించింది.
సరికొత్త ఇంజన్, మోడ్రన్ డిజైన్, హై-ఎండ్ ఫీచర్స్, ఏఎమ్టి (డీజిల్ వెర్షన్లో మాత్రమే) వంటి ఫీచర్లతో వచ్చిన టాటా జెస్ట్ కస్టమర్లను చక్కగా ఆకట్టుకుంటోంది. ప్రత్యేకించి ఆటోమేటెడ్ మ్యాన్యువల్ ట్రాన్సిమిషన్ (ఏఎమ్టి) కలిగిన డీజిల్ వెర్షన్ కారుకు మంచి డిమాండ్ ఉంటోంది. దీంతో ఈ వేరియంట్ వెయిటింగ్ పీరియడ్ భారీగా పెరిగిపోయింది.
అలాగే, పెట్రోల్ వేరియంట్స్ టాటా జెస్ట్కు కూడా డిమాండ్ పెరుగుతున్నట్లు కంపెనీ పేర్కొంది. వెండర్ల నుంచి ఎదుర్కుంటున్న సరఫరా కొరత, తగినంతగా లేని ఉత్పత్తి సామర్థ్యం వలన ఈ మోడల్ వెయిటింగ్ పీరియడ్ పెరిగిపోతోంది. మార్కెట్ అవసరానికి అనుగుణంగా తాము ఉత్పత్తిని చేపట్టలేకపోతున్నామని, డిమాండ్ కన్నా సప్లయ్ చాలా తక్కువగా ఉందని కంపెనీ తెలిపింది.
ప్రస్తుతం టాటా జెస్ట్ మోడల్లోని కొన్ని వేరియంట్లకు సుమారు 6 నెలల వరకూ వెయిటింగ్ పీరియడ్ ఉంటోంది. ప్రత్యేకించి డీజిల్ వెర్షన్లో కంపెనీ ఆఫర్ చేస్తున్న టాటా జెస్ట్ ఎక్స్ఎమ్ఏ ఎఫ్-ట్రానిక్ వేరియంట్ అధిక వెయిటింగ్ పీరియడ్ను కలిగి ఉంది.
టాటా జెస్ట్ విషయానికి వస్తే.. పెట్రోల్ వెర్షన్ టాటా జెస్ట్ సెడాన్లో కంపెనీ ఇటీవలే ఆవిష్కరించిన సరికొత్త 1.2 లీటర్, టర్బో చార్జ్డ్, రెవట్రోన్ ఇంజన్ను ఉపయోగించారు. ఈ ఇంజన్ గరిష్టంగా 90 పిఎస్ల శక్తిని, 140 ఎన్ఎమ్ల టార్క్ను ఉత్పత్తి చేస్తుంది. ఈ ఇంజన్ 5-స్పీడ్ మ్యాన్యువల్ ట్రాన్సిమిషన్తో అనుసంధానం చేయబడి ఉంటుంది. ఇది లీటరుకు 17.6 కి.మీ. మైలేజీనిస్తుంది. ఈ ఇంజన్ స్పోర్ట్స్, ఎకానమీ, సిటీ అనే మూడు డ్రైవింగ్ మోడ్స్తో లభిస్తుంది.
డీజిల్ వెర్షన్ టాటా జెస్ట్ సెడాన్లో ఫియట్ నుంచి గ్రహించిన 1.3 లీటర్, క్వాడ్రాజెట్ ఇంజన్ను ఉపయోగించారు. ఈ ఇంజన్ గరిష్టంగా 90 పిఎస్ల శక్తిని, 190 ఎన్ఎమ్ల టార్క్ను ఉత్పత్తి చేస్తుంది. ఈ ఇంజన్ కూడా 5-స్పీడ్ మ్యాన్యువల్ ట్రాన్సిమిషన్తోనే అనుసంధానం చేయబడి ఉంటుంది. ఇందులో టాప్-ఎండ్ వేరియంట్ ఆటోమేటెడ్ మ్యాన్యువల్ ట్రాన్సిమిషన్ (ఏఎమ్టి)తో లభిస్తుంది. ఇది లీటరుకు 23 కి.మీ. మైలేజీనిస్తుంది.
Continue with Google