టియూవీ500 ఎమ్‌పీవీకి రహస్యంగా పరీక్షలు నిర్వహించిన మహీంద్రా

మహీంద్రా తమ టియూవీ500 వెహికల్‌ను తమిళనాడులోని మెట్టుపాళ్యంలో జితేష్ అనే డ్రైవ్‌స్పార్క్ పాఠకుడు ఫోటోలు తీసి మాతో పంచుకున్నాడు. ఈ ఫోటోల ప్రకారం పెద్ద బాక్స్ ఆకారంలో ఉన్న వీల్ బేస్ పొడగించబడిన టియూవీ300 ను పోలి ఉంటుంది.

ఇది ఏడు లేదా ఎనిమిది కూర్చునే సీటింగ్ సామర్థ్యంతో రానున్నట్లు సమాచారం. అయితే మహీంద్రా ఎక్స్‌యూవీ500 చివరి వరుస కుంచించుకుపోయిన తరహాలో కాకుండా అన్ని వరుసల్లో కూడా సౌకర్యవంతంగా కూర్చునేందుకు ఈ టియూవీ500లో ముందు నుండి వెనుక వరకు ఒకే విధమైన వెడల్పు కలదు.

నూతన టియూవీ500 కు చెందిన ఇంటీరియర్ ఫోటోలు విడుదల కాలేదు, అయితే ప్రస్తుతం ఉన్న రియర్ ప్రొఫైల్ ప్రకారం ఇది అచ్చం టియూవీ300 రియర్ డిజైన్‌ను పోలి ఉంది. అదనంగా అందించిన టైర్ మినహాయిస్తే ఎలాంటి మార్పులు చోటు చేసుకోలేదు.

తాజా రిపోర్ట్స్ ప్రకారం మహీంద్రా తమ టియూవీ500 ఎమ్‌పీవీలో 2.2-లీటర్ లేదంటే 1.5-లీటర్ సామర్థ్యం డీజల్ ఇంజన్ వినియోగించే అవకాశం ఉంది. అయితే టియూవీ300 ఆటోమేటిక్ ట్రాన్స్‌మిషన్ అందివ్వడానికి బదులుగా టియూవీ500లో 6-స్పీడ్ ఆటోమేటిక్ ట్రాన్స్‌మిషన్ అందివ్వనున్నట్లు సమాచారం.

ఇంత వరకు మహీంద్రా తమ టియూవీ500 విడుదలకు సంభందించి ఎలాంటి అధికారిక సూచనలు చేయలేదు. అయితే ఈ ఏడాది ముగిసేలోపు దీనిని విడుదల చేసే అవకాశం ఉంది. ప్రస్తుతం ఉన్న టయోటా ఇన్నోవా క్రిస్టా ఎమ్‌పీకీ దీనిని గట్టి పోటీగా సిద్దం చేయనుంది.