జీప్ కంపాస్ క్రాష్ పరీక్షల్లో అద్బుతమైన ఫలితాలు: నిశ్చింతగా కొనొచ్చు

పెద్దల భద్రత పరంగా 90 శాతం, చిన్న పిల్లల సేఫ్టీ పరంగా ఎస్‌యూవీ 83 శాతం మరియు 64 శాతం పాదచారుల భద్రత పరంగా స్కోర్ చేసింది. జీప్ కంపాస్ 4X4 లిమిటెడ్ వేరియంట్ లెఫ్ట్ హ్యాండ్ డ్రైవ్ వెహికల్‌ను పరీక్షించింది. అయితే ప్రపంచ వ్యాప్తంగా లెఫ్ట్ హ్యాండ్ మరియు రైడ్ హ్యాండ్ డ్రైవ్ వేరియంట్లలో అదే స్థాయి సేఫ్టీని అందిస్తున్నట్లు జీప్ వెల్లడించింది.

Recommended Video

Jeep Compass Launched In India | In Telugu - DriveSpark తెలుగు

ఇండియన్ స్పెక్ జీప్ కంపాస్ ఎస్‌యూవీలో ఆరు ఎయిర్ బ్యాగులు ఉండగా, గ్లోబల్ వేరియంట్లో ఎనిమిది ఎయిర్ బ్యాగులు ఉన్నాయి. అయితే రెండు మోడళ్లలో ఒకే విధమైన నిర్మాణ విలువలు, అదే ధృడమైన బాడీ మరియు ఇతర సేఫ్టీ ఫీచర్లున్నాయి.

కంపాస్ ఎస్‌యూవీకి ముందు వైపు నుండి నిర్వహించిన క్రాష్ టెస్టు ముందు వరుస మరియు వెనుక వరుస ప్రయాణికులకు ప్రమాదం తీవ్రత చేరే అవకాశం దాదాపు తక్కువగా ఉన్నట్లు యూరో ఎన్‌సిఎపి క్రాష్ టెస్ట్ బృందం వెల్లడించింది.

డ్రైవ్‌స్పార్క్ తెలుగు అభిప్రాయం!

ఇండియన్ మరియు ఇంటర్నేషనల్ మోడల్ కంపాస్‌ మధ్య ఎయిర్ బ్యాగులు వ్యత్యాసం మినహాయిస్తే, రెండింటిలో దాదాపు ఒకే విధమైన భద్రత ఫీచర్లు ఉన్నాయి. మరియు శరీర నిర్మాణం పరంగా అదే ధృడత్వాన్ని కలిగి ఉంది.

మరిన్ని వివరాల కోసం డ్రైవ్‌స్పార్క్ తెలుగు నిర్వహించిన జీప్ కంపాస్ రివ్యూను చదవండి....